O Club Ciclista Negreira en colaboración co Concello de Negreira, a Federación Galega de Ciclismo ou a Dirección Xeral de Tráfico da Garda Civil, entre outros, promove a Marcha Cicloturista en  homenaxe a Jesús José Mancebo Rojo, veciño e gran apaisoado do ciclismo quen faleceu o pasado día 1 de setembro a consecuencia dun accidente mortal en Brandomil (Zas), mentras practicaba a súa afección.

A marcha de 41 quilómetros, Negreira-Brandomil-Negreira, sairá ás 10:30 horas do domingo 20 de novembro dende a Praza das Brañas, lugar onde se leerá un manifesto a favor do respeto ós ciclistas e baixo lema"Non máis mortes de ciclistas. ¡Basta xa!”. Unha vez chegados a Brandomil depositarase un ramo de flores en memoria de Jesús Mancebo por parte dos ciclistas máis novos do clube.

Tódolos interesados/as que queiran anotarse poderano facer desde o mércores día 26 de outubro e ata o mesmo día da marcha, a través da nosa web: www.concellodenegreira.gal. Os corredores federados deberán indicar o seu número de rexistro. O resto estarán cubertos polo seguro da Federación Galega de Ciclismo. 

Máis información 

A campaña do Centro de Transfusión de Galicia ¨O teu sangue é vida. Compártea¨, chega á vila de Negreira o mércores día 2 de novembro co desprazamento dunha unidade móbil que permanecerá estacionada diante do Centro de Saúde, na rúa de Castelao.

O horario de doazóns será de 9:30 ás 14:30 e dende as 16:00 ás 21:00 horas. É necesario levar a tarxeta de doador, ou o DNI ou documento similar.

O Salón de Plenos da Casa do Concello acolleu hoxe a entrega de diplomas a unha nova promoción de alumnado do Servizo de Mediación do Instituto Xulián Magariños, nun acto presidido polo alcalde, Jorge Tuñas Caamaño e no que tamén participou o director do IES, Adelino Pose Reino, así como as profesoras Begoña Cortés e Kety Lois, do Departamento de Orientación.

O Instituto Xulián Magariños leva co presente curso un total de sete formando alumnado mediador. Esta promoción pertence ao curso 2015-2016 e está formada por 22 alumnas/os de Segundo Curso da ESO que cada quince días manteñen unha xuntanza para analizar calquera situación conflictiva que poida darse no centro. 

A Escola Municipal de Teatro presenta ¨Museo animado do terror¨, na noite do luns 31 de outubro, na entrada ó Centro Sociocultural, de 20:30 a 22:00 horas, para idades a partir dos 13 anos. Baixo a dirección de Sandra Lesta.

Morrerás de medo!

Na noite de defuntos vén a recoñecer ós teus monstros preferidos, e a revivir as esceas do terror máis tradicional no museo ambulante da EMT no Hall do Centro Sociocultural, con acceso por A Restreva.  

A Asociación micolóxica Sendeiriña ¨Nicraria Tamara¨ programou un ano máis, o seu Outono micolóxico can este 2016 vai pola súa oitava edición, xunto coa decimo cuarta Semana Micolóxica Galega, coa colaboración do Concello de Negreira.

Conferencias

Xoves 3 de novembro: 20:30 horas con Jaime Blanco-Díos “Especies novas para a ciencia e ameazadas en Europa encontradas en Galicia”.

Venres 4 de novembro: 20:30 horas con Puri Lorenzo  “Identificando boletais”

As conferencias terán lugar na Casa da Cultura, no 1º andar (ó lado da Biblioteca).

Exposición

Domingo 13 de novembro, de 11:00 a 14:00 horas (Auditorio Casa da Cultura), na Carreira de San Mauro.

Saídas

Sábados 5 e 12 de novembro: Ás 10:00 horas dende diante da Casa da Cultura. Consultar máis saídas no blog de Sendeiriña.

Luns micolóxicos

Tódolos luns dende o 3 de outubro ó 5 de decembro, identificación de especies e obradoiro de microscopia micolóxica.

Sendeiriña PRIX

Concurso de procura de cogomelos. Consultar as bases no blog da Asociación.

Por último, haberá a tradicional cea-degustación de cogomelos (previa inscrición), o sábado día 10 de decembro, no restaurante O Rueiro, en Vilaserío. 

As obras a realizar foron o arreglo das seguintes pistas municipais:

Camino de Pesadoira.

Camino de Cornado a Santa Comba

Camino entre Marcelle y Casal do Mato

Dende o mes de outubro e ata o mes de decembro, a Fundación Protección Discapacitados Psíquicos Comarca de Barcala ten en marcha un programa de socioterapia, financiado pola Deputación da Coruña cun investimento de 2.996 euros do cal beneficianse os dazaséis usuarios/as do seu Centro Ocupacional.

Este proxecto inclúe as actividades de baile e teatro para os/as usuarios/as da entidade, e é impartido por persoal cualificado en cada unha das dúas actividades. O obxectivo xeral ó o  incrementar a interacción dos usuarios co entorno e potenciar a súa autonomía e benestar tanto físico como emocional.

Os obxectivos específicos son os seguintes:

•       Mellorar o benestar físico.

•       Incrementar a autoestima

•       Desenvolver a capacidade expresiva

•       Devenvolver a capacidade comunicativa  a  nivel emocional

•       Favorecer o traballo en grupo

•       Mellorar a orientación espacial e postura corporal

•       Mellorar o equilibrio e a lateralidade

•       Mellorar o estado de ánimo e a tolerancia ao estrés

O  proxecto realízase dentro do horario do Centro Ocupacional. A actividade de baile é os luns e mércores, na entrada ó Centro Sociocultural, sendo impartido polo Centro de Estudos Tambre, mentras que a actividade de teatro é tódolos martes, no Auditorio do Centro Sociocultural, e impartido por Sandra Lesta, directora da Escola Municipal de Teatro.                       

 O Servizo de Voluntariado social do Concello de Negreira organiza un curso gratuíto de inglés para adultos os mércores de sete a oito dá tarde. Dará comezo o día dous de novembro e as prazas son limitadas.

Para máis información os interesados poden dirixirse o Servizo de Voluntariado Social na planta baixa do concello ou chamar o teléfono 664 074 674.

O Auditorio do Centro Sociocultural acollerá este domingo 6 de novembro, ás 21:00 horas, o espectáculo Menú da Fala, con Carlos Blanco e Luis Davila, dentro dun ciclo que inclúe unha ducia de actuacións en concellos da provincia e que financia a Deputación da Coruña.

As entradas son de balde e pódense retirar desde hoxe na Delegación de Cultura, na primeira pranta da Casa da Cultura. Tralo éxito de público que o actor Carlos Blanco tivo o pasado venres nas dúas funcións do seu monólogo, e que supuso o colofón a un mes de outubro cheo de actividad eco cuarto Ciclo de monólogos do Concello de Negreira, agora chega con este outro formato de humor.

Hoxe foi asinado na Casa do Concello, o convenio de colaboración entre a Fundación Mª Esperanza Rubido Romero e maila Fundación de Discapacitados Psíquicos da Comarca de Barcala mediante o cal, a Fundación Mª Esperanza Rubido Romero concede unha subvención de 10.000 euros para levar a cabo o Programa ¨Mellora do benestar persoal e social¨, entre os usuarios/as do Centro Ocupacional.

Este programa leva funcionando dende o pasado dia 1 de xullo ata o 31 de decembro de 2016. Na sinatura participaron o alcalde do Concello de Negreira, Jorge Tuñas Caamaño, en calidade de presidente da Fundación de Discapacitados Psíquicos da Comarca de Barcala, e Filomena Casal, presidenta do Padroado da Fundación Mª Esperanza Rubido Romero.

Os obxectivos xerais do programa son: Desenvolver as habilidades emocionais; mellorar as relacións interpersoais, e aumentar a autonomía persoal dos usuarios da Fundación.

As áreas de traballo son:

- Área de vida no fogar pola cal realizanse as seguintes actividades: Nutrición; planificación e elaboración de comidas; manexo dos cartos e compra de alimentos.

- Área de educación emocional: Trabállase a conciencia emocional; a autoestima; a empatía; a resolución de conflictos e maila  educación afectivo sexual.

- Área de vida na comunidade: Planificación de itinerarios; horarios de transporte; prezos; realización de visitas a lugares de interés turístico (saída ao centro comercial As Cancelas, visita turística a Negreira, a Bertamiráns e A Ponte Maceira).

- Área de integración na comunidade: Visita ao Punto Limpo; uso do Centro Sociocultural e uso do Auditorio para a visualización de películas.

- Área de formación laboral: Técnicas de búsquedas de emprego e charla da Orientadora laboral do Concello de Negreira.