Trinta e cinco nenos e nenas de Negreira recibirán o seu agasallo dos Reis Magos grazas á colaboración de persoas solidarias que de forma anónima recibiron unha carta na que un neno ou nena, pediu varios agasallos, dos cales, os participantes na campaña para axudar aos Reis Magos mercarán só un, de valor igual ou inferior a trinta euros.

A campaña está promovida dende o Servizo de Voluntariado, quen agradece o esforzo realizado por todas as persoas participantes que no ano 2020 permitiu que 38 cativos e cativas tivesen un agasallo mediante esta campaña para axudar aos Reis Magos.

Un dos requisitos segundo explicou en Radio Negreira a súa coordinadora, Laura Platas, é que as familias beneficiarias deben de levar máis de seis meses residindo no noso concello. Igualmente, Laura Platas facía un chamamento para a doazón de xoguetes en bo estado que poden ser entregados ou ben no Roupeiro municipal, ou poñéndose en contacto coa oficina do Voluntariado no número de teléfono: 664 074 674.

Laura Platas fíxo ademais un chamamento á cidadanía para que as aportacións de roupa e calzado que se fagan ao Roupeiro, cheguen nun estado óptimo para os destinatarios da axuda.

O Concello de Negreira, abre o prazo de inscrición para o programa NADAL LÚDICO que se desenvolverá nas instalacións do CEIP O Coto. Está dirixido a familias con menores de 3 anos a 12 anos durante as vacacións de Nadal do alumnado (de luns a venres, excepto días festivos). Para a adxudicación das prazas terase en conta a orde de inscrición e os seguintes criterios recollidos no Regulamento Negreira Concilia (BOP do 7 de maio de 2021):

1º criterio.- Familias con menores empadroados no Concello de Negreira.
2º criterio.- Familias que aporten informe Social que indique a necesidade do servizo en base a circunstancias socioeconómicas e familiares.
3º criterio.- Familias numerosas.
4º criterio.- Familias monoparentais.
5º criterio.- Familias con fillas/os de mulleres vítimas de violencia de xénero.
6º criterio.- Familias nas que algún das/os proxenitores teñen o eu posto de traballo no Concello de Negreira.

Documentación a aportar:

- Modelo normalizado da ficha de inscrición.
- DNI dos responsables do menor.
- Libro de familia, sentenza ou resolución administrativa que acredite a relación xurídica entre ambos.
- Copia da tarxeta sanitaria do/a participante.
- Declaración de IRPF e no caso de non presentala certificación negativa.
- Acreditación da situación laboral dos proxenitores e dos criterios de adxudicación de prazas.

Segundo as circunstancias da unidade familiar aplicaranse os seguintes descontos:

1.- Exención: A emisión dun Informe Social do departamento de servizos sociais que indique a necesidade do servizo sen que haxa posibilidades económicas para abonar o custo do mesmo conlevará a exención da cota.
2.- Reducción por irmáns: Cando asistan ao mesmo servizo varios irmáns de xeito simultáneo, o segundo irmán e sucesivos terán un desconto dun 50%.

O persoal técnico responsable do servizo poderá requerir outra documentación complementaria ou adicional que se precise. O desenvolvemento do programa Nadal Lúdico realizárase seguindo un estricto protocolo de seguridade adaptado as circunstancias que se están a vivir debido a covid-19.

As solicitudes deben presentarse nas oficinas do rexistro da Casa do Concello. Pode solicitar máis información no Centro de Información ás Mulleres, solicitando cita previa nos números de teléfono 981 886 320 / 881 035 154, en horario de 9:00 h a 14:00 h de luns a venres, dende o 17 ao 21 de decembro de 2021.

DOCUMENTOS PARA DESCARGA

O Concello de Negreira felicita as presentes festas de Nadal cunha postal que mostra unha imaxe nocturna da Pontemaceira, iluminada con motivo da declaración dun dos pobos máis bonitos de España, o 1 de agosto de 2020. A postal de Nadal atópase en todos os soportes dixitais nas RRSS como Facebook; Twitter e Instagram.

Así pois, o alcalde de Negreira, Manuel Ángel Leis Míguez, felicita ás festas á veciñanza, visitantes e a tódalas administración; en nome da Corporación Municipal dende un dos monumentos emblema e máis visitados de Negreira, que é a porta de entrada dos peregrinos que percorren o Camiño de Fisterra e Muxía.

Bo Nadal e próspero ano 2022 desexámosvos a todos os veciños e veciñas, así como a todas persoas que visitades Negreira.

O presidente da Deputación da Coruña, Valentín González Formoso, e a deputada de Benestar Social, Ana Lamas, entregaron hoxe na sede da Deputación catro vehículos adaptados destinados a catro entidades sociais sen ánimo de lucro da provincia, entre elas, á Fundación para a Protección de Persoas con Discapacidade Intelectual “Comarca de Barcala”.

O vehículo que dispón de 9 prazas, destinarase ao transporte de persoas con diversidade funcional. O alcalde de Negreira, e vicepresidente da Fundación, Manuel Ángel Leis Míguez, recepcionaba o vehículo acompañado polo concelleiro do goberno da Baña, Manuel Landeira.

O Concello de Negreira informa que a Unidade Móbil 7 de Inspección Técnica de Ciclomotores desplazarase ao municipio de Negreira na seguinte data, horario e ubicación:

-        Data: Mércores 16 de febreiro

-        Horario: 9:00 a 13:30 pola mañá, e 15:15 a 18:00 pola tarde

-        Ubicación: Campo da feira

Para solicitar cita previa:

- Por teléfono: 902 30 90 00
- A través da web: www.sycitv.com – Cita previa

A admisión de vehículos con características particulares estará condicionada á posibilidade de realizar as operación de inspección regulamentarias.

A Xunta de Galicia abriu este luns 3 de xaneiro, primeiro día laboral de 2022, o prazo de solicitudes para as axudas á rehabilitación enerxética de vivendas en edificios existentes en municipios de reto demográfico, o chamado PREE 5000. O prazo estará aberto ata o 30 de setembro.

Devandito programa conta cunha dotación total de 3,8 millóns de euros. As actuacións subvencionables realizaranse en edificacións localizadas en municipios de menos de 5.000 habitantes ou en concellos non urbanos de menos de 20.000 sempre que ningún dos seus núcleos de poboación supere os 5.000 veciños.

Os inmobles deben ter sido construidos antes de 2007 e poden ser vivendas unifamiliares, edificios de tipoloxía residencial colectiva ou vivendas dun edificio consideradas individualmente. Poden beneficiarse desta liña de incentivos, cuxo importe concedido poderá chegar a cubrir ata o 100 % do custo das obras subvencionables.

Os traballos a executar deberán pertencer a unha ou varias das seguintes tipoloxías: mellora da eficiencia enerxética da envolvente térmica; mellora da eficiencia enerxética e uso das enerxías renovables nas instalacións térmicas de calefacción, climatización, refrixeración, ventilación e auga quente sanitaria; e mellora da eficiencia enerxética das instalacións de iluminación.

As actuacións que subvencione o Instituto Galego dá Vivenda e Solo no marco do PREE 5000 deberán conseguir unha redución do consumo de enerxía primaria non renovable do 30 % respecto da situación actual do edificio e, ademais, mellorar a cualificación enerxética total do inmoble en, polo menos, unha letra. Este último criterio non será de aplicación cando o edificio acredite ter xa unha cualificación A.

Trinta e cinco nenos e nenas de Negreira recibirán o seu agasallo dos Reis Magos grazas á colaboración de persoas solidarias que de forma anónima recibiron unha carta na que un neno ou nena, pediu varios agasallos, dos cales, os participantes na campaña para axudar aos Reis Magos mercaron só un, de valor igual ou inferior a trinta euros.

A campaña estivo promovida dende o Servizo de Voluntariado, quen agradece o esforzo de todas as persoas participantes que no ano 2020 permitiu que 38 cativos e cativas tivesen un agasallo mediante esta campaña para axudar aos Reis Magos.

A concelleira de Servizos Sociais, Muller e Igualdade, María del Mar García Vidal, valorou de “moi positiva” a colaboración de tantas persoas, e sinalou que “este compromiso demostra que existe unha enorme solidariedade para que ano tras ano, rapaces e rapazas de familias con escasos recursos, non queden sen o seu agasallo”.

Na campaña tamén participa o departamento municipal de Servizos Sociais e mailo Centro de Información ás Mulleres.

A Corporación Municipal de Negreira celebrará o luns, día 10 de xaneiro de 2022, ás 20:00 horas, unha sesión do Pleno, con carácter ordinario, conforme á seguinte orde do día:

1º.- Aprobación, se procede, da acta da sesión ordinaria de data 8 de novembro de 2021.

2º.- Dar conta dos Decretos de Alcaldía emitidos dende o último Pleno Ordinario: do nº 274/2021 ó nº 296/2021, ambos inclusive.

3º.- Cesión do contrato administrativo de xestión do servizo público, na súa modalidade de concesión, da piscina cuberta e climatizada do Concello de Negreira.

4º.- Aprobación inicial, se procede, do Regulamento de organización e funcionamento da Escola Infantil Municipal do Concello de Negreira.

5º.- Aprobación inicial, se procede, da modificación da Ordenanza de plantacións e corta de árbores.

6º.- Aprobación inicial, se procede, da modificación Regulamento do “Programa Negreira Concilia (madrugadores e merendas), Diververán, Campamento Urbano Respira e Nadal Lúdico

7º.- Aprobación provisional, se procede, da modificación da Ordenanza reguladora dos prezos públicos pola prestación do servizo do Programa Negreira Concilia (Madrugadores e Merendas), Diververán, Campamento Urbano Respira, Nadal Lúdico e Divernadal.

8º.- Aprobación inicial, se procede, da modificación orzamentaria número 1/2022.

9º.- Recoñecemento extraxudicial de créditos.

10º.- Proposta de acordo que formula o Grupo Municipal do P.P. para a elaboración dunha Ordenanza municipal de ordenación do mobiliario urbano.

11º.- Rogos e Preguntas.

O Concello de Negreira considerou necesario pedir un cribado o día de onte, 4 de xaneiro do 2022, para a pobación menor de 20 anos, debido a que considera entre outras causas, a difícil situación que está a vivir coa inminente volta ás aulas do alumnado.

A recomendación de realizarse un test de antíxenos para poder incorporarse ao curso escolar é entendible pero pouco práctica. É case imposible conseguilos nos lugares habilitados para vendelos, e tamén para algunhas familias e bastante difícil afrontar o custo dos mesmos, xa que subiron o seu prezo e tamén teñen que desprazarse á outros concellos para poder adquirilos.

Dende o Goberno municipal, consideramos esencial que os rapaces/as vaian seguros aos centros educativos, e coa realización das probas sería unha boa forma de garantir que o virus non se extenda e provoque outra subida masiva dos casos.

Polo tanto, remitiuses unha petición á Xerencia do Servizo Galego de Saúde, solicitando un cribado no mesmo concello como así se fixo nos cribados anteriores, agardando en breves que teñamos unha resposta afirmativa para así axudar a mitigar dita pandemia e volver a lograr que os rapaces/as continúen seguros a súa educación.

Debido a elevada incidencia de casos de covid19 en Negreira e nos concellos da contorna, e agardando un descenso dos datos de contaxio, o Concello de Negreira decidiu aprazar unha semana o reinicio das actividades das Escolas Culturais e Deportivas ata o luns, día 17 de xaneiro, en previsión dunha melloría da incidencia.

Con esta medida preténdese evitar cambios nos grupos e tamén mellorar a inmunidade infantil co avance da vacinación entre os menores de 5 a 11 anos.

Animamos á xente a aproveitar a vindeira semana para facer actividades deportivas e/ou lúdicas o aire libre, sempre seguindo as medidas sanitarias en vigor.