As gañas que hai de vivir o desfile de Entroido máis grande da historia de Negreira fai que se superasen tódalas previsións, até o punto que o número de inscritos triprica a cifra dun ano normal.

Cualificado de «histórico». As cifras son bos indicios: Hai vinte e unha comparsas, das que únicamente cinco non teñen carroza, máis dezasete grupos medianos e vinte e cinco disfraces individuais e por parellas. En total farán que 1.230 persoas desfilen mañá pola tarde polas rúas de Negreira, algo inusual si non fose pola gran cantidade de citas suspendidas ou adiadas pola choiva, por iso é polo que ninguén quere perderse un dos concursos máis afamados de Galicia e, onde repartiránse 5.400 euros en premios.

Esta participación de récord, que nunca antes se deu en Negreira, levou ao Concello a adoitar un dispositivo especial de seguridade con máis dunha trintena de voluntarios de Protección Civil, Policía Local e unha ambulancia que pechará o desfile.

De 17.00 ás 20:00 horas recoméndase non usar o coche para circular polo centro urbano de Negreira e, o transporte de viaxeiros en autobús, tamén veráse alterado. O desfile partirá ás cinco da tarde do Campo dá Feira, onde haberá un punto de recollida de dorsais. Transitará pola Carreira de San Mauro, rúa dá Cachurra, avenida das Brañas, Rosalía de Castro, Teresa Fabeiro, zona do instituto e as rúas de Castelao e O Carme.

A partir das 16:00 horas vaise a cortar o acceso á vila dende a estrada de Urdilde, á altura da Abeanca. O tráfico procedente de Noia e Brión vai ser desvíado pola Chancela cara o centro de Negreira. O tráfico de entrada dende as estradas de Ponte Nafonso e Pesadoira, será desviado á altura do Campo dá Feira por Vilachán de Abaixo cara o centro.

Autobuses

Todos aqueles autobuses que transporten a membros das comparsas participantes, poderán deixalos viaxeiros na zona do Campo dá Feira, para logo estacionar na área habitual para este tipo de vehículos na zona escolar de Negreira.

O Entroido cumpriu coa súa tradicional cita de Negreira, axudado polo bo tempo e unha concorrencia de xente que será difícil de esquecer. Unha vintena de comparsas e carrozas, ao que hai que engadirlle catorce grupos medianos e, quince disfraces individuais e por parellas, conformaron o desfile máis numeroso da historia do concurso barcalés. Tanto, que durou prácticamente seis horas, xa que a tódolos grupos e comparsas foilles permitido actuacións que non fixeron máis que prolongar no tempo o desfile.

Agradecemento especial aos voluntarios de Protección Civil de Negreira, Mazaricos, Santa Comba e Val do Dubra, e mailo traballo dos axentes da Policía Local para garanter a seguridade e o nomral desenvolvemento do desfile, a sabendas de que son inevitables os cortes de tráfico. Con todo, tentouse garanter a ciruclación por boa parte do centro de Negreira, aínda interrumpindo o desfile en zonas como a confluencia da rúa de Castelao coa rúa do Carme.

Dende o Concello de Negreira expresouse o máis sentido pésame e as condolencias á familia e compañeiros da comparsa de Os Subterráneos de Meicende, polo repentino pasamento durante o desfile do pasado sábado, de Pedro Dopico Sánchez, de 73 anos de idade, integrante da comparsa Tardes de primavera, logo de sufrir un infarto do que non puido recuperarse tras ser atendido primeiramente na rúa e logo no Punto de Atención Continuada.

• Resultados finais

-Modalidade de disfraces individuais e por parellas  

1º premio (150 euros) – Reloxo de cuco (Negreira)

2º premio (100 euros) – O anano de Mazinguer Z (Arzúa)

3º premio (50 euros) – O leitiño polo que vale (Arzúa)

Modalidade de grupos pequenos

1º premio (200 euros) – The Fantastic Clows (Teo)

2º premio (150 euros) – Os Xenerais de Entroido (Ordes)

3º premio (100 euros) – Caixas de música (Paderne)

-Modalidade de carrozas

1º premio (1.000 euros) – Comparsa Ciklón (Tomiño)

2º premio (600 euros) – Tardes de primavera (Arteixo)

3º premio (300 euros) – Fantasías musicais (Vilagarcía)

4º premio (150 euros) – Lañas west

1º accésit (100 euros) - As Brincadeiras, ríome de Río (Muros)

2º accésit (100 euros) - Aerolíneas Low Cost-Mía (Ordes)

-Modalidade de comparsas

1º premio (1.000 euros) – A Rueirada: unha lenda rusa (Muros)

2º premio (600 euros) – Comparsa Ciklón (Tomiño)

3º premio (300 euros) – Fantasía outonal (Santiago)

4º premio (150 euros) – O Rei León (Ordes)

Accésit (100 euros) – Fantasía Liñalieníxena (Negreira)

Accésit (100 euros) – Buxantes calidade (Dumbría)

O premio Juan Varela Areoso, á mellor copla e dotado de 100 euros correspondeu a: Patos de Barcala, de Os Carnavaleiros de Barcala.

Hoxe celebrámolo Día de Rosalía de Castro, conmemorando os 179 anos do seu nacemento (Santiago 1837- Padrón 1885), sendo a autora das letras galegas modernas e unha das figuras indispensables do panorama literario do século XIX.

No día no que se cumpren 179 anos do seu nacemento, distintos actos celebrados dentro e fóra de Galicia, e tamén en Internet, homenaxean a súa figura por parte de institucións públicas, asociacións e sobre todo, dende os centros de ensino.

En Negreira, un grupo de cinco alumnos de 1º e 3º da ESO do IES Xulián Magariños leron esta mañá en Radio Negreira, poemas de Rosalía nunha lembranza da súa extensa obra, nunha actividade promovida polo Departamento de Normalización Lingüística e coordinada pola profesora, Nuria Araúxo.

A continuación detallamos os alumnos participantes e os poemas lidos:

Laura López – San Antonio Bendito

Lucía Fuentes – Nasín cando as prantas nasen

Leticia Cunqueiro – Unha vez tiven un cravo

Antía Barca – Negra sombra

Eduardo Vieiro – Silencio

Dende Radio Negreira, o noso agradecemento a todos eles e a súa profesora Nuria Araúxo, por esta iniciativa en lembranza do 24 de febreiro, o Día de Rosalía.

Deixámosvos o audio da súa intervención hoxe no programa «O Faladoiro». PLAY

O Concello de Negreira presenta os actos co gallo do Día da Muller Traballadora (8 de marzo), os cales van ter lugar o venres 11 coa obra teatral ¨As fillas bravas¨, de Chévere, ás 21:00 horas e, mailo sábado 12 de marzo ás 20:00 horas co concerto do grupo Queicoa e maila presentación da Escola municipal de gaita, no Auditorio municipal. As entradas para ¨As fillas bravas¨, pódense retirar na Delegación de Cultura (primeiro andar Casa da Cultura), en horario de mañá. O prezo é de 2 euros.

As fillas bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe de voces furtivas que berran entre raposos.

Perspectiva de xénero

En escena: Patricia de Lorenzo, Mónica García e Arantza Villar. Dramaturxia e dirección: Xron. Escrita por Manuel Cortés é unha producción Chévere e coa que segue a explorar as posibilidades dun teatro con perspectiva de xénero, dando continuidade a traballos que cuestionaron a rixidez dos xéneros (Testosterona), que reivindicaron as voces silenciadas dunha forza de traballo feminina que segue levantando imperios económicos na era da globalización (Citizen), que promoveron unha lectura crítica dos valores machistas que transmiten as cancións románticas (I’ll be watching you). Nesa liña de traballo, ¨As fillas bravas¨ veñen para reafirmar modelos empoderados de muller, vencellados a expresións culturais tradicionais que agochan berros emancipatorios e cantos de rebeldía insospeitados.

As fillas bravas é tamén un traballo de investigación sobre a sexualidade, as relacións de xénero e os roles da muller na sociedade tradicional que aparecen reflexados nas coplas do cancioneiro popular galego, para o que se fixo un traballo de procura, escolma e adaptación de textos de transmisión oral publicados desde a segunda metade do século XIX.

As fillas bravas é un espectáculo para todos os públicos, pero xa temos comprobado que ofrece un aproveitamento lúdico e pedagóxico especialmente axeitado para dous segmentos de público moi interesantes á hora de crear e formar novos espectadores: Rapazas e rapaces de entre 14 e 18 anos, e maiores de 65 anos.

Músicas

As músicas usadas no espectáculo están inspiradas en cantos tradicionais recollidos en diferentes lugares de Galicia. Entre eles, "Pandeiretada" gravada no primeiro disco de Radio Cos e "Danza de Cerdeira", gravada no primeiro disco de Leilía.

• Máis información

O pasado venres celebrouse no Museo Pedagóxico de Galicia (MUPEGA), en Compostela, unha cita con todos os beneficiarios do programa Galeuropa 2015, e tamén cos coordinadores de dito programa, onde se falou da experiencia persoal de cada un dos participantes, así como da experiencia das asociacións e dos Concellos participantes, entre eles o noso.

Entre os asistentes participaron os beneficiarios dos programas que viñan mediante entidades sen ánimo de lucro, os que viñan mediante os Concellos e, tamén os beneficiarios de beca individual onde cada un deles comentou a súa experiencia.

Neste acto, presentado pola directora  xeral de Xuventude, Participación e Voluntariado de Galicia, Cecilia Vázquez Suárez, xunto con Rubén Urosa Sánchez, director do Instituto da Xuventude de España, falouse da importancia destes programas de emprego e da elevada inserción que se acada con estas mobilidades.

Polo Concello de Negreira participou Sonia Ponte Esturao, coordinadora de Galeuropa 2015 quen falou da importancia que teñen estas convocatorias para os rapaces inscritos no Sistema Nacional de Garantía Xuvenil, xa que a experiencia persoal é moi enriquecedora. Como novidade, este ano 2016  incrementase a idade de participación ata mozos/as de 30 anos co que supón unha vantaxe enorme para os que remataron os seus estudos, xa que antes a idade era un problema para poder participar.

Tamén asistiron a este acto os beneficiarios do programa Galeuropa do Concello de Negreira, onde explicaron as súas vivencias e que volverían a facelo sen ningunha dúbida.

O Concello de Negreira pon en marcha un programa de Psicomotricidade Educativa Preventiva na Escola Infantil Municipal, concretamente na aula de 2-3 anos, co cal preténdese comprementar a actividade de psicomotricidade que se desenvolve habitualmente. O obxectivo é favorecer o desenvolvemento dos pequenos e pequenas facilitando e acompañando a súa maduración psicolóxica, a partires da acción e o xogo. Posibilitar a expresión de sentementos, impulsos e necesidades; favorecer a súa autonomía e potenciar a comunicación, ou acordo de resolución de conflictos entre os diferentes compoñentes do grupo.

A actividade desenvolverase en dúas sesións de 50 minutos cada unha, en grupos reducidos de dez nenos para acadar unha maior operatividade desta. Vai selos luns e xoves da semana deste mesmo curso. Comeza este xoves, de 10:30 a 11:20 horas a primeira e, a seguinte das 11:20 ás 12:10.

Para elo, dende o Concello estáse aprovisionando o espazo de material e recursos específicos coma colchonetas, túneis, pezas específicas de psicomotricidade, cabalos balancíns, rolos de espuma e demáis material idóneo para este tipo de actividade que se caracterizan pola súa flexibilidade e adaptabilidade.

Este pasado luns, os pais dos nenos e nenas ós que vai dirixido o programa foron debidamente informados pola profesional que vai a desenvolver. Na mesma tamén estiveron presentes aparte desta, as propias docentes da instalación e a súa directora, xunto co alcalde, Jorge Tuñas Caamaño, e maila concelleira de Servizos Sociais e Educación, María Jesús Veiga Hortas.

A intención dende o Concello é que devandito programa teña unha continuidade no tempo, a esperas de ver a funcionalidade e os resultados, agárdase positivo. E manifesta a aposta e compromiso con este tipo de iniciativas tan importantes coma necesarias pola Educación, e en concreto, a Educación Infantil.

¿Qué teñen en común e qué as diferencia, a unha ama de casa, a unha emprendedora dunha empresa artesanal, a unha gandeira dunha explotación familiar ou, a unha concelleira dun Concello coma o noso?

¿Cómo se organizan estas cando ademáis (ou por riba de todo) son esposas e nais de familia? ¿Cal é o papel actual da muller na sociedade? ¿Cales consideran que son os atracos principais por parte desta? ¿Existen ou se deberían erradicar certos tópicos machistas?

Todas estas cuestións e máis, abordadas por catro mulleres do noso concello, nunha tertulia de Radio Negreira co gallo do 8 de marzo, o Día Internacional da Muller, cuxo lema neste 2016 é: Por un planeta 50-50 en 2030: Deamos o paso para a igualdade de xénero.

Fálannos: María Jesús Veiga Hortas, primeira tenente de alcalde e concelleira de Educación e Servizos Sociais do Goberno Municipal; María Teresa Álvarez Pombo, nai e emprendedora dunha empresa artesanal; Vanessa Ruza Martínez, nai e gandeira dunha explotación familiar, e Isabel López Miguens, nai e ama de casa.

A observancia das Nacións Unidas reflexiona sobre cómo acelerar a Axenda 2030 para o desenvolvemento sostible para impulsar a aplicación dos novos Obxectivos de Desenvolvemento Sostible.

Non hau dúbida de que ao longo da historia, as mulleres fixeron aportes extraordinarios á sociedade. Algúns son moi coñecidos, outros menos, pero todos foron precursores e igualmente, craves e importantes para o avance da sociedade. 

Escoita a tertulia do 8 de marzo. PLAY

Dacordo co establecido na disposición adicional terceira do texto refundido da Lei do Catastro Inmobiliario, aprobado polo Real Decreto Lexislativo 1/2004, de 5 de marzo, e de conformidade coa resolución da Dirección Xeral do Catastro publicada no Boletín Oficial do Estado do día 22 de febreiro de 2016, número 45, infórmase do comezo do periodo no que será de aplicación o procedemento de regularización catastral no concello de Negreira.

Este procedemento iniciarase de oficio nos supostos de incumprimento da obriga de declarar de forma compreta e correcta, as circunstancias determinantes dun alta ou modificación, coa fin de garantir a adecuada concordancia catastral dos bens inmobles coa realidade inmobiliaria.

O Ministerio de Facenda e Administracións Públicas suscribiu coa Sociedad Estatal de Gestión Inmobiliaria del Patrimonio, S.A. (SEGIPSA), a encomenda de xestión dos traballos relativos á incorporación de inmobles e alteracións.

A actualización do Catastro farase mediante a incorporación dos bens inmobles urbanos e rústicos con construcción e as súas alteracións (ampliacións e rehabilitacións), que non figuren no mesmo. Os traballos conlevarán, entre outros, a regularización de inmobles, construccións deportivas e divisións horizontais, a resolución de erros no cruzamento de bases de datos e a obtención de fotografías de parcelas necesarias para o procedemento.

A Lei do 27 de decembro de 2012 pola que se adoitan diversas medidas tributarias dirixidas á consolidación das finanzas públicas e ó impulso da actividade económica, incorporou o procedemento de regularización catastral á normativa reguladora do Catastro, mediante a autorización da encomenda de xestión dos traballos para o procedemento de regularización catastral 2013-2016.

Exclúe a aplicación de sancións polo incumprimento da obriga de declarar de forma compreta e correcta as altas e modificacións de bens inmobles. Sen embargo, conleva a aplicación da taxa de regularización catastral, co carácter de tributo estatal, cuxa cuantía é de 60 euros por inmoble.

Teléfono de liña directa do Catastro 902 373 635.

O Concello de Negreira promove un Curso de aplicador de produtos fitosanitarios, de nivel básico, do 11 ó 15 de abril, no Telecentro de Negreira, en horario de 9:00 a 14:00 horas, de luns a venres. A duración é de 25 horas (22 horas teóricas e 3 horas prácticas). O custe do curso é de 60 euros e maila taxa do exame de 8,83 euros. Máis información no Servizo Local de Emprego, na rúa do Carme, 3 (Casa do Concello).

O Real decreto 1311/2012, do 14 de setembro, establece o marco de actuación para alcanzar un uso sostible dos produtos fitosanitarios (BOE Núm. 223, do 18.09.2012). Este decreto modifica a normativa anterior no tocante á obtención do carné de usuario de produtos fitosanitarios nos seus niveis de capacitación básico e cualificado, fixando o 26 de novembro do presente ano como data límite para que se garanta o acceso á formación aos usuarios profesionais.

As principais modificacións que se introducen no procedemento para acceder á formación para a capacitación como usuario profesional de produtos fitosanitarios, son as seguintes:

Só se poderá expedir o carné a usuarios profesionais e, polo tanto, só aqueles que figuren no Rexistro Oficial de Produtores e Operadores de medios de defensa fitosanitaria (en diante ROPO), poderán obter un carné de usuario profesional de produtos fitosanitarios.

Considéranse profesionais do sector agrario as persoas físicas que sexan titulares de explotación agraria e consten inscritos no Rexistro de Explotacións Agrarias de Galicia (Reaga), sexan solicitantes das axudas da PAC nas medidas de solicitude unificada e pagos directos á agricultura e ganadería do ano 2013, ou ben sexan titulares inscritos no rexistro vitícola de Galicia co correspondente código de explotación vitícola (CODEV).

Carné de usuario profesional

PRIMEIRA EMISIÓN DO CARNÉ: os usuarios profesionais con residencia na Comunidade Autónoma de Galicia, interesados en obter o carné, deberán ter superado o curso do nivel correspondente ou, en cada caso, se lles convalidará segundo o listado de titulaciones que acreditan unha formación equivalente á que recolle o Real decreto 1311/2012.

RENOVACIÓNS DE CARNÉ: En diante, para obter a renovación do carné, será necesario:

Para a renovación do carné BÁSICO, a realización dun curso de formación de 5 horas de duración: 3 de contido teórico e 2 de contido práctico.

A renovación dos carnés de nivel CUALIFICADO necesitará da realización dun curso de formación de 7 horas de duración: 3 de contido teórico e 4 de contido práctico.

Para acceder ao curso de formación será necesario presentar un documento de identificación fidedigno (DNI, carné de conducir, pasaporte) e acreditar o pago das taxas correspondentes.