Negreira acolle esta fin de semana unha máis ca compreta oferta para o tempo de lecer, que conxuga cultura, deportes e festa. No eido cultural, tres son as citas incluídas na penúltima fin de semana do Ciclo de Teatro. Hoxe ás nove da noite, dende Muros, o grupo Aquelando Teatro representa a súa obra ¨No día a día¨, unha comedia con grandes doses de autocrítica e que móstranos o día a día dunha vila mariñeira. E ás once da noite, o Café Fontana (rúa do Corzán), acolle o monólogo ¨No pensar¨, a cargo de Carlos Meixide, dentro da colaboración co Ciclo de Teatro.

Estrea

A terceira e última cita teatral atopámola no sábado ás nove da noite, tamén no Auditorio. Chega a agardada estrea da última montaxe de Debullando Teatro, o grupo de adultos da Escola Municipal de Teatro. ¨Old Town¨, é unha comedia dramática ambientada no salvaxe oeste, cuxo leit motiv é a vinganza. Con textos e dirección de Sandra Lesta, todo o plantel de actores e actrices interveñen na obra, dirixida ó público maior de 12 anos.

Aventura

O deporte, sobre todo de aventura, terá a Negreira como base de operacións do vixésimo sexto Campamento Galego de Descenso de Canóns, promovido pola Federación Galega de Espeleoloxía e mailo Club Deportivo Luz Verde, de Arteixo, coa colaboración do Concello de Negreira e, grazas ao traballo de organización do alpinista Rubén Suárez Carballo. Sábado e domingo, os máis de medio cento de participantes percorrerán lugares coma os barrancos do Corzán, na parroquia de Lueiro, e outros como San Paio, Ribeiriños, Gasolfre ou Santabaia, entre os concellos de Mazaricos e Outes, ou o do Xallas, en Dumbría. O sábado pola noite haberá unha cea de confraternidade.

E paralelamente, este sábado celébrase a cuarta Marcha BTT do Val de Barcala, polo veciño concello de A Baña, aínda que a saída e chegada estará no Comprexo Deportivo de Pedra Mámoa.

San Xurxo

A tradicional festa na parroquia de Gonte é o compremento perfecto a tanta actividade cultural e deportiva en Negreira. O sábado é o día grande, con misas dende as dez da mañá. Na sesión vermú actuarán Os Atrevidos de Barcala, e haberá un concerto a cargo da Banda Ateneo de Negreira, baixo a dirección de Raúl Martín Niñerola. Pola noite, segue a festa coa orquestra Abanico.

E para rematalo finde, o domingo, día de San Xurxo Pequeno, máis misas, poxa dos pés de porco e vermú amenizada pola agrupación musical Tíralle do aire. Este ano o recinto da festa foi aocndicionado polo Concello e haberá unha carpa e, mesmo tamén unha pulpeira.

O Concello de Negreira programa un concerto do grupo de cámara Minuetto, co gallo da festividade das Letras Galegas 2016 mediante unha actuación que terá lugar na Praza do Concello, o vindeiro 17 de maio, a partir das 13:00 horas.

Devandita actuación vai a incluir unha lectura de poemas do poeta barcalés, Xosé M. López Ardeiro, entre peza e peza musical, polo que faise un chamamento a todos aqueles que queirades participar coa lectura de poemas seus, a que o comuniquédes previamente na Delegación de Cultura, na primeira pranta da Casa da Cultura, ou ben chamando ao número de teléfono: 981 885 886.

A iniciativa trata así, de apoiar o acordo plenario da Corporación Municipal de Negreira para a candidatura das Letras Galegas 2017 adicadas ó poeta Ardeiro, solicitude que o Concello de Negreira debe trasladar ó plenario da Real Academia Galega.

Banda Ateneo

As actividades das Letras Galegas 2016 en Negreira terán a súa continuidade, o sábado día 21 de maio, cun concerto especial da Banda Ateneo de Negreira, ás 20:00 horas, no Auditorio de Negreira, interpretando música de Andrés Álvarez, Simón García, Alejandro Montes e Raúl Martín Niñerola, director da Banda.

A Unidade Móbil de Inspección Técnica de Vehículos Agrícolas desplazarase ao concello de Negreira nas seguintes datas:

1 – Do 27 ó 28 de xuño, no campo da festa de Pesadoira, na parroquia de Alvite.

2 – Do 29 de xuño ó 1 de xullo, no campo da feira de Negreira.

O horario de atención será de 09:00 a 13:30 horas, e de 15.15 a 18:00 horas, agás o día 1 de xullo que será o horario só de mañá.

Para solicitar cita previa, pódese chamar por teléfono ó 902 30 90 00, ou ben a través da web: www.sycitv.com, no apartado de cita previa.

NOTA: A admisión de vehículos con características particulares estará condicionada á posibilidade de realizar as operacións de inspección regulamentarias.

O Concello de Negreira brindoulle hoxe unha recepción oficial a Óscar Quintana Lourido, o Mellor Camareiro do Ano 2016 en España, ao gañar a final deste certame no Salón ‪‎Alimentaria, o pasado 28 de abril, en ‪‎Barcelona.

Óscar, natural da aldea de Bellalta, na parroquia de Liñaio, séntese orgulloso dos seus inicios e, aceptou este convite para no seu día libre como xefe de sala no restaurante Culler de Pau, cunha estrela Michelín, no Grove, achegarse a Negreira, onde foi felicitado polo alcalde, Jorge Tuñas Caamaño, e mailo concelleiro de Obras, Urbanismo, Parques e Xardíns, entregándolle unha figura polos éxitos na súa dilatada carreira como profesional do sector da restauración, especializado na atención ó cliente na sala. Todo un recoñecemento para quen demostrou selo mellor en tres elementos básicos que debían demostrar os catro aspirantes: Coñecemento do sector; destreza técnica e habilidades de comunicación.

Óscar Quintana achegouse tamén aos estudos de Radio Negreira para falárnos da súa recente conquista no concurso Mejor Camarero do Ano 2016, e onde destacou da súa profesión, especialmente «a capacidade de transmitir felicidade e de mostrar os grandes valores da arte do servizo; a xenerosidade, a hospitalidade, a amabilidade, a cultura do detalle, o sorprender ao cliente e o facer que se senta especial e único».

O concurso Camarero del Año é unha iniciativa que pretende poñer en valor e mostrar non só as destrezas dos profesionais, senón tamén «ese valor engadido adaptado ás demandas do mercado actual que aporta o profesional», segundo él mesmo salientou na entrevista ofrecida á emisora municipal. 

Arredor dunhas setecentas persoas participan este sábado 7 de maio, no XXI Encontro dos Maiores que promove o Concello de Negreira, baixo unha gran carpa instalada no Campo da Feira, e cuxos actos comezarán cun concerto da Banda Ateneo de Negreira, baixo a dirección de Raúl Martín Niñerola, a partir das 13.15 horas, continuando cunha misa que se celebrará na Capela do Cotón. Acto seguido, comezará o xantar de confraternidade.

Ao longo da tarde contarase coa animación musical do dúo Meigas do Son, quenes amenizarán o baile dos participantes, ao tempo que haberá un recoñecemento para as dúas persoas (muller e home), de maior idade participantes.

Como tódolos anos haberá un servizo de buses que percorrerán as distintas zonas do concello para recoller aos participantes nos lugares de costume, para unha vez rematado o encontro regresar de volta. É requisito imprescindible que cada veciño/a presente o convite no momento de acceder á carpa.

A sesión ordinaria do Pleno da Corporación Municipal de Negreira aprobou por unanimidade tódolos asuntos da orde do día, comezando pola constitución da Mesa Local de Coordinación Interinstitucional contra a Violencia de Xénero, formada pola concelleira da Muller, unha técnica municipal, así como representantes da Policía Local e Garda Civil e, representantes dos centros educativos (colexio O Coto e instituto Xulián Magariños). A periodicidade das súas xuntanzas será semestral.

O Pleno convalidou o convenio de colaboración entre os concellos de Santa Comba, A Baña, Negreira e Val do Dubra, de data 22 de marzo, agrupación mediante a cal accederán a subvencións da Xunta en materia de fomento do cooperativismo a través da Rede Eusumo. Tamén ratificouse o convenio de colaboración entre os concellos de Negreira e Val do Dubra para a participación conxunta nun programa de mobilidades transnacionais para prácticas laborais de mozos e mozas no extranxeiro, do que xa hai 22 persoas preinscritas. Os países de destino son: Portugal; Finlandia e Reino Unido.

A sesión deu luz verde á solicitude de bonificación máxima na cota do ICIO formulada pola empresa Gestión del Valor y Soluciones, S.L., para construir unha nave na parcela 28 do Polígono Empresarial. Acordouse concederlle a bonificación fiscal máxima do 95% acorde ao que inclúe a ordenanza municipal.

Propostas

A proposta do grupo municipal de Cidadáns, sobre a creación dun Intercambiador Modal de Transporte de Viaxeiros na zona próxima ó IES Xulián Magariños, foi aprobada por unanimidade, se ben, vaise estudar o anteproxecto xa redactado polos técnicos municipais na pasada lexislatura e avanzar de cara a súa futura execución, aproveitando a apertura da estrada entre o instituto e maila avenida de Santiago, un proxecto actualmente paralizado.

Cidadáns tamén demandou mediante outra proposta, unha solución á parálise que sofre a depuradora de Marcelle para a súa posta en funcionamento, xunto á limpeza periódica da finca na cal ubícase. O alcalde, Jorge Tuñas, díxo que o Concello vai a ordear a súa limpeza, ademáis de falar cunha empresa para poñela depuradora en funcionamento e que se elabore un censo para saber cántas vivendas están conectadas á mesma.

Rogos e preguntas

O Partido Popular solicitou un punto de luz para o lugar de O Rapote, por onde transcorre o Camiño de Fisterra, na parroquia de Broño, así como que o alcalde xestione coa adxudicataria da Piscina Climatizada, a posibilidade de que os usuarios/as da Fundación de Discapacitados Psíquicos Comarca de Barcala, poidan realizar actividades na mesma. O PP preguntou en qué estado atópase a solicitude para a implantación dunha biblioteca móbil aprobada polo Pleno, así como onde se atopan e porqué sacáronse as farolas do paseo fluvial. Igualmente, solicitouse información sobre o estado en que se atopa a moción aprobada polo Pleno sobre os camiños do Marco do Cornado e Braña da Pontella, ademáis de preguntar cando se van trasladar «definitivamente» as canastras que están no aparcadoiro do Pavillón de Pedra Mámoa cara a Praza das Brañas.

Cidadáns exisiu que se faga cumprir a ordenanza sobre terrazas en tódolos aspeitos, a excepción do aspeito fiscal que está pendente dunha modificación. José Manuel López Lago, voceiro de C´s sinalou que hai terrazas que teñen «cravos» nas beirarrúas, ou sillas e mesas que dificultan o tránsito de peóns e carros con bebés. Tamén pidiu a reparación de lousas soltas nas beirarrúas, especialmente na avenida das Brañas, pois xa provocou accidentes e caídas. Outro rogo é para que o Concello obrigue ás comunidades de veciños á reparación dos desagües pluviais dos edificios, posto que moitas edificacións verten directamente as augas pluviais á rúa, algo que sucede na avenida das Brañas, rúa do Carme, ou a Carreira de San Mauro.

No relativo á vía pública, o voceiro de Cidadáns demandou a regulación dos horarios de carga e descarga, no casco urbán, así como que se efectúen reparacións nos depósitos de auga de Landeira para evitar filtracións de auga na casa dun veciño.

O alcalde do Concello de Negreira, Jorge Tuñas Caamaño, vén de asinar o Decreto nº 101/2016 polo que aprobase a relación definitiva de admitidos/as nas prazas vacantes da Escola Infantil Municipal, para o curso escolar 2016-2017. Devandita resolución permanece exposta ó público nos taboleiros de anuncios da Casa do Concello e maila Escola Infantil Municipal, así como na web municipal.

Trátase de catro bebés na aula de 0-1 anos; quince nas aulas de 1-2 anos, e seis, nas aulas de 2-3 anos.

O Concello de Negreira pechou a programación conmemorativa das Letras Galegas 2016 que vai desenvolverse en tres xornadas que arrincarán o luns 16 coa inauguración da exposición dos traballos realizados pola Escola Municipal de Pintura e Debuxo, a partir das 17:30 horas, no Centro Sociocultural. E a partir das 19.30 horas entregaransen os diplomas ó alumnado da escola, nun acto que a celebrarse no Auditorio, seguido da entrega de premios do XI Certame de pintura ¨Negreira en cor¨. 

Recitado de poemas

O martes 17 na Praza do Concello, ás 13:00 horas, haberá un concerto co grupo de cámara Minuetto, intercalado coa lectura de poemas de Xosé M. López Ardeiro.

Concerto da Banda Ateneo

A terceira e última xornada é a do sábado 21 co concerto especial da Banda Ateneo de Negreira, baixo a dirección de Raúl Martín Niñerola, ás 20:00 horas no Auditorio, seguido pola entrega do IV Premio de poesía Xosé M. López Ardeiro.

O alcalde de Negreira, Jorge Tuñas Caamaño, e maila concelleira de Servizos Sociais e Educación, María Jesús Veiga Hortas, entregaron na xornada do luns os premios do Certame de Pintura Infantil Negreira en cor, patrocinado pola Fundación Feiraco, dentro da programación das Letras Galegas 2016. Este acto serviu para a clausura da actividade da Escola de Pintura e Debuxo, coa entrega de diplomas a todo alumnado participante nas clases impartidas por Silvia Capelo. No acto participou o alumnado da Escola Municipal de Pandeireta.

En canto ao Certame de Pintura Infantil, na categoría de 6 a 12 anos os gañadores foron: Daniela Ruso Pereiro, por Só dous; Inés Rivas Blanco, por Bosque de cor, ambas de Negreira e, Andrea Rial Canosa, de Vimianzo, por Paisaxe. Na categoría de 13 a 18 anos, o gañador foi Manuel Mosquera Dapena, de Ames, polo seu cadro De peregrinaxe, seguido de Retratos, de Yago Balado (Santiago), e o terceiro posto foi para o negreirés, Ángel Freire Platas, polo seu cadro titulado Galeón.