O Concello de Negreira prepárase para recibir o xoves 5 de xaneiro as Súas Maxestades os Reis de Oriente, cunha Cabalgada polas rúas da Vila e recepción na Casa do Concello as 18:00 h. Unha vez feito o discurso no balcón consistorial, por parte do rei Melchor, o acto rematará no Pavillón do C.E.I.P. O Coto en torno as 19:00 h., onde os nenos poderán recoller un agasallo de mans dos Reis Magos.

Tamén se fará entrega dos premios ós mellores escaparates e do Concurso de Carteis de Nadal,  que este ano foi para os nenos e nenas da clase de infantil de 3 anos C do CEIP O Coto.

Percorrido da Cabalgada 2016.

A comitiva real percorrerá as rúas de Negreira, para que todos os nenos poidan ver as súas maxestades nas carrozas que se están a preparar para ese día. Sairá do campo da feira ás 17:00 h. para despois percorrer a Carreira de San Mauro, Avda. de Santiago, Fonte do Carmen, Camiño Vello, Cachurra e rematar na rúa do Carmen (Casa do Concello). Dende ahí trasladarase o pavillón do colexio pola rúa de Castelao e Rosalía de Castro.

En caso de choiva, suspenderíase o desfile e todo o acto trasladaríase ó pavillón do CEIP O Coto a partir das 18:00 h.

Para ver o mapa do Percorrido pincha

No presente mes de xaneiro ponse en marcha por segundo ano, o programa Psicomotricidade educativa preventiva, na Escola Municipal Infantil, financiado polo Concello de Negreira e que corre a cargo do persoal da empresa Medrando Xuntos S. C. P.

Este programa está dirixido ós nenos/as do terceiro ano de Educación Infantil. O desenrolo psicomotor dos nenos/as nesta etapa madurativa é un obxectivo fundamental, pois condiciona tódalas aprendizaxes preescolares e escolares que se adquiren a posteriori.

Ata os 6/7 anos hai que contemplar ós nenos/as como seres globales, osea, as aprendizaxes cognitivas, afectivas, e motrices están vinculadas, sendo o movemento e a acción (expresividade motríz) os medios empregados polo neno/a para madurar, aprender, coñecerse, coñecer o contorno, asegurarse dos seus medos, expresase….

A psicomotricidade polo tanto non está dirixida só á adquisición de destrezas motrices, senón que tamén favorece os procesos psicolóxicos que acontecen nesta etapa, que están nas bases da adquisición da identidade, da personalidade, autoestima, seguridade emocional, creatividade, capacidade empática, tolerancia a frustración….

O neno poderá expresarse, experimenta e aprender grazas a:

1.Un clima de xogo libre,

2.un espazo diseñado (con material específico para este traballo), organizado e pensado para a expresividade motríz dos nenos/as,

3.un adulto que respeta á individualidade de cada quen e que potencia as sáus fortalezas,

4.Unha axeitada lectura da expresividade motríz de cada neno/a,…

A emoción que espertou o curso pasado este traballo nos nenos/as que asistían, din dende a empresa que é indicador «sen lugar a dúbidas, do importante sentido que ten para eles», ademáis de mostrar a nivel pedagóxico «a trascendencia destas experiencias que se viven na sala de psicomotricidade para a sana evolución dos nenos/as», precisaron.

A campaña de inverno para rapaces e rapazas nados entre os anos 2002 e 2006 residentes en calquera municipio da provincia, xa está en marcha por parte da Deputación da Coruña. Os participantes gozarán de cinco días na estación invernal de Leitariegos (León), ademáis de participar en cursos de esquí.

As inscricións pódense formalizar ata o día 23 de xaneiro na Delegación de Cultura e Deportes. A campaña desenvolverase desde o 19 de febreiro ao 31 de marzo, e a quenda que lle corresponde a o noso concello é a que vai dende o 19 ó 24 de marzo. A Negreira se lle adxudican 4 prazas.

As viaxes teñen un custe por participante de 95 euros e inclúen transporte, estadía de cinco días en Leitariegos, clases de esquí, monitores, seguro, alugamento de material, remontes mecánicos e todo o gasto que ocasionen as actividades e cursos programados.

A estación invernal de Leitariegos sitúase no noroeste da provincia de León, na comarca de Laciana, nun excepcional paraxe natural reserva da Biosfera que limita co Principado de Asturias, e conta con 10 pistas balizadas de distintos niveis (5 vermellas, 4 azuis e unha verde) e un snowpark, así como unha escola na que se ofrecen clases de esquí e snwoboard.

Entre tódolos nenos/as participantes na Cabalgada dos Reis Magos efectuouse este martes un sorteo en directo de agasallos en Radio Negreira co seguinte resultado:

1) Equipo de son para karaoke – Dylenia Coria Crego

2) Un MP3 – Aroa Pousada Iglesias

3) Lote de libros – Laura Vieites Ferreiro

Noraboa ás afortunadas e moitas grazas pola colaboración prestada ás 52 persoas que colaboraron na Cabagalda de Reis 2017 do Concello de Negreira. 

O Concello de Negreiraencargouunhaanálise das augas que verte a Fonte de Vilachán, a máis usada polos veciños e veciñas da capital municipal e arredores, de cara a coñecer si os seus parámetros son os adecuados para o consumo das persoas, dada a gran aceptación que ten o líquido que mana deste acuífero.

Está análisefeita por Laber laboratorio realizouse entre os días 22 e 23 de decembro de 2016 sobre unhamostra tomada o día 21 de decembro pasado. O informe final confirma que a auga da Fonte de Vilachán é apta para o consumo humano.

A Deputación da Coruña financia con 421.571,84 euros, a través do Plan de Acción Social (PAS), diferentes obras de humanización de espazos públicos e mellora de infraestruturas no concello de Negreira.

As obras inclúen a creación de prazas de aparcadoiro para persoas con mobilidade reducida no local social de Romarís, a colocación dunha marquesiña na parada de autobús en Bugallido, a mellora da seguridade en varias rúas do centro de Negreira, as obras de pavimentación en Maio Pequeno e no lugar de San Tomé, así como o acondicionamento de varias pistas de acceso en Gonte, en Lueiro, en A Barquiña e na parroquia de A Pena.

Outras intervencións contempladas no proxecto abarcan a impermeabilización da cuberta da azotea no Centro Sociocultural e, a renovación da instalación eléctrica no CEIP O Coto.

Levaranse a cabo tamén traballos de adaptación especial en diversas instalacións na área recreativa de Negreiroa e de fontanería e carpintería na escola infantil de Negreira. A actuación complétase coa formación dunha cuberta  na pista de pádel no Comprexo Deportivo Municipal de Pedra Mámoa.

Dous equipos do IES Xulián Magariños asisten hoxe á xornada de formación do Club de Debate 2017 no Pazo da Cultura de Pontevedra, de cara a afondar nas habilidades comunicativas para a nova edición do Club de Debate, unha actividade financiada polos nove concellos participantes, entre eles Negreira.

Na xornada de formación participan sete equipos, en total 65 estudantes de 3º e 4º de ESO e 1º de Bacharelato, de IES de Pontevedra e Negreira. Son o IES Luís Seoane, o Torrente Ballester, o Sánchez Cantón, o IES de Ponte Caldelas e mailo colexio San Narciso, de Marín, quenes participan con cadanseu equipo, mentres que o Xulián Magariños faino con dous equipos.

O curso de comunicación para os equipos do Club de Debate estará impartido por Tagen Ata, Lingua e Comunicación, no salón de actos do Pazo da Cultura, para que as mozas e os mozos que van debater o vindeiro 4 de marzo na Fase Zonal de Pontevedra vaian afacéndose ao espazo.

Durante tres horas traballarán contidos teóricos e prácticos centrados na comunicación como proceso grupal e social; o papel da voz na comunicación: ton, intensidade, ritmo; a ordenación do discurso oral; a importancia da escoita e os factores que a condicionan; a comunicación non verbal: a mirada e a xestualidade; e outros recursos que axudan a mellorar a comunicación grupal para preparar os debates.

Tres fases de zona

Na organización e celebración do Club de Debate para este curso colaboran nove concellos: Negreira; Ames; Santiago; Pontevedra; Oleiros; Ferrol; Rois; Teo e Carballo, a través do Servizos de Normalización Lingüística, e que se dividen en tres zonas con fases previas á final. Na fase da zona de Pontevedra este ano colaboran co Concello de Pontevedra, os concellos de Negreira e o de Rois, con dous equipos cada un que debaterán en Pontevedra, o sábado día 4 de marzo.

Os obxectivos do Club de Debate son: favorecer o emprego da lingua galega entre a mocidade, especialmente o uso oral en contextos formais e informais; potenciar a fluidez comunicativa ligada á oratoria; promover o pensamento crítico e analítico sobre temas de actualidade, deixando de lado os estereotipos da mocidade en canto intereses e preferencias e fomentar a diversidade de opinións, a tolerancia fronte a diferentes cuestións e o traballo en equipo.

A gran final do Club de Debate terá lugar este ano en Compostela, o vindeiro 6 de maio.

A sociedade Xestur vén de adxudicar na modalidade de dereito de superficie, unha nova parcela no Parque Empresarial de Negreira, e que cunha superficie de 1.570 metros cadrados foi adquirida por unha empresa que anteriormente, xa adquiriu outra parcela no parque e onde está edificando as súas instalacións.

O seu prezo de venda foi de máis de 108.000 euros, cun canon anual de 1.624 euros, nos dous primeiros anos, e de 2.708 no terceiro e cuarto ano, e de 3.791 a partir do quinto e sucesivos.

A modalidade de dereito de superficie permite aos adxudicatarios acceder ao chan empresarial por un periodo de trinta anos prorrogable co abono dun pequeno canon mensual e, que concentren o seu esforzo financeiro inicial na construción e equipamento de instalacións, sen que iso signifique renunciar á propiedade da parcela.

Este venres 27 de xaneiro celébrase no parque Horta do Muiño, a carón do río Tines, na Serra de Outes, a Fase Intercomarcal de campo a través escolar, do programa Xogade e, valedeira para a Fase Provincial. O noso concello parte cunha ampla representación de xóvenes corredores de categorías benxamín, alevín, infantil e cadete, pertencentes a súa meirande parte ó CEIP O Coto, ademáis da Escola Municipal de Atletismo, clasificados na Fase Comarcal celebrada o pasado día 19 deste mes na Baña.

Horarios e distancias

A retirada de dorsais poderáse facer o mesmo día dende as 11:00 horas, ou unha hora antes do comezo das probas. Os horarios son orientativos, podéndose adiantar segundo se vaian celebrando as distintas probas.

O finalizaren as carreiras, farase entrega de medallas (os 3 primeiros individuais), trofeos para os 3 primeiros equipos  e medallas para os 6 integrantes dos equipos que cheguen entre os 3 primeiros de cada categoria.

Vestiarios

Estarán a disposición de todos os participantes no Pavillón Polideportivo de Outes, a onde haberá servizo de buses para trasladalos cada 10 minutos, despois do remate de cada carreira.