A carpa municipal da praza do Concello encheuse este luns de Entroido de rapazada disposta a pasar unha tarde moi divertida coa festa infantil de disfraces que resultou todo un éxito de participación. Arredor desta celebración, que estivo acompañada polo bo tempo, desenvolvéronse unha serie de actividades de animación con música e baile, ademais de obradoiros de pintura, ou inchables para pasalo en grande.

O concurso de disfraces deparou o seguinte resultado:

Grupo A (1 a 6 anos)

1º premio (cheque agasallo 150€)
Izan e Enzo Nieto Rey – Cultura invit
2º premio (lote de xogos didácticos)
Alba Plata Piñeiro – Aina diosa celta
3º premio (lote libros)
Vega Vieito Cancela – Cindy Lou Crincys

Grupo B (7 a 16 anos)

1º premio (cheque agasallo 150€)
Iria Serrano Mayo - Beyoncé
2º premio (tablet)
Sabela Rivas Leis – Dama Amiga
3º premio (reloxo intelixente)
Sandra Hermo Blanco – Raiña do mal

Imaxes: ABRAHAM FOTÓGRAFAS

O Ministerio para a Transición Ecolóxica subvenciona con 1,68 millóns de euros a renovación e mellora da eficiencia enerxética do alumeado público do municipio de Negreira, segundo salientou hoxe o delegado do Goberno en Galicia, José Miñones, durante unha visita ao noso concello, onde salientou a aposta do Concello por incorporar neste proxecto un sistema de xestión integral do mapa lumínico “que o sitúa á vangarda dos municipios de toda Galicia”.

Así, o delegado presentou hoxe en Negreira as liñas de axudas dispoñibéis para as entidades locais e habitantes dos municipios de reto demográfico, que financia o Plan de Recuperación do Goberno Central. E así o fai en Negreira, onde, a través de distintos Ministerios, “traballa na mellora das condicións ambientais e na dotación de servizos da internet de alta velocidade”, detallou Miñones, quen foi recibido polo alcalde negreirés, Manuel Ángel Leis Míguez e membros da Corporación municipal. O delegado estivo acompañado pola subdelegada do Goberno na Coruña, María Rivas.

O delegado destacou que o Ministerio para a Transición Ecolóxica financia con 1,68 millóns de euros a renovación integral da iluminación pública municipal de Negreira, o 80% do custo total do proxecto. O Concello de Negreira asumirá o 20% restante ata sumar un investimento de 2,1 millóns de euros. Neste momento, o goberno local está a contratar a redacción do proxecto previo ao comezo da obra.

Esta actuación inclúe a renovación das 2.764 luminarias do municipio para a tecnoloxía Led e a renovación dos cadros de mando. José Miñones destacou que “grazas a estas actuacións o Concello de Negreira aforrará 125.000 euros anuais de factura da luz, ata un 70%, que poderá dedicar a outros servizos públicos, e reducirá o seu consumo enerxético nun 61%”.

José Miñones tamén anunciou que Negreira benefíciase da primeira convocatoria do Programa ÚNICO do Ministerio de Asuntos Económicos e Avance Dixital para a extensión da banda ancha, “unha importante aposta do Goberno para que a conexión a internet de alta velocidade chegue de verdade a todo o territorio galego en igualdade”.

En recoñecemento ao seu traballo no ámbito científico e o seu labor de divulgación, o Concello de Negreira entregou este martes 8M o distintivo á investigadora nun acto celebrado no Auditorio Centro Sociocultural diante da veciñanza negreiresa.

Minia Manteiga Outeiro é a primeira muller catedrática de Astrofísica en Galicia e cuarta académica numeraria da Real Academia Galega dás Ciencias. É pioneira e referente feminino no ámbito científico.

Ao evento asistiron o alcalde de Negreira, Manuel Ángel Leis Míguez, a concelleira de Servizos Sociais, Muller e Igualdade, María del Mar García Vidal, o portavoz do Partido Popular, Rubén Suárez Carballo; a directora e avogada do CIM, Rosa Fuentes Cambeiro, a psicóloga do CIM, María Eyo. No evento destacouse o traballo pioneiro que levou a cabo Minia Manteiga no ámbito científico, así como o seu labor de divulgación a todos os niveis, que é fonte de inspiración para as investigadoras do futuro.

Nada en Negreira, Minia Manteiga pasou os seus primeiros anos de vida entre Caracas, en Venezuela, e A Coruña. Ela mesma sinala que se interesou pola ciencia desde que era unha nena, sentindo curiosidade pola botánica, a bioquímica e todo o relacionado coa investigación espacial. Licenciouse en Ciencias Físicas na Universidade de Santiago de Compostela (USC) nunha etapa na que a presenza feminina nun campo como este era escasa.

Co Premio 8 de Marzo, o Concello de Negreira recoñece o traballo e o papel das mulleres negreiresas ao longo da historia. Un galardón que neste 2022 celebra xa a súa sexta edición e consolídase como un dos actos centrais nas reivindicacións polo Día da Muller.

O acto rematou cunhas palabras da homenaxeada, e maila actuación das alumnas da Escola Municipal de Pandeireta.

A Corporación Municipal de Negreira celebra un Pleno, con carácter ordinario, o día 14 de marzo (luns) de 2022 ás 20:00 horas no Salón de Plenos do Concello, conforme á seguinte Orde do Día que se relaciona a continuación:

1º.- Aprobación, se procede, das actas seguintes:
- Acta da sesión ordinaria de data 10 de xaneiro de 2022.
- Acta da sesión extraordinaria de data 9 de febreiro de 2022.

2º.- Dar conta dos Decretos de Alcaldía emitidos dende o último Pleno Ordinario: do nº 1/2022 ó nº 95/2022, ambos inclusive.

3º.- Plan provincial de cooperación ás obras e servizos de competencia municipal (Plan único de concellos) “POS+ ADICIONAL 1/2022 Gasto social extraordinario”. Emenda

4º.- Convalidación, se procede, do Convenio de colaboración entre os Concellos da Baña, Negreira e Val do Dubra para a financiación dos gastos de persoal das oficinas de turismo durante o exercicio 2022.

5º.- Convalidación, se procede, do Convenio de colaboración entre os concellos de Outes e Negreira para a solicitude conxunta dunha subvención á Vicepresidencia Primeira e Consellería de Presidencia, Xustiza e Turismo ao abeiro da Orde de 29 de decembro de 2021 (código de procedemento PR486A).

6º- Proposta de acordo que formula o Grupo Municipal do P.P. en relación á renovación do mobiliario nos locais sociais das parroquias.

7º.- Proposta de acordo que formula o Grupo Municipal do P.P. en relación coa construcción dun Centro de Día.

8º.- Proposta de acordo que formula o Grupo Municipal do P.P. para a elaboración dunha ordenanza de apoio á natalidade.

9º.- Rogos e Preguntas.

Esta primeira Semana musical ofrecerá audicións do seu alumnado para o público en xeral, dende o luns 4 ata o venres 8 de abril, previa á Semana Santa 2022. Serán audicións de todas as súas especialidades por parte do seu alumnado, que comezarán o luns 4 de abril polas de: Canto; clarinete e saxofón, ás 18:00 horas no Auditorio Centro Sociocultural.

O mércores 6 de abril, ás 18:30 horas será a quenda para: Metais e gaita, no Auditorio da Casa da Cultura, e o xoves 7 a partir das 18:00 horas para as especialidades de violín, guitarra, piano e iniciación, no Auditorio Centro Sociocultural.

Para rematar, o venres 8 de abril e ás seis da tarde, na Aula 3 da Escola de Música haberá unha audición de frauta e percusión.

A entrada é de balde para asistir a estas audicións.

Lémbrase á cidadanía en xeral, que o Concello de Negreira ten un regulamento que sanciona como infracción grave, os verquidos de material de refugallos de obras e pneumáticos, en espazos naturais: Regulamento de Protección Medio Ambiental, Limpeza pública e de recollida do lixo (ano 2008). As sancións van desde os 750 ata os 1.500 euros, aos propietarios das mesmas.

Nas últimas semanas vén comunicándose ao Concello a existencia de numerosos puntos de verteduras incontroladas, sendo localizadas polos axentes da Policía Local quenes abriron os correspondentes expedientes e procederán a remitir as multas aos propietarios, se unha vez finalizado o expediente non procederan a retirar ditos refugallos.

Igualmente, queremos lembrarlle á cidadanía que o Punto Limpo atópase a súa disposición no seguinte horario: de luns a sábados, de 10:00 a 14:00 horas, e os venres con apertura de tarde, de 16:00 a 20:30 horas. No Punto Limpo non se recollen refugallos de obra a profesionais, e a particulares, faise nunha cantidade pequena.

Ademais, o Concello de Negreira dispón dun servizo de recollida a domicilio de voluminosos e outros enseres, unha vez por mes. É necesario chamar ao Concello, a través do número de teléfono: 981 885 250.

Aprobada definitivamente a nova Ordenanza municipal para a protección e conservación dos camiños e vías públicas municipais en relación coas operacións de saca de madeira, compre informar á veciñanza e empresas madeireiras.

Ten por obxecto a protección e conservación dos camiños e vías públicas municipais, fronte os danos que se poidan producir como consecuencia da saca de madeira. Así, é obrigatoria a comunicación previa no Rexistro Xeral do Concello, cunha serie de requisitos que poden consultarse na propia ordenanza ou na web do Concello de Negreira, tales como: datos da empresa; datos da finca; SRC, ou mesmo a data de inicio e fin da operación.

Dita comunicación farase como mínimo 15 días hábiles antes do día que os madeireiros teñan pensado comezar coa corta e extracción da madeira. Ademais, farase a comprobación da documentación, e unha vez que esté todo correcto, as empresas terán que depositar un aval ou garantía.

De non cumprir estes requisitos, poderán ser sancionados con multas dun importe de ata 3.000 euros, así como a obrigación de reparar os danos causados, unha vez emitidos os informes pertinentes

A Escola Infantil Municipal de Negreira informa da apertura do prazo para a renovación de matrícula, e para a solicitude de novo ingreso para o curso 2022-2023.

Este prazo vai dende o 1 ao 15 de abril, no caso de renovación de matrícula, e do 1 ó 30 de abril, para as solicitudes de novo ingreso. En ambos casos, o lugar para a súa presentación é a Escola Infantil Municipal, en horario de 9.00 a 14.00 horas, de luns a venres.

A información coa documentación requerida e as follas de solicitude, pódense descargar no apartado de Publicacións oficiais, ou nos documentos adxuntos debaixo desta nova; na web municipal: concellodenegreira.gal

Martes 5 e mércores 6 de abril, son as dúas datas escollidas para a celebración no Auditorio de Negreira, das dúas fases previa do Club de Debate 2022 que organizan os Servizos de Normalización Lingüística (SNL), dunha serie de concellos galegos, entre eles, os de Negreira, Ames, Teo, Dodro, ou Pontevedra.

Na primeira fase, hoxe martes, participan ao longo do día, os equipos de mozos e mozas dos seguintes centros educativos: IES do Milladoiro (equipos A e B); CPI Eusebio Lorenzo Baleirón (Dodro); IES de Cacheiras (equipo Papagaios de Cacheiras); e CPI Punta Candieira (Cedeira). A actividade comeza ás dez da mañá e até as dúas da tarde. Tralo descanso para o xantar, a partir das 16:30 horas comeza a segunda parte. O fallo final e entrega de premios terá lugar a partir das 18:45 horas.

Xa na xornada deste mércores 6 de abril teremos a oportunidade de ver sobre o escenario, ao equipo Peripatéticos, do IES Xulián Magariños. Participa na segunda fase previa de Negreira cando aos equipos Abrapalabra, do IES de Ames; IES Sagrado Corazón de Praceres (Pontevedra); IES Milladoiro C, e IES Sánchez Cantón (Pontevedra). Haberá un descanso para o xantar de 14:00 a 16:00 horas, e a partir das 18:15 horas celebrarase a entrega de premios.

O Concello de Negreira pon en marcha a súa segunda campaña de prevención co reparto de trampas para as vespas velutinas, orientadas a toda a veciñanza interesada. Poderán facerse con elas chamando ao número de teléfono 664 074 674, ou ben pasándose pola oficina do Voluntariado, na Casa do Concello, en horario de mañá.

En todo caso, inciden en que as trampas entregadas o pasado ano deberán reutilizalas, engadindo líquido atraínte que tamén será dispensado, ou mesmo caseiro, isto é, mesturando un refresco ou cervexa con azucre.

A campaña de prevención da vespa velutina está realizada a través do Servizo de Voluntariado e da Agrupación de Voluntarios de Protección Civil.