Os Concellos de Negreira, Santa Comba, Val do Dubra e A Baña participarán nun programa de emprego destinado a mozos e mozas menores de 30 anos, incluídos no sistema nacional de garantía xuvenil. O concello promotor será o de Val do Dubra, ao ser beneficiario da subvención da Consellería de Promoción de Emprego e Igualdade para un total de 16 persoas.

Haberá dúas especialidades formativas que serán a de Atención Socio Sanitaria e a de Dinamización de Actividades de Tempo Libre, Educación Infantil e Xuvenil, ambas con 8 prazas.

O programa ten un ano de duración e a preselección efectuarase entre os rexistrados no sistema de garantía xuvenil que demanden participar, ou ben inscribíndose na oficina virtual do Servizo Público de Emprego de Galicia.

Os interesados poden solicitar máis información nos seus respectivos concellos.

A Consellería do Medio Rural a través da Xefatura Territorial da Coruña, empraza aos propietarios da Zona de Concentración Parcelaria de Broño-A Pena-Landeira no Concello de Negreira para seren notificados por comparecencia dun trámite de audiencia que modifica o acordo.

Este anuncio publícase no Diario Oficial de Galicia (DOG), aínda que a eficacia do acto notificado quedará supeditada á súa publicación no BOE.

Para consultar o expediente, poderán pórse en contacto co Servizo de Infraestruturas Agrarias chamando aos teléfonos 981 18 46 35 / 981 18 59 25, das 9.00 ás 14.00 horas, de luns a venres.

A comparecencia deberase efectuar no prazo de dez días, contados desde o seguinte ao da publicación deste anuncio no BOE.

Transcorrido o dito prazo sen se efectuar a comparecencia, a notificación entenderase producida desde o día seguinte ao da publicación.

Os Concellos de Ames e Negreira suman esforzos un ano máis na súa aposta por poñer en valor a paraxe natural de Ponte Maceira, e con tal motivo programáronse novamente as “ Noites en Vela”, un evento que xa é unha tradición para ambos municipios.

O acto dará comezo o venres 25 de agosto a partir das 8 e media da tarde e haberá iluminación especial cunha velada que amenizan as “Pandereteiras de Costaneira” e a agrupación “Tres Pesos”, para rematar cunha sesión de fogos de artificio e o acendido das velas no entorno da Ponte Maceira.

A Ponte Maceira foi declarada “Ben de Interese Cultural” no ano 2016, e na actualidade é un dos puntos turísticos máis importantes que temos na nosa contorna.

O sábado 9 de setembro, celebrarase na nosa vila a 15ª edición do Día da Bicicleta, organizado polo Concello. Todo un evento deportivo e social que move a centos de persoas todos os anos.

Desta volta, as persoas participantes concentraranse ás dez da mañá xunto á explanada do instituto Xulián Magariños. A saída infantil terá lugar media hora máis tarde, ás 10:30, e terá un percorrido de 1’2km para os cativos. Ás once será o quenda dos adultos, cunha distancia total de 10km.

Trátase dunha actividade dirixida a todas as idades na que ademais haberá un agasallo e un refrixerio para cada participante. Iso si, cómpre lembrar: o uso de casco será obrigatorio.

Os patrocinadores deste día da Bicicleta son Atleet Garsport, Distribucións Fajín Lama S.L. e Bicicletas Rioseco, colabora a Peña Ciclista Jesús Mancebo.

O formulario de inscrición farase a través do QR adxunto nesta noticia ou pulsando neste enlace.

INSCRICIÓN 15º DÍA DA BICI

Calquera dúbida, poden acudir á Delegación de Cultura e Deportes, na 1ª planta da Casa da Cultura, ou ben chamar ao teléfono 981 88 58 86.

 Negreira acolle dende o venres 1 de setembro ata o domingo día 3 unha nova edición da Feira do Románico, con múltiples actos distribuídos na contorna do Pazo do Cotón.

A partir do xoves 31 de agosto a 1 da tarde, a Carreira de San Mauro quedará cortada ao tráfico por motivos de organización e haberá desvíos alternativos pola Abeanca, A Chancela e Vilachán de Abaixo. Así mesmo, tamén comezarán os traballos de decoración das rúas e do mercado.

As principais zonas da vila as que afecta a feira son a Carreira de San Mauro e a Rúa do Carme, onde se emprazaran as tendas de artesanía. Na Praza do Concello estará a zona infantil, e a contorna da Capela do Cotón resérvase para espectáculos e demostracións. A zona anexa ao IES Xulián Magariños será o emprazamento do Gran Torneo Medieval.

A celebración comezará o venres as 6 da tarde con actividades variadas, malabares, danzas medievais e para as 11 e media da noite a actuación musical de Tanto Nos Ten na Praza do Cotón.

O sábado ás 12 do mediodía será cando as autoridades locais inauguren de maneira oficial á Feira do Románico, xusto antes dos espectáculos e acrobacias de Circodido que estarán na Praza do Cotón á unha e cuarto. Pola tarde, as 8 e media, será o Combate Medieval entre Cabaleiros no campo da feira.

Pola noite, as 10 e media, actuación de batucada con Latexo Percusión, e logo o espectáculo de A Lenda das Meigas, as 11 e cuarto. Os fogos de artificio pecharán a xornada as 12 da noite.

O domingo a feira abre ás 11 coa música de Turdión. O ambiente medieval continuará ás 12 cun espectáculo de acrobacias, e 1 da tarde o Gran Combate Medieval na explanada do IES Xulián Magariños, espectáculo que voltará de novo as 8 da tarde. Para rematar, teatro a pé de rúa con Errantes que volven a Negreira cunha posta en escea que será a que despida os actos.

Unha vez rematado o prazo de enmendas e reclamacións do programa “Negreira Concilia Madrugadores” e “Negreira Concilia Merendas”, e reunido o persoal do “Centro de Información ás Mulleres” aos efectos de dar cumprimento ao regulamento correspondente a dito programa, procédese a publicar as listaxes definitivas de admitidos/as e excluídos/as.

Poden consultarse nos seguintes enlaces.

A Corporación Municipal de Negreira celebrará unha sesión ordinaria do Pleno municipal, o luns día 11 de setembro, a partir das 21:00 horas, no salón de plenos da Casa do Concello, conforme á seguinte Orde do día:

Primeiro.- Dar conta dos Decretos de Alcaldía emitidos dende o último Pleno ordinario: do nº 138/2023 ao nº 258/2023, ambos inclusive.

Segundo.- Ratificación, se procede, do Decreto número 250/2023, de data 29 de agosto de 2023.

Terceiro.- Orzamento municipal 2023.

Cuarto.- 2ª Fase do POS + ADICIONAL 2/2023.

Quinto.- Rogos e preguntas.

O Concello de Negreira e mailo Museo do Pobo Galego promoven este sábado, día 16 de setembro, un acto para conmemorar o centenario da creación do Seminario de Estudos Galegos (SEG), sendo un dos seus fundadores no ano 1923 o intelectual, avogado e escritor negreirés, Xulián M. Magariños Negreira (1904-1934).

A continuación detallamos o programa do acto:

11:00 horas. Comezo do acto institucional no Salón de Plenos, na Casa do Concello (rúa do Carme, 3), coas seguintes intervencións:

- X. Amancio Liñares Giraut, coordinador do acto

- Concepción Losada, presidenta do padroado do Museo do Pobo Galego

- Manuel Vilar Álvarez, director do Museo do Pobo Galego

- Manuel Ángel Leis Míguez, alcalde de Negreira

12:30 horas. Visita teatralizada polos espazos relacionados con Xulián Magariños, a cargo da compañía Os Quinquilláns.

13:30 horas. Plantación dunha árbore na praza de Ferreiro.

15:00 horas. Xantar de confraternidade.

18:00 horas. Inauguración da mostra de fotografías sobre Xulián M. Magariños, na planta baixa do Centro Sociocultural.

18:30 horas. Actuación musical a cargo do dúo Minguante, no auditorio Afonso Eanes do Cotón.

O Concello de Negreira oferta máis de 20 actividades deportivas e culturais para nenos e adultos, en distintos horarios e localizacións. Ata o día 30 de setembro podes facer efectiva a túa inscrición na Delegación de Cultura e Deportes (Casa da Cultura), en horario de mañá.

Para facer efectiva a matrícula en calquera actividade cultural ou deportiva, debes levar a cabo os seguintes pasos:

1.- Cubrir a folla de inscrición das actividades que che interesen:

1.1 -Vermella: actividades deportivas.

1.2-Marrón: actividades maiores como ximnasia, aerobic, pádel, ioga ou zumba.

1.3-Verde: actividades culturais.

2.- Entregar a folla de inscrición cuberta, na Delegación de Cultura e Deportes ou enviar escaneado o documento ao email: Este enderezo de correo está a ser protexido dos robots de correo lixo. Precisa activar o JavaScript para velo.

3.- Pagar a cota de inscrición na conta bancaria do Concello de Negreira.

- ES33 2080 0305 0131 1000 0021 (Abanca)

- ES15 0081 2153 2400 0104 6411 (Sabadell)

4.- No recibo debes indicar nome alumno/a e actividade/es.

5.- Prezo

Actividades normais

- 1 actividade: 60 €; 2 actividades: 52,50 €; 3 actividades: 45 €

En caso de ser familia directa (pais/fillos): Prezo 2 irmáns: 52,50 €, e 3 irmáns: 45 €

Ximnasia de mantemento

- 1 actividade 50 € (non ten desconto por máis actividades)

Ximnasia de maiores

- 1 actividade 40 € (non ten descontos por máis actividades)

6.- Tes que enviar copia do recibo ao email: Este enderezo de correo está a ser protexido dos robots de correo lixo. Precisa activar o JavaScript para velo., ou entregala de forma presencial en Cultura e Deportes.

7.- Para dúbidas podes chamar ó número: 981 885 886

8.- As clases comezan a partir do día 16 de outubro.

Expediente: FEDER –EELL-2020-004827

El Ayuntamiento de Negreira ejecuta el proyecto de “RENOVACIÓN DEL ALUMBRADO EXTERIOR PÚBLICO EN EL MUNICIPIO DE NEGREIRA (A CORUÑA)- IDAE”, acogido a la línea de ayudas formulada en el contexto del Real decreto 616/2017, de 16 de junio, por el que se regula la concesión directa de subvenciones a proyectos singulares de entidades locales que favorezcan el paso a una economía baja en carbono en el marco del programa operativo FEDER de crecimiento sostenible 2014-2020 modificado por el Real Decreto 1516/2018, de 28 de diciembre ,y el Real Decreto 316/2019 de 26 de Abril con el código de identificación en la Base de Datos de Nacional de subvenciones (BDNS) numero 352191 y el Nº de expediente FEDER-EELL-2020-004827 y que tiene por objeto la renovación del alumbrado exterior en el Ayuntamiento de NEGREIRA.

Con estas obras de “RENOVACIÓN DEL ALUMBRADO EXTERIOR PÚBLICO EN EL MUNICIPIO DE NEGREIRA (A CORUÑA)- IDAE”, provincia de A Coruña que consiste en la sustitución de las luminarias existentes por luminarias LED más eficientes (en concreto, se sustituirán 2.764 luminarias y se actuara en 150 cuadros de mando para adaptarlos a la normativa vigente, con la actuación se disminuirá la potencia instalada de 319 Kw a 170,8Kw, consiguiéndose un ahorro energético estimado del 64 %; según lo establecido en la Orden Ministerial EHA/1434/2007, de 17 de mayo.

Esta renovación de las instalaciones de alumbrado exterior municipal, está cofinanciada por el Fondo Europeo de Desarrollo Regional (FEDER) de la Unión Europea, y gestionada por el Instituto para la Diversificación y Ahorro de la Energía (IDAE) del Ministerio para la Transición Ecológica del Gobierno de España, con cargo al Fondo Nacional de Eficiencia Energética, con el objetivo de conseguir una economía más limpia y sostenible. El importe de la inversión total financiada con la ayuda concedida al Ayuntamiento de Negreira mediante resolución del 24 de noviembre de 2021 del director general del IDAE ha sido de 1.847.809, 40€, siendo el importe total de la ayuda de 1.685.490,40€. Gracias a esta financiación, se tratará de conseguir el objetivo de mejorar la iluminación del municipio y reducir el gasto en energía eléctrica, de una forma más limpia y sostenible, obteniendo el resultado de renovar y mejorar el sistema de iluminación pública exterior en todo el municipio.