O Concello de Negreira convoca o II Concurso de Decoración de Nadal, co obxectivo de promover o embelecemento da vila facendo partícipe a poboación e o tecido económico. O proxecto contribuirá á participación activa do pobo de Negreira na tradición do Nadal e á posta en valor do comercio, a hostalaría e o patrimonio cultural.

As inscricións serán gratuítas e estarán abertas a toda a poboación maior de idade do Concello de Negreira e establecementos hostaleiros e comerciais con actividade emprazada no termo municipal.

- Cómo inscribirse?

Mediante un email a: Este enderezo de correo está a ser protexido dos robots de correo lixo. Precisa activar o JavaScript para velo., e indicando o nome, apelidos e DNI da persoa representante, teléfono, correo-e, e o enderezo da vivenda ou establecemento onde se levará a cabo a decoración obxecto do concurso, incluíndo tódolos datos precisos para a súa localización, así como o nome do establecemento na categoría de establecementos. Como alternativa, tamén se poderán realizar as inscricións de luns a venres non festivos de 9:00 h a 14:00 h na Casa da Cultura, ou no número de teléfono: 981 885 886.

- Período de inscricións

Dende o 17 de novembro ás 14 h do venres 10 de decembro.

- Categorías de participación

a) Particulares

Poderán participar dentro desta categoría vivendas unifamiliares, tanto casas como pisos, así como conxuntos formados por comunidades de veciños dun edificio. Para o concurso valorarase unicamente a decoración visible dende a vía pública (entradas, fiestras, balcóns, xardíns, árbores de nadal, etc.).

b) Establecementos

Poderán participar dentro desta categoría tódolos establecementos comerciais e de hostalaría emprazados no termo municipal de Negreira. Valorarase en conxunto a decoración para o concurso, que poderá realizarse nas zonas accesibles ou visibles para o público en xeral: no interior, no exterior, nos accesos e fiestras e nos escaparates. A decoración deberá manterse sen modificar dende o inicio ata a fin do concurso, podendo cambiarse outros elementos como os produtos en venda expostos.

- Duración do concurso

A decoración deberá estar colocada dende o día 11 de decembro de 2021 ata o día 7 de xaneiro de 2022, ambos incluídos. A exposición será gratuíta e estará visible dende a vía pública (vivendas ou comunidades de veciños) ou lugares de acceso permitido e visibles (establecementos) para o goce da poboación.

- Premios

Outorgaranse un máximo de tres premios en cada unha das dúas categorías, en función da puntuación outorgada polo xurado, que se baseará en tres aspectos de máximo 10 puntos cada un: creatividade, orixinalidade e apreciación de elementos locais.

a) PARTICULARES

1º premio: Vale regalo de 100 € para gastar integramente en establecementos do Concello de Negreira
2º premio: Vale regalo de 60 € para gastar integramente en establecementos do Concello de Negreira
3º premio: Cesta de produtos

b) ESTABLECEMENTOS

1º premio: 400 €
2º premio: 150 €
3º premio: Cesta de produtos

Consulta toda a información detallada nas Bases do concurso

O Servizo de Voluntariado lanza a súa campaña de Reis para que ningún nen@ de Negreira quede este Nadal sen o seu agasallo. Queres axudar aos Reis Magos?

É moi sinxelo. No mes de decembro recibirás na túa conta de correo electrónico, unha carta na que un neno ou nena pedirá varios agasallos, dos cales, as persoas participantes mercarán só un, de valor igual ou inferior a 30 euros, e así, poder facelo feliz o día de Reis.

Infórmate da campaña no númerod e teléfono: 664 074 674, ou no seguinte enderezo electrónicos: Este enderezo de correo está a ser protexido dos robots de correo lixo. Precisa activar o JavaScript para velo..

Despois dun parón na organización da Carreira do Turrón por mor da pandemia, este ano 2021 retómase unha proba, que a pesar de ter poucos anos de vida, conta cunha gran resposta dos corredores.

Nesta terceira edición fixada para o sábado, día 11 de decembro, a partir das 16:30 horas; vanse a celebrar tres carreiras con distancias que van dende os 100 metros da categoría BIBERÓN ata os 4.000 metros dos ADULTOS, nunha xornada de festa, onde o menos importante é o resultado.

A inscrición é ???????? e, para participar, só tes que traer 1 ????? ?? ????????? que serán entregados aos ???????? ??????? do Concello para distribuilo entre as familias sen recursos de Negreira.

A inscrición está aberta ata o xoves 9 de decembro, ás 14:00 horas.

+ ????: https://carreiradoturronnegreira.blogspot.com/ 

Trala masiva recepción de cartas recibidas pola veciñanza afectada pola limpeza de franxas secundarias por parte da empresa Seaga, o Concello de Negreira solicitou un asesoramento por parte dos técnicos da empresa, de cara resolver dúbidas, xa que as comunicacións teñen certos #datos incorrectos.

Datas: martes 23 e mércores 24 de novembro

Horario: 9:00 a 14:00 horas

Lugar: Centro Sociocultural

Cita previa: ??? ?? ?? ?? ou 881 035 142

A Banda de Música Ateneo de Negreira, baixo a dirección de Raúl Martín Niñerola, ofrece este sábado, día 27 de novembro, ás 19:00 horas, no Auditorio do Centro Sociocultural, o seu tradicional concerto con motivo da festividade de Santa Icía, patroa dos músicos, que inclúe o seguinte programa:

• Cielo Andaluz - Pascual Marquina
• La Storia - Jacob de Haan
• Pilatus: Mountain of Dragons - Steven Reineke
• The Ghost Ship - J. Alberto Pina
• Abba Gold - Arranxo Ron Sebregts
• Holiday in Rio - Arranxo Steve McMillan

Seguindo a tradición da Banda Ateneo de Negreira, neste concerto presentaranse oficialmente os novos músicos que se incorporan á Banda:

José Carballeira (tuba)
Antonio Carballeira (trompeta)
José Manuel Mallón (trombón)
Xosé Mosquera (percusión)

Imaxe: Banda de Música Ateneo de Negreira

 Este sábado 4 de decembro levaremos a cabo en Negreira o acendido da iluminación navideña nas rúas da vila. Vai ser nun acto que comezará ás 18.30, a través do pasarrúas máxico infantil “Luz do Camiño”, a cargo do grupo Troula Animación, os cales percorrerán as rúas da vila con música, luces e moita animación para rematar na praza do Concello.

Xa o venres día 10 teremos teatro infantil con Títeres Cachirulo, no Auditorio, ás 19:00 horas, mentres que o sábado 11 celebrarse a terceira edición da Carreira do Turrón, a desenvolverse dende as 16:30 horas no pavillón do colexio O Coto.

O xoves 16 terá lugar o acto literario do Fallo do xurado do décimo Certame de poesía “Xosé M. López Ardeiro”, ás 20:00 horas no Auditorio, e coa actuación de Prabhu & Lorenzo. O venres 17 agarda a Audición de Nadal, a cargo do alumnado da Escola Municipal de Música, a partir das 18:00 horas no Auditorio.

O sábado 18 e mailo domingo 19 de Nadal, a carpa da praza do Concello acollerá o Mercado de Nadal organizado pola Asociación de Empresarios de Negreira, en horario de 11:00 a 20:00 horas.

Para despedir o ano 2021 nas escolas infantís, o martes 21 teremos o espectáculo “O castiñeiro do Apalpador”, en dobre función: na Escola de Aro, ás 11:00 horas, e no Centro Sociocultural, a partir das 17:30 horas, coa compañía Fantoches Baj. Ese mesmo día, ás 18:30 horas, terá lugar o Festival de Nadal da Escola Municipal de Teatro, no Auditorio.

Gran Festival de Nadal

Vai selo domingo 26 de decembro, a partir das seis da tarde no Auditorio, con entrada de balde. O luns 27 teremos teatro coa compañía Traspediante, ás seis da tarde e no Auditorio.

O xoves 30 será cita coa obra: “O crebanoces”, de Os Bolechas, a partir das seis da tarde no Auditorio.

Divernadal

Os obradoiros de conciliación para as familias de Negreira terán lugar os días: 27, 28, 29 e 30 de decembro, e mailo 3 e 4 de xaneiro.

Xaneiro

O domingo 2 e mailo luns 3 teremos a Festa do Neno, no pavillón do colexio O Coto, nos seguintes horarios: de 11 a 13, e de 17 a 20 horas.

O mércores 5 agárdanos a Cabalgata dos Reis Magos que partindo do Campo da Feira (17:00), recupera a recepción real dende o balcón da Casa do Concello, ás seis da tarde.

A área de Deportes da Deputación da Coruña organiza, entre o 14 de xaneiro e o 21 de febreiro de 2022, diversas viaxes á estación invernal de Valgrande-Pajares (Asturias), para impulsar a práctica do esquí entre a mocidade de 12 a 15 anos de idade dos concellos da provincia. Nesta nova edición, participarán 600 nenos e nenas de toda a provincia (100 máis que na anterior edición), que se repartirán en seis quendas de catro días de duración cada unha.

A mocidade de Negreira quedou encadrada na 3ª quenda, do 28 ao 31 de xaneiro, cando aos da Baña, Santiago de Compostela, ou Val do Dubra. As viaxes terán un custe de 85 euros e inclúen transporte, estadía de catro días na estación de Valgrande-Pajares, clases de esquí, monitores, seguros, alugamento de material, remontes mecánicos e todo o gasto que ocasionen as actividades e cursos programados. Terá prioridade na inscrición a rapazada que nunca fora a ningunha campaña de neve da Deputación.

Recoméndase aos e ás asistentes que leven consigo gorro, luvas, gafas de esquí e de sol, anorak térmico, pantalón impermeable ou similar, roupa de rúa e deportiva, chuvasqueiro, mochila pequena, útiles de aseo, pixama e crema solar.

Inscrición aberta ata o 14 de decembro

Para participar deberán rexistrar na Delegación de Cultura e Deportes, na Casa da Cultura, a ficha de inscrición debidamente cuberta e asinada polos pais ou titor do solicitante, fotocopia da tarxeta sanitaria e do carné de identidade e copia do aboamento da cota de inscrición (unha vez a praza estea confirmada). O prazo para apuntarse xa está aberto e remata o 14 de decembro de 2021.
No caso de que se soliciten máis prazas das dispoñibles, os concellos procederán a sortear as mesmas entre os e as solicitantes.

A ficha de inscrición e toda a información correspodente á Campaña de Esquí 2022 pódese descargar da web da Deputación da Coruña:

https://www.dacoruna.gal/deportes/esqui-2 

A Dirección Xeral da Policía Nacional comunicou ao Concello de Negreira, a primeira das datas do ano 2022 en que o Equipo Móvil da Comisaría da Policía Nacional de Santiago de Compostela se desprazará a Negreira para a expedición do Documento Nacional de Identidade (D.N.I.), sendo o luns, día 10 de xaneiro.

O lugar de tramitación é a planta baixa do Centro Sociocultural, con acceso por A Restreva, en horario de 9:00 a 12:30 horas. Os novos documentos poderanse recoller o día 12 de xaneiro, de 9:00 a 10:00 horas.

As persoas interesadas poden anotarse a partir do luns 13 de decembro de 2021, de luns a venres, e ata completar o aforo dispoñíbel, no seguinte número de teléfono: 881 035 142.
A seguinte data de renovación será a finais do mes de marzo, para a cal comunicarase con antelación a data para anotarse.

Hoxe tivo lugar a entrega das recadacións con fins solidarios a partir de actividades desenvolvidas polo Concello de Negreira, nun acto no que participaron o alcalde, Manuel Ángel Leis Míguez, e maila primeira tenente de alcalde e concelleira de Servizos Sociais, María del Mar García Vidal.

A recadación a favor da Fundación para a Protección de Persoas con Discapacidade Intelectual “Comarca de Barcala”, foi entregada a un grupo de usuari@s da propia Fundación. A cantidade ascende a 470 euros polas entradas á actividade desenvolvida pola Escola Municipal de Teatro, dentro do Ciclo de Monólogos 2021.

F1

A recadación polas entradas aos concertos do Verán Cultural 2021 de Sés e Luar na Lubre, ascendeu a 1.200 euros, a favor do Departamento Municipal de Servizos Sociais, sumándolle a aportación realizada por Opel Antonio Baliñas SL, de 150 euros, polo que a cifra total elevouse a 1.350 euros.

Por último, a recadación solidaria polo concerto do grupo Broken Peach, a favor dos damnificados pola erupción do volcán da Illa de La Palma ascendeu a 600 euros.

Os monecos están de xira coa Xunta de Galicia e farán a súa parada no noso concello, o xoves día 30 de decembro co espectáculo "O crebanoces de Nadal". As entradas son de balde, e a cita é a partir das 18:00 horas no Auditorio do Centro Sociocultural, dentro da programa de Nadal.

Os Bolechas van preparar unha carta a Papá Noel, pero a cousa complícase e deciden seguir o labor comendo noces, que así pensan mellor. Mais as noces teñen a casca moi dura e escachan os dentes. Entón, os irmáns collen un crebanoces na cociña, pero trillan os dedos. De súpeto, alguén chama á porta e aparece un enorme crebanoces de Nadal chegado directamente de Alemaña para axudalos, mais ao pouco de empezar, o convidado fica inmóbil. Tras unha chamada ao 112, os Bolechas descobren que o crebanoces non é humano, senón un boneco de corda e, ademais, non teñen a chave para volver activalo. Poderán os Bolechas recuperar o seu crebanoces de Nadal?

Para descubrir como acaba o misterio que se lle presenta á familia Bolechas este Nadal, os interesados poderán achegarse a este espectáculo de monicreques manipulados, o xoves día 30 en Negreira.