O Concello de Negreira mantén aberto ata o vindeiro día 8 de maio, o prazo de entrega de traballos que optan á convocatoria dos XV Certames Cóntame un conto e Pintura infantil.

 

Certame de contos: Consta de unha categoría, de 6 a 18 anos (ambas incluidas), e as obras deberán ter unha extensión máxima de entre seis a oito carillas, con temática libre. A presentación de traballos queda limitada a unha obra por participante.

 

Certame de pintura: Consta de dúas categorías, de 6 a 12 anos e, de 13 a 18 anos. As obras poden facerse en folio, cartulina ou lienzo, preferiblemente en formato folio A3 e con temática libre. A presentación de traballos que queda limitada a unha obra por participante.

 

Unha vez feitos os traballos e debido a situación do estado de alarma polo Covid-19, débese facer unha foto ou escaneo da obra e enviala ao email: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo..

 

É importante indicar os seguintes datos: Nome e apelidos; idade; dirección e número de teléfono de contacto.

 

Os premios son os seguintes para cada unha das tres categorías que lembramos son dúas en pintura e unha en contos:

 

1º Premio de 200 euros

 

2º Premio de 100 euros

 

3º Premio de 50 euros

 

E lembra, tedes de prazo ata o día 8 de maio para remitir os vosos traballos.

 

O Concello de Negreira mantén operativo dende o inicio da crise sanitaria do Covid-19, un servizo de voluntariado de atención á cidadanía que pon a disposición das persoas maiores, dependentes e as máis vulnerables, a entrega no domicilio de alimentos, medicamentos ou produtos de primeira necesidade.

 

Para acceder ao servizo de voluntariado de atención cidadá, a veciñanza debe contactar co número de teléfono 664 074 674 (de 9:00 a 14:00 horas), ou no 673 359 936 a partir das 14:00 horas en diante. Este servizo foi posto en marcha o pasado 16 de marzo e, a diario, os voluntarios seguen garantindo ás necesidades da nosa veciñanza.

 

Asemesmo, tamén mantemos en activo o servizo de impresión de tarefas escolares e reparto a domicilio para as familias que carezan de medios para a impresión de fichas e traballos, ou mesmo acceso á rede de Internet. Os traballos deben enviarse ao enderezo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.. Débese especificar un enderezo postal e un número de teléfono de contacto e levarémoscho á casa.

 

Dende o Concello tamén se ofrece a posibilidade de entregar máscaras a aquelas persoas que teñan que desprazarse por temas sanitarios, ou causas de forza maior e, que non dispoñan deste tipo de material de protección. As persoas que precisen de máscaras deben de chamar ao número de teléfono: 673 359 936.

 

E dende o Centro de Información ás Mulleres (CIM), ofrécese un servizo de atención psicolóxica a aquelas persoas que se atopen soas no seu domicilio ou que precisen de atención nesta crise sanitaria. Dispoñen do número de teléfono: 662 370 448 e do enderezo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo. . Este servizo tamén ofrece asesoramento xurídico.

 

Servizo de pernocta

O Concello de Negreira tamén ofrece a transportistas, un servizo de pernocta para quenes desexen asearse e descansar unha noite para continuar co seu traballo diario, durante o estado de alarma polo Covid-19. As persoas interesadas deben contactar co número de teléfono: 673 359 896 en horario de 9:00 a 24:00 horas, en agradecemento ao seu traballo e debido ao peche de áreas de servizo.

 

O Concello de Negreira atendendo á situación de alerta sanitaria polo Covid-19, vese na obriga de suspender as Escolas Deportivas Municipais no curso 2019/20 que tiñan como data de remate o día 30 de abril.

 

Asemesmo, tamén se suspenden as actividades deportivas previstas para o mes de maio: A clausura das Escolas Deportivas; a Gala e o Torneo de Ximnasia Rítmica e, o Triatlón Solidario de Negreira, debido ás poucas garantías de poder levar a cabo estas actividades, o cal levounos a tomar a decisión de pospoñelo para o ano 2021 e comenzar a preparar con ilusión estos eventos xa consolidados na programación deportiva anual do noso concello.

 

Agardamos poder comezar a vindeira tempada deportiva 2020/21 no mes de setembro con certa normalidade para poder seguir promocionando o deporte de iniciación, de formación e as actividades de competición.

 

#NegreiraSairáDisto

Por segunda vez neste mes de abril, o Concello procede a tarefas de desinfección das dependencias interiores do Centro de Saúde e mailo Punto de Atención Continuada. Unha empresa especializada encárgase dos traballos para desinfectar as dependencias sanitarias a instancias do Concello de Negreira, comezando este xoves 16 polo PAC e o venres 17 pola tarde, nas dependencias da primeira pranta onde se ubican as consultas médicas e de enfermería do Centro de Saúde.

 

Novas achegas solidarias

O Concello segue a recibir doazóns de alimentos e axudas económicas para paliar as necesidades das familias máis vulnerábeis do noso municipio. As últimas achegas son unha doazón de 1.000 euros que compromete o Club de Tenis Negreira para axuda destinada a Servizos Sociais, e dous palés de leite, doados polos irmáns José Antonio e Miguel Villar, do Café Bar Fontana; e máis Cooperativas Lácteas Unidas (CLUN).

 

En nome de toda a veciñanza de Negreira, o agradecemento a tódalas persoas particulares, negocios, empresas e clubes deportivos, que ao longo desta crise sanitaria seguen mostrando o seu lado máis solidario coas entregas de material de protección e limpeza, alimentos e doazóns económicas para facer fronte ante as dificultades da poboación máis vulnerable.

 

#NegreiraSairáDisto

Diante do confinamento nas nosas casas polo estado de alarma debido á crise sanitaria da Covid-19, desde a Escola Infantil Municipal de Negreira elaboraron este vídeo no que tanto a sua directora Belén como tódalas demais profes e coidadoras (Diana, Lourdes, Irene T., Cris, Elena, Mari Carmen, Clari, Sindy, Irene V, Paula, Noelia e Fani), queren mandar unha mensaxe de ánimo e do que botan en falta aos seus pequenos e pequenas.

 

E mentres #elasquedannacasa

 

Ver vídeo

O bono social de luz está destinado ás persoas cunha situación económica complicada para poder pagar as súas facturas da luz con máis comodidade. Esta axuda ofrécea o Goberno de España para que as familias poidan beneficiarse dun desconto nos recibos de luz. As persoas que poden pedir o bono social son os consumidores vulnerables.

 

A normativa do bono social de outubro de 2017, o Real Decreto 897/2017 do 7 de outubro, indica que esta consideración outórgase a quen cumpre uns requisitos determinados en canto á súa situación familiar e o seu nivel de renda anual.

 

Máis información: https://selectra.es/energia/info/bono-social

 

O bono social térmico é unha medida proposta polo Goberno Español na que se dan axudas económicas ás persoas vulnerables e en risco de exclusión. Así, estas persoas e unidades familiares poderán facer fronte aos pagos das facturas de gas que teñan que ver coa climatización do fogar.

 

A axuda mínima do bono social térmico que determinou o Goberno serán 25 euros, pero esta contía pode verse aumentada dependendo do grao de vulnerabilidade da persoa e da Comunidade Autónoma na que estea, incrementándose ata nun 60% o valor inicial.

 

Máis información: https://preciogas.com/faq/bono-social-termico

 

O Abono Social telefónico ou de Telecomunicacións atópase dentro da Carta de Dereitos dos Usuarios dos Servizos de Telecomunicacións Electrónicas, no artigo 29, promovida por Real Decreto no ano 2009, e é un compoñente do Servizo Universal promovido polo Ministerio de Enerxía, Turismo e Axenda Dixital.

 

O Servizo Universal é un conxunto de servizos básicos de Telecomunicacións promovidos polo Goberno que se prestan a todos os usuarios que o necesiten en relación ás súas circunstancias económicas. Dentro do Servizo Universal de Telecomunicacións, o Abono Social é unha bonificación para xubilados e pensionistas na liña telefónica fixa individual que se basea en dous aspectos: a redución do 70% da cota de alta da liña fixa e do 95% do pago mensual da mesma.

 

Máis información: https://www.comparaiso.es/manuales/abono-social-telefono

O Concello de Negreira pon a disposición dos veciños unha nova web sobre información do COVID19, con resposta as dúbidas que poden existir en relación a esta pandemia no noso Concello.

 

Teléfonos de interés, medidas preventivas e actividades durante os vindeiros meses, son algunhas das repostas que podes atopar nesta páxina.

 

Unha canle para estar en contacto cos distintos departamentos municipais nesta situación de emerxencia.

 

www.negreirasairadisto.es 

Uns 150 nenos e nenas da provincia da Coruña participaron no I Torneo Provincial Xogade de Xadrez, en liña, dividido entre as categorías sub 10 e sub 14, celebrado nunha fase única o pasado sábado 18 de abril para a categoría sub 10 e no caso da sub 14 ademáis de celebrarse esta primeira fase, levouse a cabo unha fase final o domingo 19, no que se enfrontarían de maneira directa os catro primeiros clasificados da primeira fase.

 

En canto a primeira fase (na que se enfrontaban tódolos nenos contra todos (salvo os membros do mesmo equipo) na categoría sub 10 deu como resultado a seguinte clasificación:

 

1º XADREZ NEGREIRA  -  117 puntos.
2º CÍRCULO XADREZ NARÓN SUB 10  -  78 puntos.
3º PELETEIRO SUB 10  -  68 puntos.
4º ESCOLA DE XADREZ BRÉTEMA  -  68 puntos.
5º XADREZ BERTAMIRÁNS  -  61 puntos.
6º ESCOLA XADREZ COMPOSTELA SUB 10  -  50 puntos.
7º CLUB USC  -  50 puntos.
8º CLUB XADREZ ARTEIXO  -  38 puntos.
9º XADREZ OROSO SUB 10  -  33 puntos.
10º XIRIA CARBALLO  -  23 puntos.

 

A nivel individual destacar os 50 puntos de TREX-2010 (Narón), os 42 de Nico-Amado (Negreira), os 30 de Gaelinho (Bertamiráns) e os 30 de HugoDB (Negreira).

 

Respecto a categoría sub 14 como xa expresamos, procedeuse da mesma forma que na categoría sub 10 realizando unha primeira fase pero a maiores levouse a cabo unha segunda fase na que se enfrontaron os 4 primeiros equipos da primeira fase.

 

O resultado da primeira fase foi o seguinte:

 

1º BERTAMIRÁNS  -  107 puntos.
2º ESCOLA XADREZ COMPOSTELA  -  105 puntos.
3º XADREZ BRÉTEMA  -  105 puntos.
4º CLUB USC  -  94 puntos.
5º XADREZ LOUSAME  -  66 puntos.
6º CLUB XADREZ ARTEIXO  -  66 puntos.
7º XADREZ OROSO  -  52 puntos.
8º XADREZ PELETEIRO  -  41 puntos.
9º XADREZ VEDRA  -  38 puntos.

 

A nivel individual destacar os 36 puntos de Davidbrétema (Brétema), os 34 de Melonovich (USC), os 32 de Hugodomínguez (Bertamiráns), os 32 de Tonxadrez (USC), os 32 de Noelberta (Bertamiráns) e os 30 de NeryCereijo (E. X. Compostela).

 

Tras esta primeira fase enfrontáronse directamente nunha segunda, os 4 primeiros equipos, é decir, Bertamiráns, E.X. Compostela, Brétema e USC, sendo os resultados da seguinte forma:

 

 

 

CLASIFICACIÓN FINAL

 

 

MEDALLAS

 

Entregaranse unha medalla por participante, aínda que nalgúns casos incrementaranse o número de medallas, por existir un erro en lichess, no que non deixou participar a unha pequena parte de nenos.

 

 

 

O Concello de Negreira e debido a situación de alarma sanitaria polo Covid-19 e en sintonía coas medidas adoptadas coas Escolas Deportivas Municipais, da por rematada a presente campaña 2019-2020. As actividades de: Pintura e Debuxo; Teatro; Informática; Baile Tradicional; Pandeireta e Sevillanas, quedan definitivamente clausuradas a raíz da entrada en vigor do estado de alarma.

 

Tamén se suspenden o Ciclo de Teatro previsto para o mes de maio e mailo Día da Muiñeira que se ía a celebrar na primeira fin de semana do mes de xuño.

 

Torneo Ibérico

A celebración do Torneo Ibérico de fútbol veterano que se ía a disputar en Negreira no mes de xuño, tamén se ten que pospoñer para o ano 2021. Nesta edición, na que o equipo anfitrión era o Negreira Veteranos, terase que celebrar o vindeiro ano a espera de que se normalice a actividade deportiva e competitiva.

 

Os compañeiros do pais veciño Portugal, das localidades de Marinha Grande e Sércedo, envían unha mensaxe de ánimo á veciñanza de Negreira e, en particular, ao Negreira Veteranos.

A partir do luns día 11 de maio, as instalacións do Punto Limpo do Concello de Negreira reabrirán as súas portas con atención á veciñanza, e no seu horario habitual:

- Luns a xoves: 9:00 a 13:00 horas

- Venres: 9:00 a 13:00 e 17:00 a 20:30 horas

- Sábados: 9:00 a 14:00 horas

 

Será obrigado para todos os usuarios:

1.- A solicitude de cita previa, vía telefónica, a través do seguinte número de contacto: 664 042 601.

2.- Uso obrigatorio de medidas de protección individual (máscara e luvas).