Este venres, día 27, celebrarase o Festival de Folklore de Negreira no patio interior do CEIP O Coto ás oito da tarde. Actuarán o grupo de Baile Xilbarbeira, de Boiro, a Colha de Santa María de Mijarán, do Vall d’Arán, e a Asociación Folklórica Veiga do Cotón de Negreira. A asistencia ao festival é de balde, máis cómpre rexistrarse nunha ligazón dispoñible nas redes sociais do Concello de Negreira.

Ao día seguinte, sábado 28, actividades urbanas e actuacións musicais no Wakau Urban Fest. A Vella Escola de Noia organiza mostras de graffiti, parkour, skate park e waterslide ás cinco da tarde e obradoiros de DJ, de estampación de camisetas e de breakdance ás seis e media. A partir das dez e media da noite, o patio interior do CEIP O Coto acollerá as actuacións de Monoulious DOP, FØ Records, Siete Veinte e Bassi.

O domingo 29, espectáculo de maxia na praza do Concello co gran David Maestro. O mago, coñecido a nivel nacional polas súas numerosas aparicións en programas de televisión, presentará a X Gala de Maxia para todos os públicos e xogará coas mentes dos achegados facendo un espectáculo de ilusionismo incluido na súa xira máxica de verán.

 

A fin de semana, do 3 ao 5 de setembro, Negreira celebra a súa décimo cuarta Feira do Románico na contorna do Pazo do Cotón. É por isto a partir do xoves día 2 as 13.00 h, a Carreira de San Mauro quedará cortada ao trafico por motivos de organización e haberá desvíos alternativos pola Abeanca, A Chancela e Vilachán de Abaixo. Así mesmo, tamén comezarán os traballos de decoración das rúas e do mercado.

 

As principais zonas da vila as que afecta a feira son a Carreira de San Mauro e Rúa do Carme onde se emprazaran as tendas de artesanía. Na Praza do Concello estarán a zona infantil así como a tirolina. A zona da Capela do Cotón e ao Campo da Feira resérvanse para os espectáculos e demostracións.

 

Será esta unha edición onde o protocolo establecido pola Covid estará moi presente, polo que se fai un chamamento aos visitantes para que sigan as normativas e recomendacións sanitarias como o uso de mascarillas e distancia interpersoal.

 

A celebración comezará o venres as 18:00h con actividades variadas e un gran espectáculo de lume na praza do Cotón denominado “ A Forza da Queimada” programado no campo da feira para ás dez da mandos especialistas Hípica Celta.

 

Para o sábado ás doce do mediodía cando as autoridades locais e a Corporación Municipal inauguren de maneira oficial á Feira do Románico, xusto antes dos espectáculos e acrobacias de Cuca Cantillo que estará na Praza do Cotón á unha. Pola tarde, o Fakir “Flakin” ocupará o mesmo lugar para ofrecer unha sesión de malabares e humor dirixida aos máis pequenos da familia ás sete e media. Unha hora máis tarde, o campo da feira acollerá unha das citas máis importantes do Románico: o gran combate medieval a mans da compañía Hípica Celta. Pola noite, batucada “Olodum do Coio” de Grimorium e mostras de pirotecnia por Asaco Circo na praza do Cotón a partir das dez e cuarto.

 

O domingo a feira abre ás once con máis pasarúas da man de Turdión e Hípica Celta. O ambiente medieval continuará ás doce coa actuación musical “Canta Compaña” na Capela e as acrobacias de Cuca Cantill, que se estenderán ata as sete e media. Para rematar, teatro a pé de rúa con Troula Animación e a mostra “Errantes”.

 

Dentro das actuacións impulsadas polo Goberno local para a mellora integral de espazos públicos como rúas, avenidas e prazas, o Concello acaba de incorporar ao seu parque móvil municipal unha máquina varredora profesional ao abeiro da Orde do 30 de decembro de 2020 pola que se regulan os criterios de repartición e se establecen as bases reguladoras e a convocatoria de subvencións da liña de concorrencia non competitiva e da liña en concorrencia competitiva do Fondo de Compensación Ambiental para o ano 2021.

Ao noso concello foille concedida pola Xunta de Galicia unha subvención por importe total de 69.701 euros para a adquisición dunha varredora profesional para limpeza.

 

Este novo equipamento vén a reforzar o servizo de limpeza e mantemento, dando un paso máis no plan de mellora de beirarrúas, rúas e zonas verdes do noso municipio.

 

A Corporación Municipal de Negreira celebrará o luns, día 13 de setembro, ás 21:00 horas, unha sesión do Pleno, con carácter ordinario, conforme á seguinte orde do día:

 

1º.- Dar conta dos Decretos de Alcaldía emitidos dende o último Pleno Ordinario: do nº 205/2021 ó nº 240/2021, ambos inclusive.

2º.- Conta Xeral do orzamento do exercicio 2020.- Aprobación.

3º.- Comisión de Honras e Distincións do Concello de Negreira.

4º.- Aprobación provisional, se procede, da modificación da ordenanza fiscal reguladora do imposto sobre bens inmobles.

5º.- Aprobación provisional, se procede, da modificación da ordenanza fiscal reguladora do imposto sobre actividades económicas.

6º.- Aprobación provisional, se procede, da modificación da ordenanza reguladora do imposto sobre construccións, instalacións e obras.

7º.- Aprobación provisional, se procede, da modificación da ordenanza fiscal reguladora da taxa por entrada e saída de vehículos a través das beirarrúas e reservas da vía pública para aparcamento exclusivo, parada de vehículos, carga e descarga de mercadorías de calquera clase.

8º.- Aprobación provisional, se procede, da modificación da ordenanza xeral municipal sobre tráfico, circulación de vehículos a motor e seguridade viaria.

9º.- Concellos Doing Business Galicia.

10º.- Modificación orzamentaria.- Crédito extraordinario.

11º.- Transferencia de crédito entre distintas áreas de gasto.

12º.- 2ª Fase do Plan provincial de cooperación ás obras e servizos de competencia municipal (Plan único de concellos) Adicional 2/2021

13º.- Proposta de acordo que formulan os Grupo Municipais do PSdeG-PSOE e do P.P., integrantes desta Corporación, en relación cos parques eólicos

14º.- Proposta de acordo que formula o Grupo Municipal do P.P. para que se executen as actuacións recollidas no anteproxecto denominado “Módulo exterior de atletismo e estudo de costes”.

15º.- Proposta de acordo que formula o Grupo Municipal do P.P. coa finalidade de que se coloque un sistema de videovixiancia no parking de camións do polígono industrial.

16º.- Proposta de acordo que formula o Grupo Municipal do P.P. para que se proceda á remodelación integral do parque do Coto.

17º.- Rogos e preguntas.

 

Dirixido a familias con menores de 3 a 12 anos durante o curso lectivo 2021-2022, levarase a cabo nas instalación do CEIP O Coto, con prazas limitadas.

Para a adxudicación das prazas terase en conta a orde de inscrición e os seguintes criterios recollidos no Regulamento Negreira Concilia (BOP do 7 de maio de 2021):

 

- 1º criterio.- Familias con menores empadroados no Concello de Negreira

- 2º criterio.- Familias que aporten informe Social que indique a necesidade do servizo en base a circunstancias socioeconómicas e familiares

- 3º criterio.- Familias numerosas

- 4º criterio.- Familias monoparentais

- 5º criterio.- Familias con fillas/os de mulleres vítimas de violencia de xénero

- 6º criterio.- Familias nas que algún das/os proxenitores teñen o eu posto de traballo no Concello de Negreira.

 

 

Documentación a aportar

 

- Modelo normalizado da ficha de inscrición.

- DNI dos responsables do menor.

- Libro de familia, sentenza ou resolución administrativa que acredite a relación xurídica entre ambos.

- Copia da tarxeta sanitaria do/a participante.

- Declaración de IRPF e no caso de non presentala certificación negativa.

- Acreditación da situación laboral dos proxenitores e dos criterios de adxudicación de prazas.

 

Segundo as circunstancias da unidade familiar aplicaranse os seguintes descontos:

- Exención: A emisión dun Informe Social do departamento de servizos sociais que indique a necesidade do servizo sen que haxa posibilidades económicas para abonar o custo do mesmo conlevará a exención da cota.

- Reducción por irmáns: Cando asistan ao mesmo servizo varios irmáns de xeito simultáneo, o segundo irmán e sucesivos terán un desconto dun 50%

 

O persoal técnico responsable do servizo poderá requerir outra documentación complementaria ou adicional que se precise.

As solicitudes poden presentarse nas oficinas do rexistro da Casa do Concello. Pode solicitar máis información no Centro de Información ás Mulleres de Negreira, solicitando cita previa no número de teléfono 981886320 / 662370448, en horario de 9:00 h a 14:00 h de luns a venres, dende o do 17 ao 24 de setembro de 2021

 

O desenvolvemento do programa Merendas realizárase seguindo un estricto protocolo de seguridade adaptado as circunstancias que se están a vivir debido a COVID-19.

Datos adxuntos:

 A veciñanza de Negreira e comarca poderá asistir, de xeito gratuito, á proxección da primeira etapa do documental “Historias do Último Camiño”, este venres 24 de setembro, ás 20.30 horas, no Auditorio da Casa da Cultura (acceso pola Carreira de San Mauro). A peza está presentada por Brais Doval e producido por Vizuals Lab, e percorre o Camiño entre Santiago e Fisterra.

Este proxecto, un webdoc interactivo, forma parte do programa O teu Xacobeo, da Xunta de Galicia, e pretende mostrar a veciños e visitantes os lugares de interese da ruta, mais tamén todas aquelas historias que nacen ao seu arredor: iniciativas empresariais dos veciños, curiosidades e anécdotas, historias persoais de xente que “vive no Camiño”…
Na proxección deste venres 24 en Negreira, os asistentes visionarán os 15 primeiros minutos do documental, filmados na ruta entre Santiago e Negreira. Nesta primeira etapa, Brais Doval sae da capital galega para visitar lugares como o Alto do Sarela, a Ponte de Roxos, Trasmonte ou Pontemaceira, e desfruta tamén das historias dos veciños de Augapesada, visita as instalacións de Fisterra Bovine World e mesmo asiste aos ensaios do espectáculo orquestral “Xuntos polo Camiño”. 

 

“Historias do Último Camiño” é un proxecto documental interactivo que estará dispoñible na rede a partires do 30 de setembro. O usuario poderá escoller entre visionar o documental enteiro, ou acceder a pezas específicas sobre os diferentes lugares polos que pasa e ás entrevistas coa veciñanza, ademáis de ter contidos adicionais (mapas, audios, infografías…). En cada fin de etapa haberá unha xuntanza cos veciños par aproxectar as gravacións, e Fisterra será o lugar onde se celebrará un evento final, presentado por Brais Doval, para mostrar o documental completo. Porque non se trata só dunha ruta, facer o Camiño implica mergullarse nas súas paisaxes, na súa historia, na súa cultura e, sobre todo, na súa xente.

A mocidade de Negreira menor de 21 anos pode realizar ata 60 viaxes interurbanas gratis ao mes no transporte público de Galicia, sexa cal sexa a orixe e o destino, grazas á Tarxeta Xente Nova que expide a Xunta de Galicia.

 

Só haina que solicitar na oficina de Abanca, se ben no caso de ser menor de 18 anos, a solicitude débea facer un representante legal do menor. Coa tarxeta, haberá que cargarlle cartos nos caixeiros de Abanca. Pode facerse en efectivo, con tarxeta, co móbil ou coa banca electrónica. 

 

As viaxes realizadas pagaranse coa Tarxeta Xente Nova e posteriormente a Xunta reintegrará o importe na mesma tarxeta, para o que haberá que aceptar a recarga nun caixeiro de Abanca. A bonificación das viaxes da primeira quincena dun mes estará dispoñible a partir do día 5 do seguinte mes e as da segunda quincena poderán aceptarse a partir do día 20.

 

As tarxetas están dirixidas a idades entre 4 e 21 anos. Lembramos que ata os 3 anos, o transporte público en Galicia é gratuíto.

 

Para maior información: https://www.bus.gal/es/xente-nova

O Concello de Negreira está adherido ao Pacto das Alcaldías para o Clima e a Enerxía, que leva aparellado un compromiso de reducir as emisións de CO2 no seu territorio para o ano 2030 en, polo menos, o 40% a través de medidas de eficiencia enerxética e dun maior uso de fontes de enerxía renovable, así como na implantación de medidas de adaptación ao cambio climático e aumento da resiliencia.

 

O Pacto das Alcaldías é a maior iniciativa urbana do mundo en materia de clima e enerxía no que as autoridades locais comprométense a reducir as emisións un 40% ata o ano 2030, mellorar a eficiencia enerxética, utilizar fontes de enerxía renovable e desenvolver accións para mitigar o cambio climático. Por todo isto, lanzamos unha enquisa para recoller información por parte da veciñanza de Negreira para deseñar o Plan de Acción polo Clima e a Enerxía Sostibles (PACES).

 

Preme no seguinte enlace para acceder á enquisa onde podes ver un vídeo explicativo do que é o Plan de Acción polo Clima e a Enerxía Sostibles:

 ACCEDER Á ENQUISA 

Despois de 12 meses de formación e traballo, hoxe tiña lugar a clausura do programa de emprego Mocidade 2020, promovido dende o Concello de Negreira, en colaboración cos da Baña, Santa Comba e Val do Dubra; coa formación e aprendizaxe de 16 alumnos/as – traballadores/as.

 

Con 45 actuacións programadas nos catro concellos participantes; fóronse combinando cos módulos de formación teórica e práctica de ambos certificados de profesionalidade nas especialidades de: Actividades auxiliares en viveiros, xardíns e centros de xardinería, e Fábricas de albanelería. O alumnado puido completar a súa formación realizando un curso de condución de carretillas elevadoras que foi sufragado polos catro concellos.

O proxecto que contou cunha achega económica da Consellería de Economía, Emprego e Industria, da Xunta de Galicia, de 369.492 euros, dentro do Programa Operativo de Emprego Xuvenil; estivo confinanciado pola Iniciativa de Emprego Xuvenil e o Fondo Social Europeo para o período 2014-2020, nunha porcentaxe do 91,89%.

 

A súa clausura acudiron os alcaldes/as e concelleiros/as, de Negreira, Val do Dubra, Santa Comba e A Baña, quenes no mes de outubro inician un novo programa de emprego dual, sendo o seu promotor o Concello de Val do Dubra nas especialidades de: Actividades auxiliares en conservación e mellora de montes, e Operacións auxiliares de revestimentos continuos en construción, e cuxo prazo para anotarse na Oficina de Emprego Santiago Norte remata este xoves 30 de setembro.

 Trala súa apertura o 1 de xullo de 2021, cun horario de atención continuo de luns a domingo, de 12:00-14:00 e de 16:00-18:00 horas, incluídos festivos, e sendo atendido por dúas persoas, o Punto de Información Turística vén de pechar as súas portas o pasado xoves día 30 de setembro.

 

No mes de setembro foron atendidas un total de 730 persoas, fundamentalmente peregrinos e peregrinas que veñen facendo o Camiño de Fisterra e Muxía. A maioría dos que se achegan pola caseta de información son de procedencia nacional (67%), mentres que o (33%) restante son de fóra de España. Subindo a porcentaxe dun 6% da procedencia internacional con respecto aos dous meses anteriores.

 

Predomina como motivo principal de consulta o selo, o 44% dos peregrinos e peregrinas que pasan por este Punto queren selar a credencial do camiño, segundo constata o informe de valoración dos datos que foi emitido por María Núñez Vicente, técnica de turismo do Concello de Negreira. A motivación principal dos peregrinos e peregrinas que fan o Camiño de Fisterra-Muxía ordenadas por frecuencia son o deporte, natureza, turismo, e por último, a relixión.

 

Valórase tamén se é a primeira vez que están en Negreira ou repiten a experiencia e o 99% dos visitantes coinciden en que é a súa primeira vez, fronte o 1% que repite a experiencia. A gran maioría dos que foron atendidos na caseta foron peregrinos e peregrinas correspondendo co 93% que facían o Camiño de Santiago a Fisterra-Muxía a pé 88% ou en bicicleta 5%; e unha pequena porcentaxe do 7% foron turistas que se achegaron ata Negreira en coche particular ou noutros medios de transporte. Respecto a idade, o grupo máis numeroso represéntao as persoas entre 35-60 anos cun 48%, en segundo lugar os de entre 18-35 cun 26%, seguido dos de máis de 60 anos co 24%, e por último cunha representación do 0,96% os menores de idade. En canto o sexo das persoas que pasan pola caseta de información turística o 56% son homes e o 44% mulleres.

 

Por outro lado, a media por día de usuarios e usuarias que pasan pola caseta de información turística anda entre as 25 persoas diarias, sendo os martes, mércores e xoves, onde se concentra unha maior afluencia de persoas que buscan información. Podemos destacar o día 25 de setembro no que pasaron pola oficina un total de 70 persoas, chegando á cifra máxima do mes.

 

Foto: Arquivo Concello de Negreira