Os días 19 e 20 de agosto Negreira prepárase para duas citas importantes na súa axenda musical. Por unha banda o venres 19 o cuarteto de música Clasica "Tetpamop" a partir das 22:00 h. encargarase de dar luz á Pontemaceira na última das citas de "Noites en vela".

Despois das actuacións de Xan Solo´s e Xabier Diaz e as Maianas, Tetpamop volverán a encher de máxia este enclave natural. 

O cuarteto de música clásica creouse coa colaboración de catro estudantes de clarinete do Conservatorio Superior de Vigo en 2014, Amelia Ónega, Martiño Malleiro, Melissa David e Miguel Antonio Costa. Os catro clarinetistas teñen participado  na Semana de Música de Cámara de Vigo, no ano 2014,  no festival Peregrinos Musicais, en Compostela, no ano 2015 ou  no Aldebaran Music Festival 2016, na rexión italiana de Lombardía.

XIV Noite Folk

Para o sábado 20 de agosto queda a Noite folk, onde duas das formacións máis recoñecidas do panorama folk, como Luar na Lubre e Pepe Vaamonde Grupo, actuarán dentro da 14ª Noite Folk de Negreira. Acompañará a estos dous grupos Queicoa, chegado dende Noia. Os concertos, que comenzarán as dez da noite, celebranse no Refuxio de Cobas, a orillas do río Barcala. 

Luar na Lubre conmemora os seus 30 anos de traxectoria cunha xira presentando o seu derradeiro traballo, "Extra Mundi", coa voz da súa nova solista Paula Rey. Pola súa banda, Pepe Vaamonde Grupo, liderado polo gaiteiro Pepe Vaamonde e o guitarrista Pipo Alvariño, presenta o seu disco "Nas pedras do lar".

O último venres do mes de agosto celébrase unha nova edición da Gala de maxia incluida na programación do Verán Cultural 2016 do Concello de Negreira. A cita é no Auditorio do Centro Sociocultural, a partir das 21:30 horas, coa participación de tres magníficos magos: Kilo Pastur; Román García e Cayetano Lledó.

Un espectáculo único e para a toda a familia que poderedes desfrutar este venres 26 de agosto, grazas ao Concello de Negreira e maila Deputación de A Coruña.

Remata agosto, e rematan a meirande parte das actividades para o tempo de lecer no verán promovidas dende o Concello de Negreira.

Este mércores ponse punto e final aos obradoiros Diververán que viñéronse celebrando polas mañás no Centro Sociocultural, dende o primeiro de xullo e, tamén clausuranse os cursos de natación na Piscina Municipal.

Festa na piscina

No relativo á festa de clausura dos cursos de natación, este mércores a partir das 10 da mañá terá lugar a entrega de diplomas e agasallos para todos os participantes nos cursos celebrados este mes. Xa pola tarde, a partir das 16 horas haberá inchables e xogos para todos os nenos con Infantilandia, que inclúen: Tobogán e Acuático cactus, ademáis de actividades como escalada polo tobogán, fútbol 3x3, xunto cunha Festa da Espuma e un Castelo Babe. Tamén haberá un pequeño tentempé para tódolos nenos e nenas.

E como colofón a unha xornada chea de actividades, o mércores a partir das 21:00 horas péchase o programa Cultura a pé de rúa, co espectáculo Bicirco, no Parque do Coto.

Cine na rúa

Dentro do programa Cine na rúa, este martes proxéctase o filme Aviones. Equipo de rescate, a partir das 22:00 horas, na Praza das Brañas.

Na rúa de San Mauro e no entorno do Pazo  do Cotón, emblema da vila capital do Val de Barcala, terá lugar  a décima edición da Feira do Románico de Negreira.

O pasado ano centos de veciños e visitantes disfrutaron desta recreación histórica que se convertiu nun dos símbolos culturais da vila que viu nacer a un dos máis afamados trobadores galegos; “Afonso Eanes”. Ante esta previsión, o Concello  ultima xa os detalles desta cita, que se  vai a celebrar o primeiro fin de semana de setembro 

Para quen queira coñecer o municipio baixo tan traballado ambiente, a organización está a diseñar un completo programa de actividades e espectáculos para todas as idades, que abarcan desde obradoiros a música en vivo pasando por unha ampla variedade de actividades lúdicas. 

Entre os maiores atractivos da feira destaca o mercado, representacións teatrais, seres doutras épocas, ademáis da presencia de grupos de música encargados de poñer banda sonora á feira e que asegurará o bo ambiente. 

Dende o Concello animan a todos os veciños a que se vistan con traxes medievais e que colaboren con este evento que cada ano medra en popularidade.

O Concello pon en marcha un ano máis as Escolas Deportivas e Culturais co obxectivo de fomentar e desenvolver as actividades entre os máis xovenes.

ESCOLAS DEPORTIVAS; APRENDER COA ACTIVIDADE FÍSICA.

Máis de 400 nenos de entre 5 e 16 anos, e 120 adultos disfrutaron destas escolas o pasado curso, que contou coas seguintes actividades: Atletismo, Aerobic, Baloncesto, Multideporte, Patinaxe, Predeporte, Tenis, Ximnasia Rítmica, Ximansia de Maiores e Ximnasia de Mantemento.

O Concello de Negreira e a Deputación de A Coruña, destinan para este ano unha importante partida económica. Dous Coordinadores e 12 monitores cualificados compoñen o equipo que se encarga de activar a práctica do deporte entre os escolares e adultos.

ESCOLAS CULTURAIS; FOMENTANDO A CREATIVIDADE.

Un dos maiores compromisos nos últimos anos, foi o de mellorar as Escolas Culturais, incrementado a oferta, para esta tempada estanse a ofertar os seguintes cursos:

- Obradoiro de Danza Tradicional

- Escola Municipal de Teatro.

- Informática

- Costura

- Pintura e Gravado

- Canto

Para facer efectiva a inscrición deberase cubrir a folla de inscrición e pagar na Conta do Concello de Negreira. Unha vez realizado os dous pasos teráse que entregar a documentación na Delegación de Cultura e Deportes, o prazo remata o 7 de outubro.

A Corporación Municipal de Negreira celebrará sesión ordinaria o próximo día 12 de setembro de 2016 ás 21.00 horas no Salón de Plenos do Concello, conforme a Orde do Día que se relaciona a continuación:

Orde do día:

Punto Primeiro.- Dar conta dos Decretos emitidos pola Alcaldía dende a data do anterior Pleno Ordinario: Dende o Decreto nº 138/2016 ata o Decreto
nº 182/2016, ámbolos dous inclusive.

Punto Segundo.- Programa de vivendas baleiras.- Designación dos representantes municipais na Comisión de Seguimiento e Coordinación do correspondente Convenio de Colaboración.

Punto Terceiro.- Aprobación provisional, se procede, da Ordenanza fiscal reguladora da taxa pola ocupación de terreos de uso público local con mesas e cadeiras e outros elementos análogos con finalidade lucrativa.

Punto Cuarto.- Aprobación provisional, se procede, da modificación da Ordenanza fiscal reguladora do imposto sobre vehículos de tracción mecánica.

Punto Quinto.- Aprobación inicial, se procede, de modificación orzamentaria municipal por transferencia de créditos.

Punto Sexto.- Dación de conta do escrito de agradecemento presentado polo Presidente da Unión Barcalesa de Covas.

Punto Sétimo.- Rogos e Preguntas.

O Centro de Información á Muller (C.I.M.), do Concello de Negreira, ten aberta a inscrición para que as familias con fillo/as en idades de 3 aos 12 anos, poidan participar da actividade do programa Concilia 2016 que vaise desenvolver polas tardes, de 16.30 a 19.30 horas, de luns a venres, nas instalacións do Colexio de Educación Infantil e Primaria O Coto.

As actividades comezarán o vindeiro día 3 de outubro e o prazo de inscrición está aberto até o xoves 22 de setembro, nas dependencias do Centro de Información á Muller (C.I.M.), sitas na pranta baixa da Casa do Concello (rúa do Carme, 3), na área de Servizos Sociais. Máis información no número de teléfono: 981 886 320.

A 9ª Andaina Popular «Negreira no Camiño de Fisterra» que se celebra este sábado 24 de setembro, vai transcorrer por un trazado novo, mediante unha camiñada de 25 quilómetros cunha dificultade media, a través da Ruta dos 3 Pazos (O Cotón, Baladrón e Albariña), duns 16 quilómetros, e co engadido de nove máis unha vez chegados ó punto de partida, polo Camiño de Fisterra na súa saída de Negreira polo Corpachón ata Zas, e dende alí, por un sendeiro, os participantes regresan a Negreira polo paseo fluvial do río Barcala.

Con esta iniciativa preténdese potenciar e dinamizar o Camiño de Fisterra e Muxía, ao seu paso polo noso concello. 

Para facer efectiva a inscrición, podes chamar ó número de teléfono 981 885 886 ou enviar os datos a: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.. A inscrición é de balde. Os datos a cumprimentar son os seguintes: nome e apelidos; data nacemento; localidade e teléfono de contacto.