Uns 150 nenos e nenas da provincia da Coruña participaron no I Torneo Provincial Xogade de Xadrez, en liña, dividido entre as categorías sub 10 e sub 14, celebrado nunha fase única o pasado sábado 18 de abril para a categoría sub 10 e no caso da sub 14 ademáis de celebrarse esta primeira fase, levouse a cabo unha fase final o domingo 19, no que se enfrontarían de maneira directa os catro primeiros clasificados da primeira fase.

 

En canto a primeira fase (na que se enfrontaban tódolos nenos contra todos (salvo os membros do mesmo equipo) na categoría sub 10 deu como resultado a seguinte clasificación:

 

1º XADREZ NEGREIRA  -  117 puntos.
2º CÍRCULO XADREZ NARÓN SUB 10  -  78 puntos.
3º PELETEIRO SUB 10  -  68 puntos.
4º ESCOLA DE XADREZ BRÉTEMA  -  68 puntos.
5º XADREZ BERTAMIRÁNS  -  61 puntos.
6º ESCOLA XADREZ COMPOSTELA SUB 10  -  50 puntos.
7º CLUB USC  -  50 puntos.
8º CLUB XADREZ ARTEIXO  -  38 puntos.
9º XADREZ OROSO SUB 10  -  33 puntos.
10º XIRIA CARBALLO  -  23 puntos.

 

A nivel individual destacar os 50 puntos de TREX-2010 (Narón), os 42 de Nico-Amado (Negreira), os 30 de Gaelinho (Bertamiráns) e os 30 de HugoDB (Negreira).

 

Respecto a categoría sub 14 como xa expresamos, procedeuse da mesma forma que na categoría sub 10 realizando unha primeira fase pero a maiores levouse a cabo unha segunda fase na que se enfrontaron os 4 primeiros equipos da primeira fase.

 

O resultado da primeira fase foi o seguinte:

 

1º BERTAMIRÁNS  -  107 puntos.
2º ESCOLA XADREZ COMPOSTELA  -  105 puntos.
3º XADREZ BRÉTEMA  -  105 puntos.
4º CLUB USC  -  94 puntos.
5º XADREZ LOUSAME  -  66 puntos.
6º CLUB XADREZ ARTEIXO  -  66 puntos.
7º XADREZ OROSO  -  52 puntos.
8º XADREZ PELETEIRO  -  41 puntos.
9º XADREZ VEDRA  -  38 puntos.

 

A nivel individual destacar os 36 puntos de Davidbrétema (Brétema), os 34 de Melonovich (USC), os 32 de Hugodomínguez (Bertamiráns), os 32 de Tonxadrez (USC), os 32 de Noelberta (Bertamiráns) e os 30 de NeryCereijo (E. X. Compostela).

 

Tras esta primeira fase enfrontáronse directamente nunha segunda, os 4 primeiros equipos, é decir, Bertamiráns, E.X. Compostela, Brétema e USC, sendo os resultados da seguinte forma:

 

 

 

CLASIFICACIÓN FINAL

 

 

MEDALLAS

 

Entregaranse unha medalla por participante, aínda que nalgúns casos incrementaranse o número de medallas, por existir un erro en lichess, no que non deixou participar a unha pequena parte de nenos.

 

 

 

O Concello de Negreira e debido a situación de alarma sanitaria polo Covid-19 e en sintonía coas medidas adoptadas coas Escolas Deportivas Municipais, da por rematada a presente campaña 2019-2020. As actividades de: Pintura e Debuxo; Teatro; Informática; Baile Tradicional; Pandeireta e Sevillanas, quedan definitivamente clausuradas a raíz da entrada en vigor do estado de alarma.

 

Tamén se suspenden o Ciclo de Teatro previsto para o mes de maio e mailo Día da Muiñeira que se ía a celebrar na primeira fin de semana do mes de xuño.

 

Torneo Ibérico

A celebración do Torneo Ibérico de fútbol veterano que se ía a disputar en Negreira no mes de xuño, tamén se ten que pospoñer para o ano 2021. Nesta edición, na que o equipo anfitrión era o Negreira Veteranos, terase que celebrar o vindeiro ano a espera de que se normalice a actividade deportiva e competitiva.

 

Os compañeiros do pais veciño Portugal, das localidades de Marinha Grande e Sércedo, envían unha mensaxe de ánimo á veciñanza de Negreira e, en particular, ao Negreira Veteranos.

A partir do luns día 11 de maio, as instalacións do Punto Limpo do Concello de Negreira reabrirán as súas portas con atención á veciñanza, e no seu horario habitual:

- Luns a xoves: 9:00 a 13:00 horas

- Venres: 9:00 a 13:00 e 17:00 a 20:30 horas

- Sábados: 9:00 a 14:00 horas

 

Será obrigado para todos os usuarios:

1.- A solicitude de cita previa, vía telefónica, a través do seguinte número de contacto: 664 042 601.

2.- Uso obrigatorio de medidas de protección individual (máscara e luvas).

A veciñanza de núcleos de poboación separados de menos de 5.000 habitantes poderán sair sen restriccións horarias, entre as 06:00 e as 23:00 horas, baixo as condicións fixadas polo Goberno Central dentro da Fase 0 do proceso de desescalada, segundo vén de comunicar ao Concello de Negreira, a Federación Galega de Municipios e Provincias (FEGAMP).

 

Esta medida autorizada polo Goberno Central, a instancias da Xunta de Galicia, permite que os residentes na capital municipal non estén suxeitos ás restriccións horarias, ao igual que todos aqueles que residan nas parroquias do noso concello.

A unidade móbil de doazón de sangue vaise a desprazar a Negreira, este luns, día 11 de maio, en horario de 9:30 a 14:30, e de 16:00 a 21:00 horas, permanecendo estacionada diante do Centro de Saúde.

 

Todas as persoas que desexan doar sangue deben chamar ao teléfono gratuíto 900 100 828, mediante o sistema de cita previa para facilitar o acceso dos doantes e respectar escrupulosamente as medidas establecidas no Real Decreto 462/2020 do 14 de marzo polo que se declara o estado de alarma para a xestión da situación de crise sanitaria ocasionada polo COVID-19.

 

A Axencia de Doazón de Órganos e Sangue (ADOS), impulsou medidas para garantir a continuidade deste servizo esencial, que permite cada día salvar vidas de moitos enfermos ingresados nos hospitais galegos. Do seu traballo depende a colaboración diaria dos concellos e aínda máis nestas circunstancias.

 

As persoas que acudan a doar sangue, poden amosar a súa tarxeta de doador de sangue para acreditar o motivo do seu desprazamento. Na unidade móbil facilitarase a todas as persoas que doen sangue un xustificante da antedita doazón.

 

Agradecemos a constante colaboración, vital para acadar as doazóns de sangue que se precisan cada día para axudar a milleiros de doentes.

O Centro de Saúde informa dun decálogo de normas de prevención fronte á Covid-19 trala reactivación dende este luns 11 de maio, da asistencia nos centros de atención primaria.

 

1º - Ao centro deberase acudir á hora da cita fixada.

2º - Desinfección de mans na entrada.

3º - Obrigatorio acudir todos con máscara de protección.

4º - Os paraugas deben deixarse no lugar habilitado na entrada.

5º - Non se admite a ninguen con bolsas da compra.

6º - Agardarase sentados a ser chamados, nunca de pé.

7º - Só se permiten acompañantes a pacientes dependentes.

8º - Respetar as liñas do solo para manter sempre a distancia de seguridade.

9º - Non formar grupos na entrada do centro, e manter sempre a distancia de seguridade.

10º - Respetar as instalacións, porque son de todos.

A Axencia de Turismo de Galicia está a elaborar a Ruta do cocido de Galicia para a que desde a Asociación Terras de Compostela agradecen que os establecementos de restauración que o queiran, indiquen os datos de cada restaurante que ofreza este produto típico de cara a incluílo na Ruta, entre todos aqueles que ofrezan cocido, en tempada ou durante todo o ano, para que aparezan neste dossier informativo e promocional que se está a elaborar.

 

Deben contactar con Chefa Fernández, da Asociación Terras de Compostela, no número de teléfono: 981 81 83 57.

O Concello de Negreira rematou o reparto de máscaras do modelo FFP2 - KN95 a toda a poboación censada no noso municipio, pero como queira que se deu o caso de vivendas onde non había persoas, infórmase que poderán solicitalas por teléfono nas oficinas do Concello (981 88 52 50) ou ben no número da Agrupación de Voluntarios de Protección Civil de Negreira (673 35 99 36), para que lle sexan entregadas conforme ao establecido no reparto a toda a cidadanía.

 

Asemesmo, lémbrase que o Concello seguirá facilitando máscaras de protección individual a aquelas persoas vulnerabéis que o precisen para unha visita ao médico ou atención sanitaria, para o cal deben chamar ó Concello en horario de mañá, e posteriormente seránlles entregadas por voluntarios de Protección Civil.

A Deputación da Coruña vén de retomar os traballos por 678.931 euros para a construción de 5 quilómetros de sendas peonís na estrada DP5603, de Negreira a Marco do Condado, pola que discorre o Camiño de Santiago a Fisterra e Muxía.

 

A este orzamento hai que sumar outros 119.116 euros que a institución provincial xa destinou á expropiación dos predios necesarios para executar os traballos.

 

As obras na DP 5603 de Negreira a Marco do Cornado realízanse en catro tramos situados entre os puntos quilométricos: 1+430 e 2+170, 7+300 e 7+820, 8+750 e 10+770 e do 11+110 ao 12+900.

 

As novas sendas terán dous metros de ancho e realizaranse en zahorra artificial estabilizada con cemento, o que proporciona un firme brando e cómodo para camiñar longas distancias.

O Concello de Negreira presenta unha programación das Letras Galegas adaptada a nova situación, con varias propostas para todos os públicos a través das nosas redes sociais.

 

Na semana adicada ó escritor Ricardo Carvalho Calero, a Delegación de Cultura deseñou unha serie de propostas que botarán a andar coa actuación musical de "Mamá Cabra" o venres 15 de maio, ás 19:00 horas dende o Facebook do Concello de Negreira.

 

Mamá Cabra

É un grupo de música infantil galego que iniciou a súa andadura no ano 2000. Dende entón editou oito traballos, tres de eles na Editorial Galaxia. O resultado de unir os temas más pegadizos de cada un deles é o recopilatorio Deveribés (un xogo de palabras, algo así como o mellor do mellor, “the very best”).

 

Os seus espectáculos musicais son moi participativos e a súa música é divertida e incorpora valores didácticos, como a adquisición de hábitos saudables, o desenvolvemento das capacidades psicomotrices a través do baile e os movementos coordinados. Os ritmos modernos (rock, pop, funk…) dotan a Mamá Cabra dun especial atractivo que seduce, desde hace máis de dez años, a miles de nenos e nenas, e as súas familias.
A idea orixinal naceu de Gloria Mosquera Roel, que preparaba cancións para as súas clases de educación musical.

 

Regueifas na rede

O sábado 16 ás 20:00 horas teremos no Facebook do Concello, a proposta de Alba María co reto de realizar "regueifas" sobre Carvalho Calero e colgalas nas RRSS.

 

¿Que é unha regueifa?

A regueifa é un desafío oral improvisado en verso cunha orixe que, debido ao seu carácter basicamente oral, se perde na noite dos tempos. A súa referencia máis próxima a nós di que durante o banquete das vodas campesiñas era tradición que a parella ou a madriña dos acabados de casar puxese a disposición dos que non foran convidados á celebración un bolo de pan chamado “regueifa”. Ademais, a maneira de ver quen era a persoa á que lle cabía o honor de repartir a regueifa, molete ou biscachón entre os presentes era retarse dialecticamente entre elrs, en verso, meténdose uns con outros, cos contraentes ou cos familiares destes, para ver quen facía gala do maior enxeño e mordacidade.

 

O desafio da nosa convidada, Alba María, é o de animar a que a xente grave unha regueifa sobre Carballo Calero e o poda compartir nas redes.

 

Os versos, que deberán tratar sobre partes da obra de Carballo Calero, deberanse etiquetar como: #regueifalleaCarvalhoCalero.

 

Actuación de Patricia Iglesias 

Xa para o domingo 17 de maio propio día das Letras Galegas, presentamos unha actuación musical a cargo de Patricia Iglesias, ás 13:30 horas de novo no Facebook do Concello de Negreira.

 

Patricia Iglesias é unha cantante afincada en Negreira e cunha dilatada carreira musical. Formou parte de orquestras como Compostela (onde estivo tempadas), Marimba, Canadá, así como no Dúo Meigas do Son.

 

Na actualidade, a solista forma parte do elenco do espectáculo de Roi Casal "Son Galego Son Cubano", que xiran por todo o mundo.

 

Certame de poesía Ardeiro

O Día das Letras Galegas ábrese o prazo do Certame de Poesía Xosé M. López Ardeiro, que este ano chega a novena edición.

 

O pasado ano o gañador foi o noiés Manuel López Rodríguez, nun certame que xa se consolidou como un dos máis importantes concursos de poesía galegos, que rinde homenaxe o ilustre poeta Logrosán.

 

Dende o 17 de maio ata o 3 de decembro de 2020, poderán presentarse os traballos.