O torneo federado correspondente ao circuito "FF Raquet Sport" está organizado polo Concello de Negreira e o Club de Tenis Negreira. Con máis de 60 participantes repartidos nas categorías: Absoluto masculino; +35 e +55 masculino, así como benxamín e alevín feminino, desenvolverase dende hoxe luns 12 ata o 18 de abril, día no que se disputarán as finais. Este torneo da continuidade á iniciativa do Concello pola promoción do deporte da raqueta, consistente na creación do circuito composto por cinco torneos anuais que este ano viuse interrompido pola pandemia.

O torneo conta con todos os protocolos Covid19 da RFGT para a total seguridade dos participantes cumplindo con rigurosidade todas as recomendacións sanitarias.

En canto os tenistas cabe salientar a presenza do pontevedrés Iago Domínguez, número 186 de España como cabeza de serie numero 1 e tamén ao xogador amiense, Saúl Berdullas, número 260 do ranking nacional como cabeza de serie numero 2.

A pesar de que o torneo non ten premios en metálico, este ano volvemos a contar con xogadores de toda Galicia, procedentes de lugares como Nigrán, Pontevedra, A Coruña... que fan do torneo un bo escaparate do talento dos novos valores do tenis autonómico.

Os concellos de Negreira e Val do Dubra veñen de asinar un convenio de colaboración para compartir os servizos que ofrece a Unidade de Atención Temperá, financiada pola Xunta de Galicia, e que polo tanto supón un aforro en gasto para os dous concellos. Este convenio permanecerá activo até o vindeiro 31 de outubro.

No acto de sinatura participaron os respectivos alcaldes, Manuel Ángel Leis Míguez e José Manuel Varela Ferreiro, así como as concelleiras de Servizos Sociais, María del Mar García e Rosa Parafita Romero, respectivamente.

Trátase dunha boa nova para os dous municipios xa que esta unidade facilita aos nenos e nenas de 0 a 6 anos, e as súas familias, unha actuación transversal para o seu progreso continuado, flexible e contextualizado. Está integrada por: pedagogos, psicólogos; logopedas; fisioterapeutas ou terapeutas ocupacionais, a través dun traballo de diagnose e valoración dos trastornos de desenvolvemento dos nenos/as para a mellora psicomotora, cognitiva e de comunicación.

No caso de Negreira, a súa actividade desenvolvese nas instalacións municipais da rúa de Castelao. Os luns, martes e mércores, de 9:00 a 14:00 horas; e os martes e mércores, de 15:00 a 18:00 horas.

O Bono Social Eléctrico protexe aos consumidores máis vulnerábeis con descontos notables na factura da luz. Debido á situación na que nos atopamos actualmente, esta medida esténdese a persoas en situación de ERTE, paro, redución de xornada laboral, ademais de empresarios e autónomos.

O Bono Social é un desconto que varía segundo a situación de cada abonado. O desconto aplicado é dun 25% ata un 40% sobre a factura total. Esta porcentaxe pode ser aínda maior dependendo de diversas situacións máis coma o risco de exclusión social.

Por motivos da Covid-19, o Goberno de España amplía a categoría de consumidor vulnerable a persoas en situación de ERTE e paro, que padezan unha redución da súa xornada laboral, ademais do colectivo de empresarios e autónomos.

- Hai que ser titular da subministración eléctrica contratada na residencia habitual.

- Ter contratado o PVPC, é dicir, o Prezo Voluntario para o Pequeno Consumidor.

 - Ser considerado consumidor vulnerable ou vulnerable severo (familia numerosa ou monoparental, pensionista, vítima do terrorismo ou da violencia de xénero, un membro da unidade familiar con discapacidade igual ou maior ao 33%, etc).

 - Non superar o consumo máximo de 345 kWh mensual e o 4.140 kWh anual.

Para máis información sobre esta axuda e outras:

Bono social - https://www.companias-de-luz.com/el-bono-social/

Bono social telefónico -

Co ánimo de axudar ás familias durante a pandemia do coronavirus, e de cara a promocionar o deporte e a cultura; tomouse a decisión de non pasar ó cobro a segunda cota das Escolas Deportivas e Culturais Municipais neste segundo trimestre de 2021.

Deste xeito, todas as persoas que estean anotadas nas referidas actividades municipais non terán que facer fronte o segundo pago das actividades que se extenderán até o 29 de maio de 2021.

A Delegación de Cultura e Deportes, seguirá aplicando todos os protocolos preventivos marcados pola Xunta de Galicia, demostrando que son seguros e necesarios.

Conscientes dos beneficios destas actividades, o Concello de Negreira anima a toda a veciñanza a seguir facendo deporte, ben sexa ao aire libre, interior, ou realizando as actividades culturais que mais lle gusten, sempre con #sentidiño.

O alcalde de Negreira, Manuel Ángel Leis Míguez, comunica á veciñanza os principais cambios nas restricións da pandemia sanitaria tralos últimos acordos do comité clínico que asesora á Xunta de Galicia e que foron tomados este pasado martes e que entran en vigor na medianoite do venres 16 de abril.

Os traballos executados polo Concello de Negreira supuxeron un investimento de 192.000 euros para a construción dunha nova rede separativa de pluviais e saneamento e a reurbanización desta céntrica rúa, dentro do Plan de Humanización das principais rúas da vila, grazas á aportación con fondos do Plan Único da Deputación da Coruña. O seu presidente, Valentín González Formoso e mailo alcalde, Manuel Ángel Leis, supervisaron as obras completadas nas avenidas das Brañas e Barcala

Os traballos en Teresa Fabeiro, recentemente rematados, supuxeron un investimento de 191.906 euros, dos que o 80% (153.525 €) foron achegados pola Deputación e “servirán para evitar as inundacións que se producían cada inverno en sotos, garaxes e baixos comerciais e que afectaban a outras rúas adxacentes coma a rúa Rosalía de Castro ou a rúa de Castelao, así como para eliminar o retorno de augas fecais que afectaba ao CEIP O Coto debido ao exceso de caudal e a aos continuos atascos que se producían na anterior rede de saneamento”, segundo explicou o rexedor, quen agradeceu ao presidente que atendera esta antiga demanda da veciñanza.

As obras consistiron na construción dunha nova rede separativa de pluviais, que discorre ao longo de toda a rúa polas dúas marxes e que está dimensionada para evitar a carga excesiva que colapsaba a antiga rede, sobre todo das escorrentías da praza das Brañas, facilitando un mellor rendemento da depuradora e beneficiando tanto aos veciños da zona coma as instalacións educativas. Os traballos incluiron tamén a reurbanización da zona, o reasfaltado da rúa e o pintado das marcas viais, pasos de peóns e demáis sinalética.

Melloras na vila e no rural

Valentín González e Manuel Ángel Leis visitaron tamén os traballos que pavimentación que acaban de rematar nas avenidas das Brañas e da Barcala, que supuxeron un investimento de 187.741, 51 euros financiados con cargo ao Plan Único (POS+2019). As obras permitiron renovar o firme destas céntricas rúas cunha capa de aglomerado en quente de 6 cm de espesor e rego de adherencia, o que mellora notablemente a seguridade do tráfico.

O alcalde de Negreira anunciou ademáis que a vindeira semana empezarán tamén as obra de pavimentación da avenida de Santiago, cun investimento de 150.000 euros incluido no POS+2020 e un prazo de execución dun mes. González Formoso destacou “a importante contribución que o Plan Único supón para mellorar os servizos e infraestruturas municipais”.

A Deputación da Coruña, no marco do Plan de Emprego Local, ven de publicar as bases reguladoras do PEL-Reactiva: Programa Específico de Apoio á Hostalaría e Axencias de viaxes, consistente en axudas directas de 1.500 euros a microempresas e persoas traballadoras autónomas que cumpran, entre outros, os seguintes requisitos:

- Figuren dadas de alta no IAE, con anterioridade ao 1 de xaneiro de 2021, en calquera dos epígrafes das agrupacións 67 (bares e restaurantes), 68 (hospedaxe), Grupo 755 (axencias de viaxe) e epígrafe 969.1 (salas de festa e discotecas)

- Teñan o seu domicilio fiscal nun concello da provincia da Coruña con menos de 50.000 habitantes

- Non resultaran beneficiarias das axudas PEL-Reactiva: Fondo de financiamento para a reactivación económica e social da provincia da Coruña.

As bases poden consultarse no Boletín Oficial da Provincia (BOP), nº 72 do día 20 de abril de 2021 ou a través da seguinte ligazón:

O prazo de presentación de solicitudes permanecerá aberto desde o vindeiro 3 de maio, ás 08.00 horas e ata o esgotamento do crédito dispoñible, que é dun total de 9 millóns de euros.

As solicitudes presentaranse de xeito telemático, a través da aplicación SUBTeL: https://sede.dacoruna.gal/subtel/

Lembrámoslle que na web https://pel.gal/ e no facebook https://www.facebook.com/PlanEmpregoLocal pode consultar a información actualizada sobre as distintas liñas do Plan de Emprego Local.

A Axencia de Doazón de Órganos e Sangue (ADOS) achega unha das súas unidades móbiles a Negreira, o venres día 30 de abril. Dita unidade permanecerá estacionada diante do Centro de Saúde, na rúa de Castelao, en horario de 16:00 a 21:00 horas.

Para doar sangue hai que almorzar e despois de xantar, agardar dúas horas. E se tes máis de 18 anos e pesas máis de 50 quilos, só precisas 10 minutos da túa vida para salvar a doutros.

Lembramos á cidadanía que é recomendable solicitar cita previa para doar, no número de teléfono: 900 100 828

#sumateaonosoequipo

Dentro do Programa Operativo FSE Galicia 2014-2020 "O FSE inviste no teu futuro", os Concellos de Negreira e de Val do Dubra, comparten unha Unidade de Atención Temperá Integral que ten coma obxectivo promover a igualdade, a saúde e a inclusión social mediante un conxunto de intervencións dirixidas á poboación infantil de 0 a 6 anos con trastornos do desenvolvemento ou en risco de padecelos, a súa familia e contorna, co fin de facilitar a súa autonomía persoal e a dita inclusión.

A través dun expediente de modificación de crédito, achéganse 25 millóns de euros aos 64.600.000 € iniciais e inclúense tamén 200.000 euros para incrementar as políticas de igualdade. A Deputación da Coruña reforza así, o seu papel de principal garante dos concellos da provincia para superar esta etapa de crise económica derivada da pandemia sanitaria da covid-19.

Os concellos contarán así cun aumento dos fondos e verán incrementados os fondos que reciben a través do POS+ da Deputación da Coruña despois de que o pleno deste 30 de abril aprobara o modificativo de crédito polo que pasa a contar cun orzamento de de 89.600 €, ao sumar 25 millóns aos 64.600.000 € iniciais.

O Plan Único de Concellos deste ano 2021 xa incluía 14 millóns destinados a usos de carácter social para paliar as urxencias orixinadas pola crise provocada pola pandemia. No caso de Negreira, a Deputación vai destinar 313.731 euros a maiores para mellorar infraestructuras viarias na zona rural. Con este importe engadido, o Concello de Negreira suma unha achega total de 984.513,91 euros a través do Plan Único POS+ 2021.

No eido social, o Plan Único aporta a Negreira a cantidade de 175.689 euros para facer fronte ás necesidades de gasto social xa que se viu incrementado a consecuencia da crise.

O presidente da Deputación, Valentín González Formoso, destacou a utilidade do plan para mellorar as infarestructuras e servizos dos 93 municipios da provincia, así como para atender as necesidades no eido social derivadas da pandemia da Covid-19. "Con esta achega extraordinaria que aprobamos por unanimidade no pleno, o Plan Único alcanza de novo os 90 millóns de euros este ano, unha cifra moi importante que representa case a metade do orzamento anual da Deputación e que vai a axudar á recuperación económica da provincia e á creación de actividade económica e emprego", afirmou González Formoso.