O alcalde de Negreira, Manuel Ángel Leis Míguez, participou cando a outros rexedores e maila directora xeral da Axencia Galega de Desenvolvemento Rural (Agader), Inés Santé, no recoñecemento da Xunta ao labor desenvolvido nos seus 15 primeiros anos de existencia polo Grupo de Desenvolvemento Rural (GDR) Terras de Compostela, que xestiona fondos da Unión Europea (UE), a través de estratexias do programa Leader.

De devandita asociación forman parte os concellos de Negreira, A Baña, Santa Comba, Val do Dubra, Ames, Brión, Boqueixón, Santiago, Teo e Vedra. Ao longo desta traxectoria de quince anos, o GDR Terras de Compostela financiou 142 proxectos, que mobilizaron arredor dos 19 millóns de euros, segundo precisou a súa presidenta, Guarina Rey.

Manuel Ángel Leis Míguez, mandatario negreirés, subliñou que acaban de asinar un convenio para desenvolver o Plan de Sostibilidade Turística en Destino “e unha das importantes novas de cara ao inicio de 2024 é que o GDR Terras de Compostela estará en Fitur”.

Na categoría de rapazada, a gañadora é Lidia García Cerviño, pola súa foto: No soutiño. Na categoría de maiores, a gañadora é Alba Maneiro Miguéns, pola foto presentada baixo o tíulo: Esfollando millo. Así, decidiuno o xurado do certame convocado polo Centro de Información á Muller, dependente do Concello de Negreira, que mostran a súa “satisfacción” pola elevada participación.

Noraboa a Lidia e a Alba por selas gañadoras dun concurso e polo que recibirán un premio consistente nun vale por valor de 100 euros, respectivamente, para compras no comercio de Negreira.

As fotografías debían ter, polo menos, a unha muller como protagonista, con especial atención a aquelas fotografías que plasmen as actividades de agricultura e gandería ou que se enmarquen no ámbito rural.

Con este concurso búscase reinvidicar o papel fundamental das mulleres no rural.

Ás veces só tes que querer ver o que tes ao redor para facer un cambio substancial na sociedade. Os maiores convértense nos ninguén, os ningúns e en ocasións, os ninguneados. E máis, se nos adentramos en maiores de 60 anos que requiren de tratamentos especializados. É por iso, que o Concello de Negreira achegou o seu gran de area, xerando un espazo de envellecemento activo no que a prevención e a intervención directa son obxectivos prioritarios. Durante catro tardes á semana, realízanse implementacións en áreas cognitivas, físicas, de actitudes cara á vida e de integración comunitaria.

As persoas de Negreira que vexan necesidades no seu núcleo familiar ou veciñal poden dirixirse a Chus Cao (coordinadora do proxecto) para avaliar o caso e ver as posibilidades de traballo. O procedemento é o seguinte: Avaliación do caso; observación de debilidades e fortalezas; análises da súa posible inclusión no programa e de ser efectivo, realización dun programa individualizado onde se pechen días, horas e tipo de actuación.

A día de hoxe, intervense en diferentes casuísticas e con variación de grao. Algúns obxectivos que se traballan son os seguintes:

- Recuperación e/o mantemento da perda progresiva de memoria.

- Mellora das dificultades motoras: alteración da execución motora ou apraxia, dificultade para a correcta execución de determinados movementos, rehabilitación da precisión e secuencia.

- Evocación de esquecementos daquilo que acaba de suceder.

- Reforzar a capacidade para planificar: integrar e coordinar distintas capacidades cognitivas para poder desenvolverse adecuada e independentemente na vida cotiá.

- Xestión emocional.

Segundo se comprometeu o presidente da Deputación da Coruña, Valentín González Formoso, co alcalde de Negreira, Manuel Ángel Leis Míguez, a Deputación da Coruña avanza cara unha mellora considerable das condicións de seguridade na estrada provincial DP 5602, de Negreira a Pontenafonso, mediante o estudo e alternativas para unha nova ponte no lugar de Barbazán.

Así, este mércores 25 de outubro, visitou a zona en cuestión, a deputada de Vías e Obras, Mónica Rodríguez, acompañada polo alcalde negreirés e persoal técnico do departamento provincial de estradas e do equipo encargado da redacción do proxecto para supervisar a zona da ponte de Barbanzán e coñecer in situ, as diferentes alternativas plantexadas para ampliar a estrada nesta zona, onde o vial se estreita notablemente e ocasiona un embudo.

Mónica Rodríguez lembrou que a Deputación executou nos últimos anos un investimento de máis de 2,5 millóns de euros para a ampliación e mellora da estrada nos seus primeiros oito quilómetros e pretende agora “completar o traballo eliminado o estreito paso da ponte sobre o río Corzán para que o vial teña neste tramo as mesmas características de anchura e seguridade que no resto”.

“Estamos valorando a mellor opción posible desde o punto de vista técnico e económico co equipo redactor do proxecto. O noso obxectivo é completar a actuación cunha mellora integral da seguridade ao longo de todo o vial, para o que é preciso construir unha nova ponte”, segundo sinalou a deputada provincial responsable de Vías e Obras na súa visita a Negreira..

O Concello de Negreira abre hoxe o prazo de presentación de traballos que opten ao XIII Concurso “Loita contra a violencia de xénero”, no que a través do Centro de Información á Muller (CIM), a mocidade menor de 18 anos pode entregálos ata o xoves 16 de novembro de 2023. Os traballos poden ser escritos tanto en galego como en castelán con tres modalidades: relatos curtos; cartaces gráficos e curtametraxes.

A temática das pezas será a loita contra a violencia de xénero en todas as súas manifestacións: física; psicolóxica; sexual; económica, ou estrutural; así como os efectos e consecuencias da mesma en todas as persoas que a sofren.

As persoas que resulten gañadoras recibirán un vale agasallo por importe de 100 euros a utilizar nalgún comercio de Negreira. Os traballos deben ser entregados no Centro de Información á Muller, facendo constar o nome, dirección e teléfono de contacto. Deben ser traballos inéditos e non premiados noutros certames.

Datos adxuntos:

- https://www.concellodenegreira.gal/index.php/gl/administracion/publicacions-oficiais/3318-bases-concurso-loita-contra

Con motivo da XLII Carreira Internacional “A Clásica” de Negreira, este domingo día 5 de novembro, infórmase á cidadanía e visitantes, dos cortes e rúas con limitacións pola celebración do evento, así como as zonas onde quedará prohibido estacionar dende a tarde do sábado.

A principal recomendación é non intentar acceder con coches ao centro urbano o domingo, a partir das 09:30 horas. Se o fan, eviten as zonas afectadas para non sufrir longas esperas. Para os residentes no centro de Negreira, a recomendación é non usar o coche e se precisan desprazarse por traballo e outras razóns, fágano antes das 09:30 horas.

A qué horas?

O circuito homologado de 5.000 metros para as carreiras de adultos 5K e 10K permanecerá pechado ao tráfico entre as 10:00 e as 13:00 horas.

Zonas afectadas

Con saída da rúa de Castelao, continúa polo instituto Xulián Magariños, parte alta de Rosalía de Castro, avenida das Brañas, rotonda de Ceilán –só un carril-, Pedra Mámoa, Cobas, parque empresarial, avenida de Barcala, rúa da Cachurra, rúa do Carme e chegada de novo a rúa de Castelao.

Rúas cortadas

Totalmente cortadas estarán a rúa do Carme, a rúa de Castelao e maila contorna do instituto Xulián Magariños.

Prohibido aparcar

Dende a tarde do sábado día 4 non se poderá estacionar na rúa de Castelao, na rúa do Carme, e maila marxe esquerda da rúa da Cachurra e a contorna do IES Xulián Magariños.

Entradas a Negreira

Estarán afectadas polas carreiras 5K e 10K, a partir das 09:45 horas, a entrada dende A Baña e a Variante –rotonda de Ceilán-, a través da avenida das Brañas, e maila avenida de Barcala dende a intersección do parque empresarial de Cobas.

Zonas libres

Totalmente libres ao tráfico permanecerán as entradas polas estradas provinciais do Marco do Cornado, Pontenafonso e Urdilde –zona do campo da feira-, e maila avenida de Santiago. Neste caso, estará prohibido o xiro á dereita de subida pola rúa Fonte do Carme, desde a rotonda da fonte das vacas, polo que recoméndase aos condutores non intentar acceder ao centro urbano por esa zona.

Convocada a Corporación municipal de Negreira a unha sesión ordinaria do Pleno, a celebrarse o luns, día 13 de novembro de 2023, ás 20:00 horas, no Salón de Plenos da Casa do Concello e con arranxo á seguinte Orde do día:

Primeiro.- Dar conta dos Decretos de Alcaldía emitidos dende o último Pleno Ordinario: do nº 259/2023 ó nº 312/2023, ambos inclusive.

Segundo.- Adhesión, se procede, ao Plan xeral de prevención de riscos e medidas anti-fraude da Deputación Provincial da Coruña (PREMADECOR).

Terceiro.- Aprobación provisional, se procede, da modificación das tarifas dos servizos municipais de abastecemento de auga potable e depuración de augas residuais.

Cuarto.- Rogos e Preguntas.

O Concello de Negreira está acometendo unha nova fase da renovación do alumeado público na avenida de Santiago, con financiación ao 100% do Fondo de Compensación Ambiental a través da Vicepresidencia Segunda e Consellería de Presidencia, Xustiza e Deportes, da Xunta de Galicia.

O montante de adxudicación ascende a 49.100 € e resultou adxudicataria do contrato a firma Hallmann Energie SL. O presente proxecto inclúe a instalación de 10 puntos de luz con tecnoloxía LED de tipo ambiental, entre a rotonda da propia avenida e maila ponte sobre o regato de Duomes.

Os novos puntos de luz, de aceiro inoxidable, teñen unha altura de 5,35 metros e está previsto a retirada dos antigos puntos de luz e as súas cimentacións ao longo do treito en renovación.

O Concello de Negreira facilitará a conciliación familiar e laboral durante as festas co seu programa Concilia Nadal lúdico, os días 22, 26, 27, 28 e 29 de decembro de 2023, e do 2 ao 5 de xaneiro de 2024. A iniciativa, que xestiona o Centro de Información á Muller, está dirixida a idades de 3 a 12 anos e o horario da actividade será de: 08:30 a 14.30 horas e desenvolverase no Centro Sociocultural.

As inscricións deben formalizarse presencialmente no Centro de Información á Muller (CIM), do 14 ao 24 de novembro e para maior información poden chamar aos números: 981 886 320 ou 881 035 154.

É requisito indispensable estar empadroados en Negreira.

Negreira adianta a chegada oficial do Nadal coa celebración do seu tradicional Mercado de Nadal, este ano coa novidade de que estará instalado no pavillón do colexio O Coto. Agárdavos unha ampla variedade de artesanía, agasallos para estas festas, xogos, ou un espazo propio para alimentación e bebidas. E inauguramos o Nadal en Negreira, o sábado tarde-noite, coa actuación da escola de Latexo Percusión.

Para a rapazada haberá un inchable e obradoiros de Nadal gratuítos e, dentro da oferta do mercado: lámparas de cera; libros, mangas e cómic; produtos ecolóxicos; xoias botánicas; amigurumis deseñados exclusivamente para o noso mercado; esculturas de alambre; complementos en coiro e textil; madeira grabada; xoguetes…

Este ano no Mercado de Nadal tamén incluímos unha serie de postos solidarios de asociacións de Negreira para recadar fondos.

Programación

Venres 8 de decembro

12:00 - Inauguración

18:00 – Actuación do mago Charlie Brown

19:00 – Xogos con premio especial

19.30 – Actuación musical grupo D-3

Sábado 9 de decembro

12:00 – Actuación do grupo infantil da Escola Municipal de Pandeireta

18:00 – Actuación de baile Veiga do Cotón

18:30 – Patinada a ritmo de panxoliñas

20:00 – Batucada coa escola de Latexo Percusión

21:00 – Peche do mercado e acendido da iluminación de Nadal, na rúa

Domingo 10 de decembro

12:00 – Actuación do grupo de adultos da Escola Municipal de Pandeireta

13:00 – Pandereteiras e gaiteiros de Avania

17:00 – Actuación de Os Garuleiros

18:00 – Peche do mercado