O Concello de Negreira condena públicamente os actos que se están a producir últimamente nas rúas da vila, na que a maioría de propietarios de cans non recollen os escrementos das súas mascostas. Aparecen nas beirarrúas, nas baixadas dos portais, zonas verdes e plazas públicas. Recordemos que fai apenas un ano limpáronse de maneira integral todas as beirarrúas cun Obradoiro de emprego, e que en menos dunha semana, moitas volvían o seu estado anterior.

Manifestamos o noso enfado en que actos como éstes, produzan un malestar xeral entre a nosa veciñanza, xa que son realizados con total desidia, neglixencia e falta de coidado, habitualmente, polas mesmas persoas.

Queremos puntualizar dúas pautas moi importantes:

1. Ter unha mascota significa responsabilidade no seu coidado e no respeto pola vía pública, a vía de todos e todas.

2. Animamos a toda a veciñanza a denunciar este tipo de actos públicamente ou de forma anónima. Calquera tipo de proba que sexa enviada ó número de teléfono da Policía Local ou o correo do Concello de Negreira, na que se vexa á persoa propietaria causante destes tipos de actos, axudaranos a levar un maior control e seguimento.

Manteñamos Negreira limpa, sen excrementos de cans, nin restos de plásticos, cartóns, enseres ou calquera resto de lixo fora do sitio habilitado. Sexamos solidarios e loitemos por ter o noso concello o mais decente e pulcro que poidamos. E isto será así, coa axuda de todos.

A Corporación municipal de Negreira celebra o xoves, día 15 de decembro de 2022, sesión extraordinaria do Pleno, a partir das 20:00 horas, coa seguinte Orde do día:
1º.- Convalidación, se procede, do Convenio de colaboración entre os concellos de Negreira e Val do Dubra, asinado con data de 2 de novembro de 2022, para a solicitude conxunta dunha subvención á Xunta de Galicia para a xestión compartida-agrupacións de concellos do servizo de Atención Temperá no marco da Rede Galega.
2º.- Ratificación, se procede, do Decreto de Alcaldía número 274/2022, de data 10 de novembro de 2022.
3º- Aprobación inicial, se procede, da modificación orzamentaria nº 39/2022 por suplemento de crédito.
4º.- Aprobación inicial, se procede, do Plan Especial de protección, infraestruturas e dotacións do Miradoiro do Monte do Cotro.
5º.- Expediente de contratación da obra: “Renovación del alumbrado exterior público en el municipio de Negreira (A Coruña)-IDAE”.- Aprobación do expediente. (Expediente 2022/C003/000008).

A Corporación municipal prestou aprobación ó expediente de contratación da obra: Renovación del alumbrado exterior público en el municipio de Negreira-IDAE, contemplada dentro da subvención concedida en novembro de 2021 polo Instituto para la Diversificación Energética, dependente do Ministerio para la Transición Ecológica y el Reto Demográfico, e que alcanza un 80% do total da obra que foi presupostada en 2.106.863 €.

O orzamento co que sairá a licitación o que é o proxecto de maior montante adxudicado polo Concello na presente lexislatura, ascende a: 1.978.275, 62 €. Permitirá a renovación de 2.764 luminarias co seu cambio á tecnoloxía LED, ademáis dos cadros de mando. Incluirá melloras na iluminación artificial dos campos de fútbol de Cepelo e o Jesús García Calvo, das canchas de tenis e pádel, no Complexo Deportivo Municipal de Pedra Mámoa, ou na praza das Brañas.

A aprobación saiu adiante cos votos a favor dos sete concelleiros do Partido Socialista no goberno, e coa abstención dos catro concelleiros do Partido Popular, quenes sinalaron que non tiveran tempo dabondo para estudar un expediente de máis de dúas mil páxinas, de ahí, a súa abstención.

En virtude desta actuación, a auditoría enerxética que se realizou ao comezo do proceso, estima un aforro do 70 por cento da futura factura eléctrica en gasto derivado do consumo do alumeado exterior de Negreira.

Outros asuntos

O resto de asuntos foron aprobados por unanimidade. Entre eles, prestouse aprobación inicial, cun periodo de exposición pública de dous meses, ao Plan Especial de Protección, infraestructuras e dotacións do Miradoiro do Monte do Cotro, na parroquia de Campolongo, cara a dótalo dunha maior protección polo proxecto do parque eólico Banzas, en trámite para construir na súa contorna. Igualmente, deuse luz verde á modificación orzamentaria nº 39/2022 por suplemento de crédito por valor de 40.264 € para facer fronte ao pago dos atrasos polo incremento do 1,5% no salario dos empregados municipais no 2022 previsto nunha lei estatal.

Asemesmo, ratificouse, o Decreto de Alcaldía, para a convenio de colaboración coa Deputación da Coruña para executar a obra de saneamento e humanización na rúa Rosalía de Castro, cun investimento de 180.000 €. No punto primeiro, convalidouse o convenio de colaboración entre os concellos de Negreira e Val do Dubra, de data 2 de novembro de 2022, para a solicitude conxunta dunha subvención á Xunta de Galicia para a xestión compartida en agrupación de concellos, do servizo de Atención Temperá no marco da Rede Galega.

O Concello de Negreira porá en marcha no lugar de A Barquiña, unha nova edificación para o Punto de Información Turística e un centro etnográfico, en pleno trazado do Camiño de Fisterra e Muxía. O proxecto denominado: Reforma e adecuación para Punto de Información Turística e Etnográfica do Concello de Negreira, en A Barquiña, é unha obra financiada polo programa europeo Leader, cun investimento total de 87.590,69 euros, dos que 61.313,48 euros corresponden á axuda pública.

Sobre a reforma da edificación existente, unha parte vai ser destinada a sala de exposicións para exponer a cultura e tradicións de Negreira. A nova edificación será dedicada ao Punto de Información Turística, prestando especial atención aos milleiros de peregrinos que cada ano percorren o Camiño de Fisterra e Muxía dende Compostela, nunha situación privilexiada que inclúe unha zona exterior de lecer e descanso, con mesas e bancos.

O Concello de Negreira informa que por decreto de Alcaldía, autorízase a ampliación dos horarios xerais de peche dos establecementos abertos ao público, dos espectáculos públicos e das actividades recreativas, en aplicación do disposto no artigo 17 da Lei 10/2007, de 27 de decembro, de Espectáculos públicos e actividades recreativas de Galicia, en relación coa Orde de 23 de outubro de 2020.

Autorízase a ampliación de dúas horas dos horarios límite de peche establecidos para cada categoría do local; na madrugada do domingo, día 25 de decembro de 2022 e maila madrugada do día 1 de xaneiro de 2023, festividades de Nadal e Aninovo, respectivamente.

Datos adxuntos:

Pleno ordinario de xaneiro

A Corporación municipal de Negreira celebra o luns, día 9 de xaneiro de 2023, sesión ordinaria do Pleno, a partir das 20:00 horas, e coa seguinte Orde do día:

1º.- Aprobación, se procede, das actas seguintes:

- Acta da sesión ordinaria de data 11 de xullo de 2022.

- Acta da sesión ordinaria de data 12 de setembro de 2022.

- Acta da sesión extraordinaria e urxente de data 28 de setembro de 2022.

- Acta da sesión extraordinaria de data 21 de outubro de 2022.

2º.- Dar conta dos Decretos de Alcaldía emitidos dende o último Pleno Ordinario: do nº 272/2022 ó nº 306/2022, ambos inclusive.

3º.- Aprobación provisional, se procede, da modificación da Ordenanza fiscal reguladora do imposto sobre o incremento de valor dos terreos de natureza urbana.

4º.- Recoñecemento extraxudicial de créditos.

5º.- Rogos e preguntas.

A primeira sesión plenaria de 2023 comezou gardando os concelleiros e concelleiras, un minuto de silencio en memoria de quen fora alcalde do Concello en dúas etapas (1995-2007 e 2011-2013), José Blanco Pazos, quen finou o pasado 24 de decembro de 2022. Igualmente, este minuto de silencio foi tamén polo veciño José Silva Lens, atopado morto en tráxicas circunstancias tras varios días de búsqueda. O portavoz do Partido Popular, Rubén Suárez Carballo, pediu que a Corporación municipal condenase os feitos ocorridos durante o enterro de José Blanco Pazos. O mandatario, Manuel Ángel Leis Míguez, reiterou que cando lle foi trasladado o malestar polo propio Suárez Carballo, xa dixo que condenaban tales feitos “fose o ex-acalde ou fose calquera outra persoa, pois para nós non teñen ningún tipo de lóxica, nin de sentido, nin de aceptación”, indicou o rexedor.

En canto aos asuntos que formaban parte da Orde do día do pleno ordinario, deuse luz verde por unanimidade, á aprobación provisional, da modificación da Ordenanza fiscal reguladora do Imposto sobre o incremento de valor dos terreos de natureza urbana, coa exposición pública de 30 días.

O pleno municipal tamén prestou aprobación, coa abstención dos cinco concelleiros do Partido Popular, ao punto cuarto da Orde do día relativo a: Recoñecemento extraxudicial de créditos, por un importe total de 823.349 € en concepto de facturas non recoñecidas na contabilidade municipal de 2022 e que deben ser incluidas para o seu abono en 2023. O portavoz do PP, Rubén Suárez Carballo, expresou que con respecto aos exercicios de 2020 e 2021 “hai un aumento considerable do gasto, e que leva camiño do que vostedes nos criticaban en 2015”, ao tempo que criticou conceptos de gastos como en “publicidade e comunicación institucional por un importe mensual de 1.492 euros”, que segundo o alcalde, correspóndese cunha firma que edita o xornal municipal, a través dun contrato menor por doce meses.

O alcalde negreirés, Manuel Ángel Leis Míguez, subraiou en resposta ao Partido Popular, que “moitas das facturas corresponden a gastos enerxéticos como con Naturgy, ou mesmo da xestión dos residuos con Sogama”, e asegurou que os proveedores locais “están cobrando prácticamente nos prazos que marca a lei, aínda que poderían quedar algunhas facturas por esgotamento de crédito en determinadas partidas”, segundo afirmou o mandatario negreirés.

Por último, salientar que pola vía de urxencia, foi aprobada unha proposta do Goberno municipal para prorrogar a suspensión do pago de dúas taxas municipais, cuxa exención fora aprobada polo Pleno en 2021 por considerarse beneficioso para a veciñanza. Trátase das taxas pola expedición de documentos administrativos e pola licenza de apertura de establecementos ou pola actividade de control posterior daquelas actividades sometidas a comunicación previa.

Este programa de asistencia sanitaria gratuita “Coidados porta a porta”, está dirixido a persoas maiores de 55 anos que residan no noso concello e ofrece servizos de estimulación da memoria, podoloxía e audioloxía.

Van a ser catro xornadas en que a unidade móbil da Consellería de Sanidade, vai a estar no Campo da Feira: días 7, 8, 9 e 10 de febreiro.

É necesario reservar cita previa nos seguintes números de teléfono:

- 622 748 283

- 623 546 992

Servizos que oferta:

- Estimulación da memoria:Probas de valoración cognitiva, actividades de estimulación cognitiva, funcional, envellecemento activo e promoción da autonomía persoaI.

- Podoloxía: Valoración do estado dos pés, corte e limpeza de unllas, eliminación de durezas.

- Audioloxía:Exploración do oído, prevención da xordeira.

 O Concello de Negreira organiza unha Festa de Entroido para o mes de febreiro con varias novidades, en donde as orquestras e o Concurso de disfraces serán os grandes protagonistas.

O Venres 17 contaremos coa FILLOEIRA DE LESTEDO, o artiluxio ideado por Orlando Vázquez que é capaz de facer 1.200 filloas por hora. Estará na Praza do Concello dende as 17:00h ás 22:00h. Pola tarde haberá inchables e xogos para os nenos e pola noite a partir das 23:00 h contaremos coa Orquestra Olympus e o Dj Marcos Magán.

Para o sábado 18 terá lugar o DESFILE DE CARROZAS E COMPARSAS, coa concentración as 16:00 h no Campo da Feira, ás 17:00 h. comenzará o desfile dende a Carreira de San Mauro. A partir das 20:30 h. terá lugar a entrega de premios e a actuación do grupo CLAXXON na Praza do Concello.

Xa para o luns 20 terá lugar a FESTA INFANTIL DE ENTROIDO, onde haberá talleres, inchables e sorteos entre os nenos/as disfrazados.

Venres 17 febreiro:

FILLOEIRA DE LESTEDO

ACTUACIÓN orquestra OLYMPUS + DJ MARCOS MAGÁN

Sábado 18 de febreiro:

CONCURSO DE CARROZAS E COMPARSAS

CARROZAS               COMPARSAS           IND./PARELLAS                  GRUPOS
  1º  1.000 €                1º  1.000 €                 1º    100 €                             1º  200 €
  2º     500 €                 2º    500 €                  2º    80 €                               2º  150 €
  3º     200 €                 3º    200 €                  3º    50 €                               3º  100 €
  4º     100 €                 4º    100 €   

1º accésit 60 €           1º accésit 60 €       
2º accésit 60 €           2º accésit 60 €       
 
Premio simpatía “JUAN VARELA AREOSO”:  60 €

Lúns 20 de febreiro:

FESTA INFANTIL DE ENTROIDO

A Asociación de Concellos do Camiño de eFisterra e Muxía, formada polos concellos de Negreira, Ames, Dumbría, Cee, Corcubión, Fisterra e Santiago de Compostela, e co apoio da Deputación da Coruña, presenta esta tarde na Feira Internacional de Turismo de Madrid (Fitur), un vídeo promocional do roteiro xacobeo que serve de presentación da súa primeira web: www.ateofin.gal

Un ano máis, Negreira atópase presente en Fitur, unha das feiras de turismo máis importantes do mundo, coa presentación do vídeo promocional e a nova web sobre o Camiño de Fisterra e Muxía, coa intención de difundir mellor a ruta e dala a coñecer, pois é sabido que tódolos itinerarios xacobeos chegan a Compostela, pero este non, pois parte do Obradoiro cara a Fin do mundo.

Os datos sinalan que son máis de 36.000 as persoas que reciben cada ano a fisterrana, o documento que acredita ter feito o Camiño de Fisterra e Muxía. E ó contrario do que sucede no resto de roteiros xacobeos onde a meirande parte de caminantes son nacionais, no noso entre o 60 e o 70 € de peregrinos son de nacionalidade estranxeira, polo que a Asociación de Concellos estima que é necesario continuar coa promoción.

Até o fin, el Camino de Santiago acaba en el mar, terá a súa presentación hoxe a partir das 18:45 horas no pavillón de Galicia, no Recinto Feiral Ifema de Madrid, xusto a continuación da presentación do destino Starlight da Costa da Morte, por parte do Xeodestino Costa da Morte, e Un mar de gracias, a iniciativa que promove a Asociación de Empresarios do Camiño de Santiago a Fisterra e Muxía “Solpor”, e que serán as tres últimas desta segunda xornada en Fitur.

Mostra en Negreira

Un grupo de estudantes do ciclo de Comercio, pertencentes ó instituto Xulián Magariños e acompañados polas súas profesoras, foron os primeiros visitantes da exposición sobre o Camiño de Fisterra e Muxía, que até o 30 de xaneiro pode verse na planta baixa do Centro Sociocultural da vila.

A mostra está promovida pola Asociación de Concellos do Camiño de Fisterra e Muxía, dentro do seu proxecto para difundir a ruta desde Compostela. Os estudantes recibiron explicacións do alcalde, Manuel Ángel Leis Míguez, quen acompañóunos no percorrido pola mostra cando ó concelleiro de Turismo, Juan Platas, e maila concelleira de Educación, Teresa Duro Leis.

A exposición documental está estructurada en oito seccións, e dirixida polo deseñador Pepe Barro, autor do proxecto de identidade Até o Fin, que inclúe a nova web, o vídeo promocional e maila exposición. Está integrada por imaxes do fotógrafo Álvaro Arribi e textos breves, que falan das terras do Fin do mundo, das lendas xacobeas, dos peregrinos actuais e históricos, etapas da ruta, albergues ou lugares significativos como a paraxe natural de A Pontemaceira, ou sobre a tradicional cuncha de vieira, apañada polo bispo Xelmírez no século XII, algún areal da Costa da Morte.

A exposición pódese ver de luns a venres, de 9 a 14 horas, e de 16 a 21 horas, no Centro Sociocultural.