A 11ª Andaina Popular «Negreira no Camiño de Fisterra» que se celebra o sábado 29 de setembro, vai a ter unha camiñada de 25 quilómetros cunha dificultade media, a través da Ruta dos 3 Pazos (O Cotón, Baladrón e Albariña), duns 16 quilómetros, e co engadido de nove máis unha vez chegados ó punto de partida, polo Camiño de Fisterra na súa saída de Negreira polo Corpachón ata Zas, e dende alí, por un sendeiro, no que os participantes regresarán a Negreira polo paseo fluvial do río Barcala.

Con esta iniciativa preténdese potenciar e dinamizar o Camiño de Fisterra e Muxía, ao seu paso polo noso concello. 

Para facer efectiva a inscrición, podes chamar ó número de teléfono 981 885 886 ou enviar os datos a: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.. A inscrición é de balde. Os datos a cumprimentar son os seguintes: nome e apelidos, data nacemento, DNI, localidade e teléfono de contacto.

A data límite para facer efectiva a inscrición é o xoves 27 de setembro as 14:00 h.

Na Fundación para a Protección de Discapacitados Psíquicos  Comarca de Barcala, dende fai anos, leváse a cabo un programa de concienciación ambiental cos/as usuarios/as do centro ocupacional, mediante diferentes actividades: informativas, de reciclaxe, ou visitas ao Punto limpio.

Este ano, e dende o programa de Mellora do Benestar persoal e social financiado pola Fundación Mª Esperanza Rubido Romero, decidiron dentro da campaña de eliminación de bolsas de plástico, facer unha proposta para os concellos de Negreira e A Baña, de bolsas de tela e cun deseño propio.

Estas bolsas están en diferentes establecementos de Negreira que colaboran para a súa exposición e venda como son: Supermercado ErosKi; Parafaramacia A Boa Saúde; Comercial Corzán; Taberna O Seixo; cafetería Abrente; Bar O Cotón; Bar e panadería Rios; Vaqueros Lúa; Restaurante hospedaxe A Mezquita;  Casa da Cultura, e Oficina de Correos. Tamén no concello de A Baña.

Este sábado 22 de setembro, dende as seis da tarde, o Parque do Coto é o escenario elixido para celebrar a primeira Xornada pola Igualdade no Deporte  que promoven o Agrón Clube de Fútbol e mailo Concello de Negreira, e que busca ¨concienciar¨ sobre a necesidade de visualizar a muller no mundo do deporte, así como impulsar a práctica do mesmo entre a poboación feminina.

Esta xornada foi presentada este xoves no programa de actualidade O Faladoiro, en Radio Negreira, por parte de Natalia Suárez, psicóloga do Centro de Información ás Mulleres (C.I.M.); Diego Rama, directivo do Agrón C.F.; Álvaro Lira, técnico municipal de Deportes, e Ainhoa Rodríguez, directora da Escola de Kárate Akai Ryu.

A xornada incluirá o seguinte programa:

- 18-19 horas: Adestramento cross training dirixido a mulleres, a cargo do ximnasio Closs Class Negreira. Constará dunha exhibición de deportistas do ximnasio, e unha segunda parte aberta ao público en xeral.

- 19 horas: Comezo do acto coa intervención de Silvia Fadeville, veciña e xestora de centros deportivos.

- 19.20 horas: Actuación da ximnasta Alba Varela, do Clube Viravolta, de Santiago.

- 19.40 horas: Intervencións dos organizadores. Diego Rama, polo Agrón C.F. e mailo alcalde, Jorge Tuñas Caamaño.

- 20 horas: Introducción e lectura do manifesto pola Igualdade e Participación da Muller no Deporte, ao que suscribiuse o Agrón C.F., impulsado polo Consello Superior de Deportes.

Posteriormente, como peche da xornada celebrarase na polideportiva do Coto un partido de fútbol sala, coa participación de xogadoras do equipo do Gaiola F.S., de Santiago, e do Fisober F.S., de Dumbría, grazas á colaboración de Eva Iglesias e María Maroñas, xogadoras do Gaiola e Fisober, respeitivamente; así como de xogadores do Agrón, persoal do Concello, e veciñanza. Constará de dous partidos de 12 minutos cada un, e cun descanso de cinco minutos.

O Servizo de Infraestructuras Agrarias dependente da Consellería de Medio Rural informa que este xoves 27 de setembro, desde as 10:30 horas, no Auditorio do Centro Sociocultural vaise celebrar unha xuntanza informativa para tódolos propietarios/as dos novos predios do proceso de Reestructuración parcelaria de montes de Aro-Campelo e Gonte, de cara a informar do acordo polo que aprobouse o reparto de novos predios.

Entrega de boletíns

A entrega dos boletíns e maila exposicións dos planosdas fincas do acordo de reestructuración parcelaria destas tres parroquias terá lugar no Local Social de Aro, dacordo ás seguintes datas e por orde alfabética de apelidos:

Horario: 09:30 a 13:00 horas.

+ Martes 2 de outubro: propietarios de primeiro apelido que comece pola letra A ata a letra L.

+ Mércores 3 de outubro: propietarios de primeiro apelido que comece pola letra M ata a letra Q.

+ Xoves 4 de outubro: propietarios de primeiro apelido que comece pola letra R ata a letra Z.

Para recoller a documentación e importante ter en conta os seguintes extremos:

- Farase entraga da documentación aos titulares que deberán comparecer co seu DNI.

- No caso de matrimonios con bens gananciais calquera dos dous membros poderá recoller a documentación.

- No caso de matrimonios de bens privativos será necesaria a autorización do titular dos bens para que o outro membro poida recoller a documentación.

- Se o titular non puidera recoller a documentación persoalmente, poderá autorizar a outra persoa a facelo. Neste caso, deberá achegar unha autorización asinadas por ambos e acompañada de fotocopia do DNI da persoa que o autoriza. A persoa autorizada deberá presentar o seu DNI ou documento equivalente.

- No caso de propietarios falecidos, calquera dos herdeiros pode recoller a documentación, presentando o certificado de defunción, e acreditando co testamento ou documento equivalente a súa condición de herdeiro, xuntando ademais as autorizacións do resto de herdeiros, segundo o descrito no parágrafo anterior.

- No caso de que o pripietario sexa unha sociedade, a persoa que pretenda recoller a documentación deberá acreditar suficientemente a súa representación.

NOTA. Os planos e o plan de cultivos poderánse consultar na WEB da Xunta de Galicia: http://mediorural.xunta.gal/nc/areas/infraestructuras/concentracions_parcelarias/publicacions

Dende a Asociación ¨Terras de Compostela¨, informan que desenvolverá un Intercambio Xuvenil en Seulo - Cerdeña (Italia), entre os días 10 e 16 de novembro vindeiros, polo que estando o noso concello no seu territorio de actuación, están a seleccionar 5 mozos/as, de entre 18 e 25 anos de idade , que vivan no territorio de actuación do GDR Terras de Compostela.

Este proxecto denominado ¨News is cool¨, está financiado polo programa Eramus +, e inclúe desprazamentos até 275€, aloxamentos, manutención e actividades.

Durante o intercambio, 25 mozos de cinco países europeos: España; Portugal; Finlandia; Malta e Italia, convivirán e participarán nunha serie de actividades relacionadas coa temática deste intercambio: Cómo abordar a problemática do abandono escolar a idades temperás en zonas rurais.

Para máis información é necesario contactar coa Asociación Terras de Compostela, a través do número de teléfono: 617 129 702, ou por correo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

Comunicamos que a Unidade Móbil 7 de inspección técnica de ciclomotores desplazarase ao Concello de Negreira, o venres 9 de novembro, instalándose a estación móbil no Campo da Feira.

O horario de atención será de 9:00 a 13:30 horas, e para solicitar cita previa:

Por teléfono: 902 30 90 00

A través da web: www.sycitv.com - Cita previa

A admisión de vehículos con características particulares estará condicionada á posibilidade de realizar as operacións de inspección regulamentarias.

O programa Apego, de apoio á infancia en galego, promove este martes 2 de outubro, un contacontos coa obra ¨O ratiño presumido¨, de Trinketrinke Teatro, ás 17:30 horas, na entrada ao Centro Sociocultural, dirixido aos nenos/as de idades comprendidas dos 3 aos 8 anos, cunha temática en favor da igualdade de xénero.

Esta actividade enmárcase na programación do Apego, promovido dende o Servizo de Normalizaicón Lingüística do Agrupamento A Baña-Negreira, e que inclúe contacontos e obras teatrias para o público infantil, os primeiros martes de cada mes ata finais do presente ano.

O mes de outubro volve a ser o dos monólogos na programación cultural do Concello de Negreira, con tres citas os venres 5, 19 e 26 de outubro ás 21.30 horas, no Auditorio do Centro Sociocultural.

A primeira cita do Ciclo de Monólogos 2018 chega o venres 5 de outubro con Oswaldo Digón, cun prezo de 10 euros á entrada. Seguiralle o venres 19 a presenza de Juan Muñoz, ex Cruz y Raya, cun prezo de 12 euros.

O colofón ó Ciclo de Monólogos 2018 en Negreira vano protagonizar os coñecidos actores, Carlos Blanco e Xosé Antonio Touriñán, o último venres de mes. As entradas para un único pase custarán 15 euros.

As entradas sairán á venda o luns anterior a cada monólogo, na Delegación de Cultura, de forma presencial. Para máis información, no número de teléfono: 981 885 886.

O sábado 29 de setembro celebrouse a undécima edición da Andaina Popular ¨Negreira no Camiño de Fisterra¨, coa participación de 150 persoas, a través de 25 quilómetros pola Ruta dos Tres Pazos, e unha última parte pola ruta xacobea ata Zas e regreso ao punto de partida no Campo da Feira.

O trofeo ao participante de maior idade foi para Manuel Cid Maneiro (1940), de Negreira; o da camiñante máis nova foi para Laura Vieites Ferreiro (2002), de Negreira, e o da familia con máis participantes recaeu na familia González García, de Sanxenxo (Pontevedra).

Sorteo de agasallos

Celebrado este luns 1 de outubro, en directo en Radio Negreira, este foi o resultado final:

1) Forro polar Gar Sport: José Manuel Grela Pose

2) Camiseta técnica Gar Sport: Juan Carballo Cobas

3) Camiseta técnica Gar Sport: Laudelina Blanco Blanco

4) Vale de 20 € Breogán Deportes: Manuel Cid Maneiro

5) Forro polar Gar Sport: José Raña Beiras

6) Vale de 20 € Breogán Deportes: Francisco Villadonga Ouro

7) Mochila: Isabel Iglesias del Río

Vai selo sábado 13 de outubro, durante todo día, cando amantes das míticas motos vespa e lambretta, cítense en Negreira para participar neste encontro que organizan un grupo de veciños coa colaboración do Concello de Negreira...

O programa de actividades comezará coa recepción aos participantes, a partir das 10.30 horas na Carreira de San Mauro, e coa exposición de motos ata as doce do mediodía en que partirán para realizar un roteiro en moto pola parte alta do concello, visitando lugares como o parque eólico do Corzán ou a zona de Campolongo.

A seguinte parada será para o xantar de irmandade de tódolos participantes ás dúas da tarde, no restaurante O Rueiro, en Vilaserío, na parroquia de Bugallido, onde haberá un sorteo de agasallos xentileza de Motos Antelo, de Negreira.

A partir das 16.00 horas comezará o segundo roteiro da xornada que levará aos participantes neste encontro por paraxes naturais como as de Pontemaceira e maila parroquia de Portor, para regresar á vila de Negreira cunha parada no Campo da Feira. Alí, a partir das 19.30 horas celebrarse un concerto a cargo do grupo Sexy Soviets, quenes interpretarán clásicos e himnos musicais dos setenta, oitenta e noventa.

O colofón a esta intensa xornada chegará pola noite, a partir das 22.30 horas no Bar O Cotón, cun sesión musical a cargo de Dj Edu Lambretta, e Dj Hugo Xixón.

A inscrición ten un prezo de 20 euros e pódese realizar ata o día 9 de outubro. 

Máis info en Negreira Scooter Run.

Entrevista a Carlos Fernádez (membro da organización).