Dentro dos actos conmemorativos das Letras Galegas 2018, o Auditorio do Centro Sociocultural acolleu este martes o acto de entrega dos premios do Certame de Pintura infantil ¨Negreira en cor¨, ademáis da clausura e entrega de diplomas aos participantes na Escola Municipal de Pandeireta.

Na categoría de 6 a 12 anos:

1º premio - Celia Lista Vieito, coa obra A casa do lago

2º premio - Lucia Rouco Zarco, por A árbore da vida

3º premio - Laura Vieites Ferreiro, coa obra Dama bolboreta

Na categoría de 13 a 18 anos:

1º premio - Laura Rodríguez Capeáns, pola obra A colleita

2º premio - María Suárez Canoura, por Paisaxe

3º premio - Paola Enjo Lueiro, coa obra Orange

Os premios consistiron nun vale en metálico de 200, 100 e 50 euros, respeitivamente, e en cuxa entrega participaron o alcalde de Negreira, Jorge Tuñas Caamaño, e maila concelleira de Educación, María Jesús Veiga Hortas.

Contouse coa actuación do alumnado da Escola Municipal de Pandeireta, coas súas profesoras Sonia Nieto e Paula Liñares, e a entrega dos seus diplomas.

O Pavillón Municipal de Pedra Mámoa acolleu este xoves 17 de maio, a Fase Final Intercomarcal de Fútbol Sala en categoría Prebenxamín, coa vitoria final do equipo da Escola Municipal de Futsal de Negreira por 4 goles a 2 ante o Outes C.F. Nas semifinais, os anfitrións venceron 9-4 ó equipo do Terras de Iria, mentras que na segunda semifinal foi o Outes quen vencía 5-3 á Escola de Fútbol Base de Corcubión.

O terceiro posto correspondeu ó equipo de Corcubión que tras empatar a seis goles co Terras de Iria, o desempate decidiuse na tanda de penaltis (1-2), logo de empatar a ceros na prórroga.

No Pavillón de Pedra Mámoa viviuse un gran ambiente entre familias dos catro concellos participantes, cuxo colofón foi a entrega final de trofeos e medallas aos catro equipos por parte do primeiro tenente de alcalde, Manuel Ángel Leis Míguez.

O noso concello será protagonista este sábado de dous novos eventos deportivos. Por un lado, o XXI Torneo Intermunicipal de Fútbol Sala, que reúne a unha ducia de equipos campións das súas respeitivas ligas locais, e polo outro, a Fase Intermedia de Fútbol 8 categoría Prebenxamín, cuxo campión clasifícase para a Fase Final Autonómica, a xogarse este sábado no Campo Jesús García Calvo.

O Torneo Intermunicipal de Fútbol Sala comeza ás nove da mañá, tanto no Pavillón de Pedra Mámoa como no de San Vicenzo (A Baña). En Negreira farano os seguintes equipos: Teo; Santiago 2; Arzúa; Negreira; Trazo e Frades, en dous grupos. Na Baña: Tordoia; Ordes; Santiago 1; Vedra; Rianxo e Santa Comba.

Os partidos terán unha duración de 40 minutos cronometrados a tempo corrido, divididos en dous tempos de vinte minutos. Os horarios da mañá serán de 9 a 14 horas, e tanto as semifinais como o terceiro posto e a final, xogaranse no Pavillón de Pedra Mámoa, a partir das 16:00 horas, sendo a gran final ás 18:30 horas. De dúas a catro da tarde, haberá un parón para o xantar de confraternización na carpa instalada en Pedra Mámoa.

O sábado 9 de xuño, a vila de Negreira vestirá as súas mellores galas para acoller a terceira edición do Triatlón Solidario Concello de Negreira, que organiza o Club Cervecería O Cotón coa colaboración do Concello de Negreira e dos Concellos de A Baña e Brión, así como numerosas firmas comerciais e entidades sociais. A recadación do evento irá destinada á investigación e tratamento de enfermidades raras e crónicas pola Obra Social Pediatría, do Servizo de Pediatría do Hospital Clínico Universitario de Santiago, representada por Elena Sobrino, directora da aula hospitalaria do Clínico.

No acto de presentación participaron os alcaldes de Negreira, Jorge Tuñas Caamaño, e da Baña, Andrés García Cardeso, e mailo técnico de Deportes de Brión, José Manuel Trigo, acompañados por Manuel Sanmartín e Samuel Fernández, membros da directiva do club Cervecería O Cotón Negreira. Todos puseron de manifesto o carácter solidario do evento e a importancia da colaboración entre administracións para un fin benéfico.

O III Triatlón Solidario celebrarase na tarde do sábado 9 de xuño, a partir das 17.30 horas e comezará co sector de natación nas augas do encoro Barrié da Maza, ao seu paso polo lugar de Ponte Ínsua, entre Negreira e Brión, cunha travesía a nado de 750 metros. Seguidamente, o sector de bicicleta para cubrir 20 quilómetros arredor de Negreira e, finalmente, o sector de carreira a pé, de 5.000 metros de distancia polo centro da vila, rematando na meta sita no Pazo do Cotón.  

As inscricións pódense formalizar no seguinte enlace:

III Triatlón Solidario Concello de Negreira

O departamento municipal de Servizos Sociais informa que está  aberto o prazo para a primeira fase do programa de turismo social do Instituto de Maiores e Servizos Sociais (Imserso), dende o 16 de maio até o día 14 de xuño. Infórmase, que todos aqueles veciños que participaron na última edición non teñen que renovar as súas solicitudes, mentres que aqueles que queiran participar por primeira vez, sí teñen que inscribirse en Servizos Sociais, tanto se queren viaxar por libre ou co grupo do concello.

Solicitantes

Persoas residentes en España que reúnan calquera dos seguintes requisitos:

•       Ser pensionista de xubilación do Sistema Público español de Pensións.

•       Ser pensionista de viuvez e ter 55 anos cumpridos.

•       Ser pensionista por outros conceptos ou perceptor de prestacións ou subsidios de desemprego, en todos os casos con 60 anos cumpridos.

•       Ser titular ou beneficiario do Sistema da Seguridade Social, con 65 anos cumpridos.

•       Deberán valerse por si mesmos e non  padecer alteracións de comportamento que impidan a normal convivencia nos hoteis.

Poderán participar o cónxuxe ou parella de feito sen necesidade de que éstos reúnan os requisitos de idade ou pensión.

Admitirase como acompañante a un fillo ou filla con discapacidade, que teña un grao igual ou superior ao 45%, sempre que a viaxe a realice cos seus pais e ocupe cama supletoria na mesma habitación do hotel. Deberá cumprimentarse o apartado correspondente da solicitude cos datos do fillo/a e achegar fotocopia do certificado de discapacidade.

Modalidades:

•       Zona costeira peninsular: estadías de 15, 10 e 8 días en Andalucía, Murcia, Comunitat Valenciana e Cataluña.

•       Zona costeira insular: estadías de 15,10 e 8 días en zonas de Canarias e Illes Baleares.

•       Turismo de interior, coas seguintes actividades: con estadías de 7 ata 3 días, cos seguintes tipos de viaxes:

o       Circuitos culturais.

o       Turismo de natureza.

o       Viaxes a capitais de provincia.

o       Viaxes ás cidades autónomas de Ceuta e Melilla.

Servizos incluídos

Viaxe ida e volta desde a súa capital de provincia ata o hotel de destino e regreso, agás para a modalidade de viaxes sen transporte e viaxes a capitais de provincia.

Aloxamento en réxime de pensión completa en habitación dobre a compartir en hoteis seleccionados polo Imserso. Contémplase o aloxamento en habitación individual, que terá un suplemento no prezo e estará suxeito a dispoñibilidade de prazas. Servizo médico, complementario ao da Seguridade Social, no propio hotel.

Prazo de presentación

Dende o día 16 de maio ata o 26 de febreiro de 2019 distribuidos nas seguintes fases:

Primeira: a partir do 16 de maio ao 14 de xuño, recibirán acreditacións para os primeros días de comercialización do programa.

Segunda: a partir do 15 de xuño de 2018 ata o 26 de febreiro de 2019, para recibir acreditacións posteriormente.

Na última fin de semana de maio, a Escola Municipal de Teatro estrea sendas montaxes do seu grupo da ESO e mailo grupo Debullando teatro. O venres 25 coa obra ¨Selfies a go go¨, e o sábado 26 coa estrea de ¨E ti de quen ves sendo¨, ambas ás nove da noite, e dentro do Ciclo de Teatro que desénvolvese no Auditorio do Centro Sociocultural, baixo a dirección de Sandra Lesta, directora da escola.

Para o domingo 10 de xuño quedará a xornada final deste ciclo coas representacións dos grupos de infantil, a partir das 18:00 horas. Trátase das obras: Asemblea de ratos (alumnos de 4 a 7 anos), e O cerebro tolo (alumnos de 7 a 12 anos), aptas para tódolos públicos.

A Deputación da Coruña, a través do Plan de Emprego Local (PEL), destina durante 2018 un orzamento de 2,8 millóns de euros para apoiar aos concellos da provincia de menos de 20.000 habitantes, na contratación de veciños/as desempregadas para a prestación de servizos locais básicos.

As asignacións económicas que corresponden a cada concello, oscilan entre os 19.000 e os 52.000 euros, en función do número de parados rexistrados en cada municipio. Coa súa asignación do PEL- Concellos, os municipios poden financiar, ata o 31 de decembro de 2018, os custos salariais e de seguridade social derivados da contratación de novo persoal que se destinará á mellora dos servizos municipais básicos.

Ao noso concello correspóndenlle 46.000 euros para a contratación por un período de cinco meses de seis traballadores:

- 3 xardiñeiros

- 2 oficiais

- 1 peón

Destinado a persoas con dificultades de inserción laboral, a selección dos traballadores por parte do persoal técnico do Concello de Negreira levarase a cabo con entrevistas, o xoves 30 e venres 31 de maio, nas dependencias da Casa do Concello, polo que xa están a ser avisados os candidatos/as a ditos postos.

A Deputación esixe nas bases do programa que a contratación beneficie especialmente a aqueles colectivos máis afectados polo desemprego: maiores de 45 anos, parados de longa duración, persoas cun grao recoñecido de discapacidade, persoas pertencentes a fogares con todos os seus membros en paro, vítimas de violencia de xénero, persoas en risco de exclusión social ou mulleres, dado que o índice de paro rexistrado entre as mulleres é sensiblemente superior ao dos homes.

Dentro destes colectivos, os concellos primarán a aquelas persoas que teñan rematado favorablemente programas de capacitación, formación e integración no mundo laboral organizados ou financiados polas administracións públicas.

O vixésimo sexto Día da muiñeira de Negreira, e mailo vixésimo segundo Concurso folclórico organizados polo Concello de Negreira e maila Sociedade Cultural e Folclórica Veiga do Cotón, reunió o pasado domingo a más de douscentos participantes de diferentes agrupacións das provincias da Coruña e Pontevedra, nun evento que baixo a ameaza da choiva celebrouse no Auditorio do Centro Sociocultural, despois do tradicional desfile que partiu do Pazo do Cotón.

No concurso folclórico, o grupo Algueirantes, de Pontevedra, fíxose co primeiro premio, seguido de Os Pillabáns, da Asociación Cultural Xacarandaina, da Coruña, e do grupo Os Cascarilleiros, tamén da Coruña. Tamén tomou parte no certame o grupo de baile Breogán, de Brens (Cee).

O Día da muiñeira supuso un ano máis, o broche ó curso da Escola Municipal de Baile Tradicional, que dirixe Manuel Figueira, contando coa participación do seu alumnado, así como dos grupos de Veiga do Cotón, da asociación Churia de Zas, ou da asociación de danza tradicional Terra de Ames, entre outros, xunto ao acompañamento musical de Os Jaitas Blue.

A concelleira de Cultura, Flora Grille Novío, e a concelleira de Educación e Servizos Sociais, María Jesús Veiga Hortas, fixeron entrega dun agasallo a tódolos grupos participantes. 

Este luns 28 de maio celebrouse a xornada final da Liga de Fútbol Sala promovida polo Concello de Negreira, onde resultou vencedor o equipo de Autoescola Antonio, que xa liderou a fase regular, e tras medirse na gran final ó Viajes Sant Yago, no Pavillón Municipal de Pedra Mámoa co resultado de 2 goles a 1, despois do engadido de cinco minutos de prórroga cun gol vital de Joaquín Becerra para desfacer a igualada a un gol que campaba no marcador desde o primeiro tempo da final, e faltando un minuto para rematala prórroga.

No partido polo terceiro posto, a vitoria correspondeu ó equipo de Construccións Quintáns que venceu 3-2 ó equipo de Merlego FS, que ocupou o cuarto posto da Liga.

Na entrega de trofeos participou o alcalde de Negreira, Jorge Tuñas Caamaño, acompañado polo concelleiro de Xuventude e Deportes, José Daniel Casal Leis, e mailo primeiro tenente de alcalde, Manuel Ángel Leis Míguez, xunto coas concelleiras Educación, de Cultura e de Emprego, María Jesús Veiga Hortas, Flora Grille Novío e María del Mar García Vidal, respeitivamente..

Trofeos

Máximo goleador: Joaquín Becerra (Autoescola Antonio)

Porteiro menos batido: Mateo Couso Hortas (Autoescola Antonio)

Mellor xogador: Joaquín Iglesias Calvo (Viajes Sant Yago)

Desde o Concello de Negreira, o noso agradecemento a tódolos equipos participantes na edición 2017/18 e agardámosvos na vindeira tempada.

O Pavillón de Pedra Mámoa acolle este sábado a Fase Final do primeiro Torneo Interescolas, en horario de mañá, de 10 a 14 horas, e maila V Gala de Ximnasia Rítmica do Concello de Negreira, de 17.30 a 20 horas.

A Fase Final do I Torneo Interescolas é unha competición coa participación de ximnastas de diferentes escolas como a de Negreira, e maiormente, de municipios da provincia de Ourense, na cal celebráronse as tres fases previas en O Carballiño, Ourense e novamente en O Carballiño.

A Escola Municipal de Ximnasia Rítmica de Negreira, o Club Deportivo Ximnasia Rítmica Compostela e o CEIP Os Tilos, participan nesta competición que naceu pola iniciativa do Club Marusia, con escolas en Ourense, O Carballiño e Ribadavia, da man do Club Rítmica Compostela e a colaboración dos Concellos do Carballiño, Ourense e Negreira. Participan arredor de 400 xóvenes ximnastas.

Durante a tarde, e aproveitando esta Fase Final Interescolas, o pavillón de Pedra Mámoa vai a acoller a gala anual con preto de trescentas ximnastas de Negreira, Santiago, Teo ou Oroso. Pertencen á Escola Municipal de Ximnasia Rítmica de Negreira, o CEIP Os Tilos de Teo, do Colexio A Inmaculada, da Escola de Ximnasia Acrobática do Rítmica Compostela, do Ximnasio Squash Santiago, do Club Ximnasia Oroso, do Aeroclub Santiago, do Colexio A Salle, do Colexio Manuel Peleteiro e do Club Deportivo Ximnasia Rítmica Compostela.

A Escola Municipal de Ximnasia Rítmica pechou con tres ouros, unha prata e un bronce, a súa exitosa participación na primeira edición do Torneo Interescolas, cuxa fase final celebrouse o sábado 2 de xuño, no Pavillón de Pedra Mámoa. Parabéns ás nosas xóvenes ximnastas.

Resultados:

Kiara García: 3ª clasificada categoría Iniciación

Sara Verde: 1ª clasificada en categoría Alevín

Xiana García: 1ª clasificada en categoría Infantil

Conxunto Alevín: 2ª clasificadas

Conxunto Infantil: 1ª clasificadas

Dende o Concello de Negreira queremos felicitar a todas as ximnastas, clubes e familias que asistiron a esta fase final: Escola de Ximnasia Rítmica de Negreira; Club Deportivo Ximnasia Rítmica Compostela; CEIP Os Tilos; Club In Mare; Ximnasia Rítmica Abegondo; Club Maniotas; Club Porta Norte; Club Gravitty; Club Ximnasia Coruña; Escola Xiada; Club Marusia Ourense; Marusia Ribadavia; Marusia O Carballiño; Escola Municipal de Maceda, e Escola Municipal de Celanova.

Igualmente, o noso agradecemento aos clubes e escolas participantes na V Gala Vila de Negreira: Escola Municipal de Ximnasia Rítmica de Negreira; Club Deportivo Ximnasia Rítmica Compostela; Escola Ximnasia Rítmica Compostela; Acrobática Compostela; Club Ximnasia Oroso; Colexio La Inmaculada; Ximnasio Squash Santiago; CEIP Os Tilos; Colexio La Salle; Aeroclub Santiago, e Colexio Manuel Peleteiro.