Os Concellos de Negreira, Ames e Teo, presentan un total de nove equipos de estudantes, que cursan estudos de educación secundaria e bacharelato, á quinta edición do Club de Debate, cuxa fase clasificatoria de zona celébrase este venres 8 de abril, no Auditorio de Negreira.

 Esta iniciativa busca traballar na mocidade conceptos como a comunicación, a oratoria, a tolerancia e o pensamento crítico, ao tempo que fomenta o uso oral lingua en contextos formais e informais.

Galicia pode vivir do sector primario, vai selo tema sobre o que debaterán os equipos de escolares que participen este ano na fase clasificatoria de zona do Club de Debate. Oitenta estudantes de institutos dos tres concellos participan nesta fase que por vez primeira ten lugar no noso concello.

O Club de Debate é unha iniciativa impulsada dende os servizos de Normalización Lingüística municipais na que nesta edición participan once concellos: Ames, O Carballiño, Carballo, A Coruña, Ferrol, Narón, Negreira, Pontevedra, Rois, Santiago de Compostela e Teo. Leva xa cinco cursos organizándose de xeito cooperativo e coordinado entre varios concellos e cunha moi boa acollida dentro da comunidade escolar.

Antes da fase clasificatoria de zona do Club de Debate, realizouse  unha xornada formativa para todo o alumando participante que tivo lugar a finais do pasado mes de xaneiro, no Pazo da Peregrina, en Bertamiráns. Nela participaron todos os equipos anotados de Ames, Teo e Negreira.

Esta é unha das zonas con maior participación no certame, xa que se presentan 9 equipos, formados por un total de 80 estudantes e 7 profesoras e profesores. De Ames participan 6 equipos (1 do IES do Milladoiro e 5 do IES Plurilingüe de Ames, situado en Bertamiráns), 2 equipos do IES Xulián Magariños de Negreira e 1 equipo do IES de Cacheiras de Teo.

Xornada de formación práctica

A actividade desenvolvida en xaneiro centrouse en formar e preparar os equipos para o certame en técnicas de expresión oral e habilidades sociais e comunicativas. Tamén se deron a coñecer as normas, tempos, estrutura… da dinámica de funcionamento do certame, co obxectivo de favorecer a posta en situación por parte dos equipos participantes. A maiores diso, abordáronse técnicas de busca de información, preparación de argumentos e roles, posicionamentos a favor e en contra...

A xornada de rematou cunha simulación de debate por equipos. Nesa simulación, os equipos prepararon en pouco tempo e defenderon nun animado debate argumentos a favor e en contra sobre a idoneidade ou non dos deberes escolares.

Os dous equipos gañadores deste primeiro enfrontamento participarán, xunto cos gañadores das outras zonas, na fase final do Club de Debate, a cal terá lugar o vindeiro día 30 de abril, en Pontevedra. O tema da final galega será: En galego, hai un mundo de cousas boas.

O alcalde de Negreira, Jorge Tuñas Caamaño, e mailo deputado de Cooperación cos Concellos, Xosé Regueira, asinaron hoxe un convenio polo que a Deputación da Coruña achega 144.623,74 euros para a realización do proxecto de mellora de infraestructuras públicas da obra de aglomerado en quente e formación da rede de saneamento de augas pluviais, na rúa Nelson Mandela e en Vilachán, así como aglomerado nun treito da rúa Rosalía de Castro. A achega da Deputación supón o 80% do total  de 180.779,67 €.

O proxecto Apego, vén de ampliar horizontes. Impulsado pola Coordinadora de Traballadores e Traballadoras de Normalización da Lingua (CTNL), nel, dende a firma do convenio de colaboración en marzo do 2015, participaban até o de agora os concellos de A Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago e Vigo.

Este sábado, no Centro Ágora de A Coruña, rubricouse a adhesión de once novos municipios: Ponteceso, Vimianzo, A Coruña, Ames, Mazaricos, Moaña, Muros, Oleiros, Rianxo, Ribadeo e Teo. Serán así 23 concellos e as actividades, cun amplo seguimento e éxito, chegarán a máis dun milleiro de habitantes.

O programa Apego está centrado na promoción e a transmisión da lingua galega aos máis pequenos. Na xornada do sábado actuaron Xabier Díaz e Guillerme Díaz, nun acto que contou coa asistencia do alcalde do Concello de Negreira, Jorge Tuñas Caamaño, e maila concelleira de Educación, María Jesús Veiga Hortas, xunto coa técnica de Normalización Lingüística da Agrupación A Baña-Negreira, Carme Pereiro.

O Concello de Negreira ten intención de solicitar unha vintena de mobilidades europeas a catro países, segundo a orientación das prácticas laboráis elexidas polos mozos e mozas de 16 a 29 anos que queiran participar no Programa de movilidade transnacional Galeuropa 2016 que consiste na realización de prácticas formativas non retribuidas en empresas e entidades públicas ou privadas nos seguintes países europeos: Alemaña, Austria, Bélxica, Bulgaria, Chipre, Croacia, Dinamarca, Eslovaquia, Eslovenia, Estonia, Finlandia, Francia, Grecia, Hungría, Irlanda, Islandia, Italia, Letonia, Liechtenstein, Lituania, Luxemburgo, Malta, Noruega, Países Baixos, Polonia, Portugal, Azores, Madeira, República Checa, Reino Unido, Romanía, Suecia e Turquía.

A intención é colaborar con empresas e organismos europeos, acceder a novas tecnoloxías, aumentar a competitividade dos mozos e mozas do noso concello, e coñecer novas culturas para os xóvenes.

Está aberto o prazo de inscripción para poder realizar unha estadía dun mínimo de 2 meses e un máximo de 4 sempre e cando se cumplan os seguintes requisitos:

- Ter máis de 16 anos e menos de 25 anos, e tamén menos de 30 anos cun grao de discapacidade igual ou superior ó 33%.

- Estar inscritos/as no ficheiro do Sistema nacional de garantía xuvenil no ámbito da Comunidade Autónoma de Galicia.

- Non ter traballado nos trinta días naturais anteriores ao momento de recibir a actuación.

- Non ter recibido accións educativas que comporten máis de corenta horas mensuais nos noventa días naturais anteriores ao momento de recibir a actuación.

- Non ter recibido accións formativas que comporten máis de corenta horas mensuais nos trinta días naturais anteriores ao momento de recibir a actuación.

 As estadías de2 meses deben compretarse antes do 20 de novembro e cos seguintes gastos cubertos:

- Gastos da viaxe ida e volta.

- Gastos de manutención e estancia.

- Gastos de desprazamentos urbanos no país escollido.

- Gastos para poder realizar un curso de idioma do país de referencia.

- Outros gastos excepcionais.

Para poder inscribirse, ou máis información, as persoas interesadas deben dirixirxe ó Servizo Local de Emprego, na primeira planta da Casa do Concello, na rúa do Carme 3, e preguntar por Sonia Ponte ou Natalia Suárez.

O Concello de Negreira informa ca este xoves 21 de abril, ás 20:00 horas, no Auditorio da Casa da Cultura, vaise celebrar unha charla informativa para explicar a liña de axudas que concede a Xunta de Galicia para a rehabilitación de vivendas e edificios no ámbito de rehabilitación integral (ARI), dos camiños de Santiago e, na que se atopa o noso concello.

As parroquias beneficiadas son: A Pena; Aro; Broño; Bugallido; Gonte; Landeira; Logrosa; Portor e Zas, no relativo a todos os seus nucleos, e Negreira vila, só no relativo ó trazado do Camiño de Fisterra e Muxía.

O Concello de Negreira celebrará a 21ª edición do Encontro dos Maiores, o sábado día 7 de maio, no Campo da Feira, nun evento que inclúe unha misa ás 13.45 horas na Capela do Cotón, seguida da actuación da Banda Ateneo de Negreira e, do xantar popular, mentres que ao longo da tarde non faltará a animación musical e mailo baile dos participantes.

Para asistir é necesario retirar as invitacións, dende este mércores 20 até o venres 29 de abril, no Departamento Municipal de Servizos Sociais, na pranta baixa da Casa do Concello (rúa do Carme, 3), en horario de mañá. É requisito imprescindible ter cumpridos os 60 anos de idade e estar empadroados no Concello de Negreira, así como ir acompañados do seu DNI para a retirada das invitacións.

Como tódolos anos, haberá un servizo de autobuses que pasarán por tódalas parroquias do concello para trasladar aos participantes ata a festa, así como de regreso unha vez remate a xornada.

O Concello de Negreira informa que debido a unha avaría na boca de rego da avenida de Santiago, este xoves día 21 de abril, de 15:30 a 17:30 horas, producirase un corte no fornezo de auga potable da traída municipal que afectará a tódolos números impares da devandita avenida, dende o número 39 ó 87, inclusive Talleres San Mauro, e máis o número 68 de A Chancela.

A rede considerarase en presión a todos os efectos e, a para calquera consulta, os veciños poden chamar ós seguintes números de teléfono: 626 986 941 e 981 881 569.

A Federación Galega de Espeleoloxía, en colaboración co Club Deportivo Luz Verde, de Arteixo, van levar a cabo esta fin de semana no concello de Negreira, o seu XXVI Campamento Galego de Descenso de Canóns, unha quedada de barranquismo na que colabora o Concello de Negreira xunto coa Confederación de Espeleología y Cañones, e mailo Concello de Arteixo.

O deseño das actividades e a organización foille encargado a un especialista en barrancos como é Rubén Suárez Carballo, coautor da publicación ¨40 Aventuras al final del Camino¨, no ano 2003, que supuso que a Federación Galega de Espeleoloxía déselle importancia  a todos os barrancos abertos nesta zona, reequipándoos con descolgues e, onde Rubén Suárez foi un activo aperturista con Andrés Villar.

Neste tipo de campamentos adoitan a participar arredor dun cento de deportistas, sendo o barranco do río Corzán, na parroquia de Lueiro, un dos lugares nos que levaránse a cabo as actividades, tanto o sábado 23 coma o domingo 24 de abril, pernoctando en establecementos da vila de Negreira.

Negreira acolle esta fin de semana unha máis ca compreta oferta para o tempo de lecer, que conxuga cultura, deportes e festa. No eido cultural, tres son as citas incluídas na penúltima fin de semana do Ciclo de Teatro. Hoxe ás nove da noite, dende Muros, o grupo Aquelando Teatro representa a súa obra ¨No día a día¨, unha comedia con grandes doses de autocrítica e que móstranos o día a día dunha vila mariñeira. E ás once da noite, o Café Fontana (rúa do Corzán), acolle o monólogo ¨No pensar¨, a cargo de Carlos Meixide, dentro da colaboración co Ciclo de Teatro.

Estrea

A terceira e última cita teatral atopámola no sábado ás nove da noite, tamén no Auditorio. Chega a agardada estrea da última montaxe de Debullando Teatro, o grupo de adultos da Escola Municipal de Teatro. ¨Old Town¨, é unha comedia dramática ambientada no salvaxe oeste, cuxo leit motiv é a vinganza. Con textos e dirección de Sandra Lesta, todo o plantel de actores e actrices interveñen na obra, dirixida ó público maior de 12 anos.

Aventura

O deporte, sobre todo de aventura, terá a Negreira como base de operacións do vixésimo sexto Campamento Galego de Descenso de Canóns, promovido pola Federación Galega de Espeleoloxía e mailo Club Deportivo Luz Verde, de Arteixo, coa colaboración do Concello de Negreira e, grazas ao traballo de organización do alpinista Rubén Suárez Carballo. Sábado e domingo, os máis de medio cento de participantes percorrerán lugares coma os barrancos do Corzán, na parroquia de Lueiro, e outros como San Paio, Ribeiriños, Gasolfre ou Santabaia, entre os concellos de Mazaricos e Outes, ou o do Xallas, en Dumbría. O sábado pola noite haberá unha cea de confraternidade.

E paralelamente, este sábado celébrase a cuarta Marcha BTT do Val de Barcala, polo veciño concello de A Baña, aínda que a saída e chegada estará no Comprexo Deportivo de Pedra Mámoa.

San Xurxo

A tradicional festa na parroquia de Gonte é o compremento perfecto a tanta actividade cultural e deportiva en Negreira. O sábado é o día grande, con misas dende as dez da mañá. Na sesión vermú actuarán Os Atrevidos de Barcala, e haberá un concerto a cargo da Banda Ateneo de Negreira, baixo a dirección de Raúl Martín Niñerola. Pola noite, segue a festa coa orquestra Abanico.

E para rematalo finde, o domingo, día de San Xurxo Pequeno, máis misas, poxa dos pés de porco e vermú amenizada pola agrupación musical Tíralle do aire. Este ano o recinto da festa foi aocndicionado polo Concello e haberá unha carpa e, mesmo tamén unha pulpeira.

O Concello de Negreira programa un concerto do grupo de cámara Minuetto, co gallo da festividade das Letras Galegas 2016 mediante unha actuación que terá lugar na Praza do Concello, o vindeiro 17 de maio, a partir das 13:00 horas.

Devandita actuación vai a incluir unha lectura de poemas do poeta barcalés, Xosé M. López Ardeiro, entre peza e peza musical, polo que faise un chamamento a todos aqueles que queirades participar coa lectura de poemas seus, a que o comuniquédes previamente na Delegación de Cultura, na primeira pranta da Casa da Cultura, ou ben chamando ao número de teléfono: 981 885 886.

A iniciativa trata así, de apoiar o acordo plenario da Corporación Municipal de Negreira para a candidatura das Letras Galegas 2017 adicadas ó poeta Ardeiro, solicitude que o Concello de Negreira debe trasladar ó plenario da Real Academia Galega.

Banda Ateneo

As actividades das Letras Galegas 2016 en Negreira terán a súa continuidade, o sábado día 21 de maio, cun concerto especial da Banda Ateneo de Negreira, ás 20:00 horas, no Auditorio de Negreira, interpretando música de Andrés Álvarez, Simón García, Alejandro Montes e Raúl Martín Niñerola, director da Banda.