Este luns 16 de novembro comeza unha nova campaña solidaria para a recollida de alimentos non perecedeiros e productos de hixiene persoal, entre a veciñanza, e que vai prolongarse ata o 9 de xaneiro de 2021. A cidadanía pode facer as súas achegas voluntarias de alimentos non perecedeiros como conservas, legumes, aceites, patacas, cacao, cebolas e incluso produtos de hixiene persoal.

 Os puntos de doazón de alimentos son: Casa Lula; Gadis; Eroski; MercaMás Froiz e Día. En todos eles haberá un espazo habilitado para a entrega voluntaria de alimentos, que nunca farase coa recollida en persoa por parte da asociación.

A iniciativa está encabezada un ano máis pola Asociación de Amas de Casa, que cumpre unha década organizando esta recollida solidaria, sempre en estreita colaboración co departamento de Servizos Sociais do Concello quenes se encargan do seu posterior reparto entre aquelas familias nunha situación de maior vulnerabilidade.

A campaña foi presentada hoxe nun acto que contou coa presenza do alcalde de Negreira, Manuel Ángel Leis; a técnica de Servizos Sociais, Charo Cajuso, e maila presidenta de Amas de Casa de Negreira, Soledad de la Fuente, quenes coincidiron que nun ano marcado pola pandemia da Covid19 faise máis necesaria ca nunca “unha colaboración solidaria máis forte que nunca por parte da veciñanza e establecementos que queiran colaborar”, segundo salientou o rexedor municipal.

Soledad de la Fuente, presidenta do colectivo promotor, subraia que este ano “necesitamos muchos alimentos, sobre todo lo básico como leche, aceite o legumbres”, confiando, sinalou, na aportación solidaria de firmas como Carnicerías Suso que realiza unha aportación voluntaria de carne fresca en vésperas da Noiteboa "este año aportando cuatrocientos kilos, el doble que en los últimos años por las graves consecuencias de la crisis sanitaria", segundo sinalou de la Fuente, quen destacou a importante colaboración da cooperativa Clun, que achega leite á campaña.

De antemán, tanto o alcalde como a traballadora social, agradeceron o esforzo que realiza a asociación de Amas de Casa durante estes dez anos, así como a colaboración de particulares e firmas comerciais que queiran sumarse a esta campaña solidaria para entre todos sumar o maior número de alimentos para que cheguen a aquelas familias máis necesitadas.

Para contacto coa campaña existe un número de teléfono: 659 180 323

Paralelamente, a Asociación de Amas de Casa tamén emprende unha recollida de xoguetes en bo estado que poden entregarse os días 7, 14 e 21 de decembro, en horario de 16:30 a 18:00 horas, no local da entidade, no edificio do antigo instituto, na rúa de Castelao.

Así se chama a campaña deste ano 2020 da Asociación de Empresarios de Negreira (ENe), en colaboración co Concello, e que comezará o vindeiro día 1 de decembro ata o 31 de xaneiro de 2021. A campaña foi presentada esta mañá pola presidenta da entidade, Brenda Wilhelm, xunto coa vicepresidenta de Ene, Eva Blanco, e mailo alcalde negreirés, Manuel Ángel Leis Míguez, quen salientou que dende o Concello "colaboramos coa asociación para inxectar unha cantidade económica que vai ser repartida entre todos negocios participantes", animando a autónomos e empresas a facerse socios e ser partícipes desta campaña.

A dinámica da campaña é a seguinte, tal e como describiu Brenda Wilhelm: "Cada participante entregará pola compra ou consumición no seu establecemento, un rasca ao seu cliente. A cantidade de rascas entregados por establecemento definirase en función do número de participantes finais na campaña. Entregaranse rascas ata esgotar existencias ou, ata o 5 de xaneiro", indicou.

Cada rasca premiado estará identificado co nome do establecemento, onde terá que ser canxeado, mailo seu valor, que poderá ser de 10, 5 ou incluso de 2 euros no caso da hostalería e algo moi importante, pois "todos os empresarios terán o mesmo valor económico en rascas", engadeu Brenda.

Os rascas premiados poderán ser canxeados ata o 31 de xaneiro, a modo de desconto directo no establecemento indicado no propio boleto. Cada rasca terá que canxearse no establecemento indicado no mesmo, figurando en cada un, o valor e lugar onde se deberá canxear.

Rascas non premiados

Os rascas sen premio instantáneo, tamén poderán gañar, pois entrarán nun sorteo que se efctuará en directo en Radio Negreira, nas vésperas do día de Reis. O gañador/a recibirá en cheques agasallos, o valor de 200 euros, a canxear nos establecementos afiliados á campaña da nosa vila.

A data límite para afiliarse e beneficiarse da campaña é ata o vindeiro día 22 de novembro, a través da web: www.eneasociación.es

Segundo a información comunicada ao Concello, a día de hoxe, venres 20 de novembro, no noso municipio os casos activos son 11 polo que gustaríanos enviarlle unha mesaxe de ánimo a todas estas persoas, e que agardamos que se recuperen o máis axiña posible.

Así mesmo, apelamos de novo á responsabilidade individual e insistimos na necesidade de cumprir coas medidas de prevención e moito #sentidiño para que saiamos desta tod@s xunt@s.

É moi importante seguir mantendo a distancia de seguridade, o uso obrigatorio de máscara e o lavado de mans para que así, os contaxios sigan descendendo no noso concello, agradecendo a toda a veciñanza o cumprimento das normas.

O Concello de Negreira convoca o I Concurso de Decoración de Nadal, co obxectivo de promover o embelecemento da vila facendo partícipe a poboación e o tecido económico. O proxecto contribuirá á participación activa do pobo de Negreira na tradición do Nadal e á posta en valor do comercio, a hostalaría e o patrimonio cultural.
As inscricións serán gratuítas e estarán abertas a toda a poboación maior de idade do Concello de Negreira e establecementos hostaleiros e comerciais con actividade emprazada no termo municipal.

- Como inscribirse?
Mediante un correo-e a Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. indicando o nome, apelidos e DNI da persoa representante, teléfono, correo-e, e o enderezo da vivenda ou establecemento onde se levará a cabo a decoración obxecto do concurso, incluíndo tódolos datos precisos para a súa localización, así como o nome do establecemento na categoría de establecementos. Como alternativa, tamén se poderán realizar as inscricións de luns a venres non festivos de 9:00 h a 14:00 h na Casa da Cultura, ou no teléfono 650 796 956.

- Período de inscricións
Dende o 25 de novembro ás 14 h do venres 11 de decembro.

- Categorías de participación
a) Particulares
Poderán participar dentro desta categoría vivendas unifamiliares, tanto casas como pisos, así como conxuntos formados por comunidades de veciños dun edificio. Para o concurso valorarase unicamente a decoración visible dende a vía pública (entradas, fiestras, balcóns, xardíns, árbores de nadal, etc.).
b) Establecementos
Poderán participar dentro desta categoría tódolos establecementos comerciais e de hostalaría emprazados no termo municipal de Negreira. Valorarase en conxunto a decoración para o concurso, que poderá realizarse nas zonas accesibles ou visibles para o público en xeral: no interior, no exterior, nos accesos e fiestras e nos escaparates. A decoración deberá manterse sen modificar dende o inicio ata a fin do concurso, podendo cambiarse outros elementos como os produtos en venda expostos.

- Duración do concurso
A decoración deberá estar colocada dende o día 12 de decembro de 2020 ata o día 7 de xaneiro de 2021, ambos incluídos. A exposición será gratuíta e estará visible dende a vía pública (vivendas ou comunidades de veciños) ou lugares de acceso permitido e visibles (establecementos) para o goce da poboación.

- Premios
Outorgaranse un máximo de tres premios en cada unha das dúas categorías, en función da
puntuación outorgada polo xurado, que se baseará en tres aspectos de máximo 10 puntos cada
un: creatividade, orixinalidade e apreciación de elementos locais.

a) PARTICULARES
1º premio: Vale regalo de 100 € para gastar integramente en establecementos do Concello de Negreira
2º premio: Vale regalo de 60 € para gastar integramente en establecementos do Concello de Negreira
3º premio: Cesta de produtos

b) ESTABLECEMENTOS
1º premio: 400 €
2º premio: 150 €
3º premio: Cesta de produtos
Consulta toda a información detallada nas Bases do concurso. Na páxina web www.concellodenegreira.gal.

Con guión de Manuel Cortés, Miguel de Lira, Patricia de Lorenzo e o propio Xesús Ron, a película utiliza a pantalla para introducir aos seus protagonistas: unha moza directora de cinema e a súa familia, á que recorre para rodar un filme.

Trátase pois de cinema dentro do cinema que fala de memoria, historia local e resquebraxamento de relacións botando man á nostalxia, a crítica social sutil e a metalinguaxe cinematográfica, e onde non faltan, cara ao final da súa metraxe, recursos de animación e unha única saída ao exterior para rubricar esta traxicomedia da vida, que reflicte como os edéns do pasado deron paso ao consumismo hedonista actual. Porque o título fai referencia ao supermercado construído onde estaba situada a popular sala de festa rural na que se coñeceron Eva e Antonio, os pais de Álex. Por indicacións da moza, os proxenitores –separados desde hai tempo– deberán recrear ante a súa cámara, a súa primeira cita, a súa consecuente noite de paixón e o seu reencontro 25 anos despois, cando o tempo e os seus estragos fixeron efecto. Durante esta representación sairán á luz algúns segredos non precisamente amables.

Poderemos vela no Auditorio do Centro Sociocultural da vila, este venres 27 de novembro, nun único pase, a partir das 20:30 horas, con entrada de balde ata completar a capacidade.

Esta proxección pecha o programa do Outono Cultural 2020 do Concello de Negreira.

Segundo a información comunicada ao Concello, a día de hoxe, venres 27 de novembro, no noso municipio os casos activos son 12 se ben a incidencia acumulada nos últimos catorce días, tal e que como informa a diario o Sergas, é de 13 casos diagnosticados por Probas Diagnósticas de Infección Activa (PDIA). Dende o Concello gustaríanos enviarlle unha mensaxe de ánimo a todas estas persoas, e que agardamos que se recuperen o máis axiña posible.

Así mesmo, apelamos de novo á responsabilidade individual e insistimos na necesidade de cumprir coas medidas de prevención e moito sentidiño para que saiamos desta tod@s xunt@s.

É moi importante seguir mantendo a distancia de seguridade, o uso obrigatorio de máscara e o lavado de mans para que así, os contaxios sigan descendendo no noso concello, agradecendo a toda a veciñanza o cumprimento das normas.

Para que os nenos e nenas de Negreira vexan aos Reis Magos, este ano será diferente, pero á vez, máis doado que nunca, pois grazas ao Concello poderedes disfrutar deste servizo para poñerse en contacto coas súas Maxestades Gaspar, Melchor e Baltasar.

Accedendo á web www.nadal2020.es atoparedes un apartado chamado «rexistro» e nel deberedes marcar o concello ao que pertences, neste caso, o de Negreira. E de non dispoñer dun número de teléfono coa aplicación Whasapp, debedes poñervos en contacto coa web e chamaránvos canto antes.

O prazo para rexistrarse está aberto ata o día 29 de decembro na propia web ou no número de teléfono móbil: 641 585 245.

Unha vez marcado o concello, seguirás os pasos necesarios para inscribir ao neno ou á nena. Poderedes comentar algo que cosnideredes oportuno e importante para que os Reis Magos o teñan en conta antes de falar cos pequenos.

Despois do rexistro persoal e de marcar a data e a hora, lembra que terás que ter dispoñible o número de teléfono móbil rexistrado o día e a hora. E se por casualidade non fose posible contactar por estar fóra de cobertura, tentarano de novo ao finalizar a xornada.

A iluminación de Nadal no concello de Negreira quere sumarse ás iniciativas que estivemos a realizar durante o outono, conxuntamente coa Asociación de Empresarios de Negreira (ENe), de cara a fomentar o consumo no comercio e a hostalería da vila, máxime nesta época que é unha das máis importantes e especiais do ano. Tamén queremos axudar a levantar o ánimo entre a veciñanza, sobre todo entre os máis novos despois dun ano moi difícil debido ás circunstancias derivadas da pandemia sanitaria a nivel mundial, polo que un sorriso dos nenos e as nenas, é sumamente importante nunhas datas tan entrañables.

Non queremos esquecer a motivación especial que a iluminación das nosas rúas e tamén como é costume das parroquias, supoñen para a cidadanía á hora de animalos a facer as compras no noso pobo, xa que sabemos que non é o mesmo que non haxa luces para mercar e consumir nosos establecementos locais que se engalanan para a ocasión, e que tamén ofrecen descontos e un amplo surtido de produtos por estas datas.

O alcalde de Negreira, Manuel Ángel Leis Míguez, acompañado pola concelleira de Servizos Sociais, Muller e Igualdade, María del Mar García Vidal e mailo concelleiro de Deportes, Novas Tecnoloxías e Participación Cidadá, Iván Guardo Porto, asistiron o acendido da iluminación de Nadal na árbore instalada na praza do Concello.

Por último, queremos animar a toda a veciñanza e aos profesionais do comercio e a hostalería, a sumarse a participar no concurso de decoración de Nadal, a través dun proxecto que contribuirá á participación activa do pobo de Negreira na tradición de Nadal e á posta en valor do comercio, a hostalería e o patrimonio cultural.

As inscricións son gratuítas e están abertas a toda a poboación maior de idade do concello de Negreira, así como a establecementos hostaleiros e comerciais con actividade emprazada no termo municipal.

Podes consultar as bases premando na seguinte ligazón:

Ante o prazo de exposición pública ó que se somete actualmente toda a documentación aportada referente ao proxecto do Parque Eólico Banzas, promovido por Green Capital Power SL, dende o Concello de Negreira infórmase da posta a disposición da veciñanza, de un servizo de asesoramento xurídico para resolver calquera dúbida, e que tamén facilitará información relativa a dito procedemento en curso.

O horario previsto para a atención ó público será de 12.00 a 14.00 horas nas seguintes datas: venres 11; martes 15 e venres 18 de decembro, no Local Social da parroquia de Campolongo.

Infórmase que debido ao actual estado de emerxencia sanitaria pola Covid 19, e para evitar a aglomeración de persoas en espazos pechados, é necesario pedir cita previa nos seguintes números de teléfono: 881 035 142 (de 8.00 a 15.00 horas), ou no 673 249 477.

Segundo a información publicada polo Servizo Galego de Saúde (Sergas), o número de novos contaxios diagnosticados por Probas Diagnósticas de Infección Activa (PDIA), nos últimos 14 días no noso concello é de 26 casos. En canto ao número de casos activos a día de hoxe, venres 11 de decembro é de 29 contaxios.

O Concello de Negreira pídelle á cidadanía o cumprimento das medidas hixiénicas e de protección fronte á pandemia, e que son as recomendadas polas autoridades sanitarias que no caso da Consellería de Sanidade, e tras analizar o subcomité clínico a situación epidemiolóxica na nosa comarca, acordou implementar unha vixilancia especial cando a outros 15 concellos galegos, e entre eles figuran os veciños municipios da Baña, Mazaricos e Santa Comba. Todos estes municipios continuarán, polo de agora, co mesmo nivel de restricións actual.

É moi importante seguir respectando as medidas sanitarias e de seguridade para poder continuar reducindo a cifra de contaxios no noso concello como xa sucedeu en ocasións anteriores durante a pandemia.